الحلقة الثالثة عشر..
#كالقدس_في_جمالها 💜
كيف يكون الحب حبا لو لم تصحبه تلك الرعشه في اول لقاء ،كيف لم يتوقف قلبك عن النبض عند الغيره ،ان الحب يأتي هكذا مثل الاغتيال في لحظه لن تتوقعها وكما يسحب الموت منك ماتحب يسحب الحب ايضا كل ماتملك ،يسلب العقل والفكر كما تسلب الروح من الجسد ، في بعض الاحيان يكون الحب الشئ الوحيد القادر علي جعلك تحلق في السماء ولكن احذر فلديه القدره علي ايقاعك لباطن الارض بدون رحمة او شفقه ..!
قرأت هي هذه الكلمات المنشوره في الجريده بقلم ياسين لم تتوقعه هكذا
هنا: معقول والله مجنون بيكتب حاجه زي كده فجريده زي دي ده ان مترفدش فيها يبقي حلو بس اي ده طلع شاعر وبيكتب وبيحب كمان بس مين الغلبانه الي هتستحمله دي ده رخم وبارد الي يشوف الي كاتبه مايشوفوش علي الحقيقه كانت هنا تحدث نفسها بصوت عالي وهي جالسه علي حافة البلكونه ليأتي لها اخيها من خلفها
عبدالله : بخخخخ
هنا وهي تترنج : الله يخربيتك كنت هتخليني انتحر قبل مخش دنيا
عبدالله : بهزر معاك لقيتك بتكلمي نفسك قولت اشوف 'مالها وبعدين في واحده عاقله تقعد القعده بتاعتك المجنونه دي مش خايفه تقعي تحت
هنا : مين دي الي تق......لتتزحلق من علي السور ولكن تقع تحت رجله
هنا : بصريخ ااااااااه
عبدالله وهو غارق في الضحك : عملالي فيها سوبر وومن ومين الي تقع ومتقعش تستاهلي احمدي ربنا انك موقعتيش تحت كان زماني بقرأ عليكي الفاتحه
هنا : امشي من قدامي انت السبب امشي
عبدالله وهو يخرج لسانه : برضو تستاهلي
هنا تقوم تقفز عليه ولكن ضهرها مازال يؤلمها : يالهوي عليه ضهري اتكسر هتصور ازاي واطلع فالتلفزيون دلوقت
~~~~~~~
آسر : اي يابني الي انت كاتبه ده هي وصلت لكده حاسس ان الفقره الجايه هتبقي للتعارف الجاد
ياسين : وانت مالك ياجدع اكتب الي اكتبه نفسي اشوف فيك يوم من اللي انا فيه ده
آسر : مش عارف ليه حاسك هتشوفه قريب.
ياسين وهو يقفز : اي بتقول اي هنقع ولا اي آسر الرافعي بجلالة قدره هيقع ياحلاوة ياجدعان
آسر وهو يكمكم فمه : بس هتفضحنا وبعدين بقول لسه مفيش حاجه ثانيا انا هتجوز الدور والباقي عليك الي هنا مش طيقاك
ياسين : بس بس متفكرنيش انا مش عارف اعمل فيها اي البت دي انا بفكر اخفطها
آسر بضحك : تخطف مين يابني دي هي الي تخطفك
ياسين : دايما مستقل بيه كده استني عليه بس
آسر : طيب اخلص ياخويا عشان النهارده عندنا حاجات كتير ساعتين قدامنا بس عشان كتب الكتاب يلا عشان نلحق نوصل الدكتور والدكتوره هناك من بدري
ياسين : ايوه امك مصدقت انك تخطب وسما شكلهاحلوه وعجبت امك
آسر : متلم نفسك ياض اي الي انت بتقول ده
ياسين : بتيغيري يابطه
آسر : شكل روحك هتطلع فايدي دلوقت دي كلها ساعتين وهتبقي مراتي ياحيوان انت
ياسين: خلاص ياعم اهدي متزعلش نفسك يلا نمشي.
آسر : يلا
~~~~~~~~
عند سما ..
سما وهي تجلس مع والدة آسر
والدة آسر : الله اكبر عليكي آسر مقاليش انك بالجمال ده
لتتورد وجنيتها من الاحراج : ربنا يخليكي ياطنط ده حضرتك الي عنيكي جميله بس
منار : لا طنط اي انا مستنيه اللحظه دي من زمان عشان اشوف مرات ابني وتقولي ياماما زيه
سما بابتسامه : حاضر
قوليلي بقي ليه هتلبسي النقاب بما ان مفيش غير آسر بس الي هيدخل هنا
'الدة سما : قوليلها 'الله معارفه اي لازمته
سما : ياماما مانتي عارفه ردي اي
منار : بس لي ياحبيبتي رافضه
سما وهي تتوقع هذا السؤال : معلش عشان بس انا مبعرفش اخرج قدام ناس معرفهاش من غيره حتي لو نساء
منار : ياحبيبتي بس مش هيبقي في ناس كتير لي تخنقي نفسك في يوم زي ده
سما : مش خنقه ولا حاجه انا بحبه جدا غير ان لسه الفرح يبقي ربنا يسهل
منار : خلاص ياحبيبتي زي ماتحبي
سما وهي تتنهد : الحمدلله
ليمر الوقت ويأتي لحظة التغير فهي بعد قليل سينسب اسمها لشخص آخر غير والداها كان التوتر متشبع منها فهي لم تتخيل ان تأخذ هذه الخطوه بسرعة هكذا
سما : وهي تري هنا مقبلة عليها
اتاخرتي كده ازاي تقعدي كل ده متجيش
هنا وهي تأخذ : ياست اهدي استني عليه اما اخد نفسي بس
سما : مالك بتمشي كده لي
هنا : لا متقلقيش كنت بعمل تمارين للضهر بس جامده شوي
سما وهي تضحك عليها تمارين تمشي بالطريقه المعاقه دي
هنا وهي ع 'وشك البكاء : عاااا يعني الصوره هتطلع بالاعاقه دي طيب اعمل اي فاخويا هيخليني اعنس بدري بدري
سما : صور اي كل الي هامك تتصوري يابت انتي واقعه من توم وجيري
هنا : لا من اسبونج بوب قوليلي بقي المأذون وصل ولا لسه
سما: مش عارفه انا متوتره جامد لدرجة حاسه هعيط خلاص
هنا : يابنتي اهدي الواد مش هياكلك والله ده حتي قمر كده والبنات هتتجن عليه
سما : هنا اسكتي
هنا : انا لوما عرفاكي كنت هقول بتغيري بس يلا حظه ونصيبه ياعيني عليه
سما : هو انا الي صاحبتك ولا هو
ليأتي لهم سليم حتي يخرجو
سليم : يلا المأذون بره جهزتي
سما وهي تتمسك بذراع عمها : انا خايفه
سليم وهو يضحك عليها : يخربيتك هيقولو مودينها تموت اهدي ومتفضحيناش هو هياكلك
سما : طيب سكت اهو
ليخرجو ليروا اسر جالسا ويجاوره المأذون ومن الناحية الاهري والدها
لتتم مراسم عقد القران *بورك لهما وبورك عليهما وجمع بينهم في خير* ويسلم ع آسر ويبارك له ليتوجه لها والدها ويقبل جبينها
احمد بحنو: الف مبروك ياحبيبتي
سما بهمس : الله يبارك فيك يابابا
لتعم الزغاريد المكان
والمباركه من الجميع لتحين اللحظه وهي مباركة آسر لسما
ليقترب منها وهي تخفض رأسها من كثرة التوتر وترتعش اكتر كل مايقترب
آسر وهو يقبل جبينها : ويهمس مبروك
سما لم تستطع الرد من الاحراج ولكن تبتعد عنه بسرعه وتقف بجانب عمها
ليتم الاحتفال بهذه المناسبه بوجوه سعيده
~~~~~
سلمي يهتف بها إياد بغضب وهو يراها تترجل داخل المنزل
سملي : نعم
إياد : ازاي عديتي كده من قدام الرجالة دي كلها ولي مقولتيش انك جايه وكنت بعتلك جاد يجيبك ازاي تعدي كده لوحدك
سلمي : انا قررت فاخر حاجه ان اجي عشان ابلة سما متزعلش
إياد واي يعني اظن معاكي رقم جاد تتصلي عليه ياجي يجيبك
سلمي : انا مش عارفه انت بتزعقلي لي مع ان جاد الي اخويا مش بيعاملني كده
إياد : انا غير جاد حتي لو هو الي اخوك الي حصل ده ميتكررش تاني
ليأتي لهم جاد ويري تشنجات وجه اخيه من الغضب
جاد: سلمي ازيك اي في اي مالكم وانت مالك قالب وشك ليه
إياد: قولها ازاي تعدي من الشارع والناس والشباب دول كلهم ولوحدها
جاد : بالراحه عليها ده انا اخوها مبزعقلهاش كده يلا ادخل وانا هفضل معاها
إياد بغيظ: ماشي عشان بس مينفعش اقف معاك بس ياريت ده يتكرر
سلمي : بغضب طفولي لي بيعمل كده مش فاهمه مش زيك لي ياجادو وبعدين لي بحس بيعاملني ان طفله
جاد وهو يضحك : مانتي عارفه انك غاليه عنده ومبيحبش حد يتعرضلك وخايف بس فكك منه يلا بس تعالي اوريك انا جبت اي
* سلمي في نفس عمر جاد وإياد وفي نفس قسم إياد ولكن القدر يجمعها بان تكون اخت لجاد فقط في الرضاعه فهي ابنة جيرانهم تربت معهم منذ صغرها و تجمعها بجاد علاقه جميلة ولكن مع إياد هي تري دائما انه يكشر في وجهها منذ ان دخل المرحلة الثانويه ولا تعلم السبب*
~~~~~~
سما وهي متمسكه في ذراع عمها
سليم : هتاكلي دراعي بالراحه عليه
هنا وهي تبارك لها : الف مبروك ااخيرا بقي صاحبة العروسه
سما : مجنونه عقبالك يارب
هنا بوهن : امتي بقي
سليم : متستعجليش هيجيلك لحد عندك بدون استعجال
ليقاطعهم صوته وهو يقول بمرح
واهو جالك اهو.......
أنت تقرأ
كالقدس في جمالها ❤
Romanceفهي سماء معطرة بالنفحات حتى في شدة ظلمتها تصبح جميلة فهي مازالت مسكن آمن للورد في كل يوم تزورها الشمس ولو دقيقة .. عليكي أن تعلمي أنك أنت المميزة عنهم فهم يريدون الدنيا أما أنت فتسعي دائما للآخرة ذلك المكان الرائع لتدركي أن أقسى ما مررت به يوما كان...
