الحقة الرابعه عشر...
#كالقدس_في_جمالها 💜
هنا تغني باندماج: ريح بالك اهو
ليضحك عليهم سليم وسما
آسر : اي موقفك هنا ياعم سينو
ياسين : جاي اتجوز زيك اشمعنا انت
سليم : حد قالك اننا بنوفق راسين في الحلال جاي تتجوز منين
ياسين : طالب القرب منك
سليم : انت مجنون عايز تتجوز رنيم بنتي
ياسين :لا لا هي زي بنتك
آسر : نعم ياخويا وانت مش مكفيك الي واقف جنبك ده ولا انا كيس جوافه
لتنكمش سما من رده فعله لتصبح كتلة من الخجل
هنا : انت يابني عبيط متروح تتجوز بعيد عننا لتوجه حديثها لآسر مش عارفه انت مصاحب العقليات دي ازاي
ياسين : نعم ياختي عقليات اي يام عقليات انتي شكلك متعرفيش مين سينو
سليم : بس بس انتو هتخانقو قدامي يلا عشان الناس هتتفرج علينا كلها ساعتين والعمليه تتنفذ وربنا يسترها
لينظر ياسين لهنا بحنق وهو يتوعد لها لتبادله النظره بحنق اشد لتقوم الحرب بينهم من الان
~~~~~~
بعد مرور ساعتين من الوقت يتوجه آسر الي المكان التي سوف يتم فيه تسليم المخدرات كمشرف علي العمليه
سليم : خلي بالك من نفسك واول ميتجمعو اديني رنه هتلاقيني قدامك
آسر : متخفش باذن الله ربنا هيسترها
سما وقد تملك الخوف منها
آسر : احنا هنخرج دلوقت علي اساس اننا خارجين نتعشي بره عشان ميتشكش في حاجه احمد علي علم بكل حاجه وهو الي وصل الادله للبوليس هنوصلكم انتي وهنا علي الجمعيه متتنقلوش من هناك لحد منجيلكم
سما : وهي تومأ برأسها فقد وقف لسانها من كثره الخوف ولكن تشجعت لتردف قائله
ربنا معاك لا إله الا الله
آسر بهدوء : محد رسول الله متقلقيش ان شاء الله خير
سليم : ‘يلا عشان الوقت بيجري
سما : خلي بالك من نفسك ياعمو وابقي طمني عليكم
هنا : يعني كده خلاص مش هنروح معاك ولا نتصور ولا اي حاجه ولا يقولو البطله هنا
ياسين : ياشيخه انتي في اي واحنا في اي بدل متقولي ربنا يسترها ونرجع بالسلامه زعلانه ع التصوير ويوجه كلامه لسليم انا من رأي ياعم سليم احنا ناخدها معانا جايز تيجلها طلقه في لسانها يتعدل
هنا بتذمر كالاطفال : شايف ياعمو بيقول اي
سليم : بطلو انتو الاتنين وخلو جنانكم ده لبعدين يلا
ليترجلو جميعهم خارج المنزل بعد اقناع الجميع بانهم خارجين للتنزه واصرار سما بان يأتي عمها معها
لتصل كلا من سما وهنا الي الجمعيه ويذهب آسر ليتم المهمه وسليم مراقبا له هو ورجلين من الشرطة وياسين مع قادة كبيره من رجال الشرطه مستعدين للانقضاض عليهم في وقت تلقي الاشاره
آسر عندما وصل الي المنطقه التي يتم فيها تسليم المخدرات فهي اشبه بالصحراء ليري جميع رجال العصابه منتظرينه
آسر وهو يوجه كلامه لاحد العمال المشرفين ع البضاعه : امال الباشا اي مش بيجي
احد العاملين : لا الباشا الحاجات دي بتم من غير ميكون موجود بنخلص ونرن نقوله تم
آسر مفكرا : وكلكم بقي عارفين بيبقي فين
الرجل: الباشا طول مافي تسليم بيبقي فالشركه عشان يبقي بعيد عن اي شبهات
آسر : اه قولتلي ...وهما قدامهم كتير لا خلاص قربو يوصلو
ليري يد وضعت ع كتفه من الخلف ليستدير لها
حسن : انت آسر
آسر : ايوه انت مين
حسن : محسوبك الدراع اليمين للريس وانا جاي عشان اساعدك في اول مهمه
آسر : اه طيب تمام
حسن بصوت استهزاء : مالك مهزوز كده متقلقش دي بتم زي الشعره من الجنيه بس عشان انت اول مره بس
آسر: ماشي
بعد قليل من الوقت يري سيارة ضخمه تأتي لهم وتشع كشاف النور في وجههم لكثرة الظلام الموجود.
حسن بصوت عالي : يلا يارجاله اجهزو عشان وصلو
آسر وهو يضغط ع الاتصال ويضع الهاتف في جيب
ليترجل رجل من السياره المقابله لهم
الرجل : البضاعه تمام ..؟
آسر : شوف بنفسك
حسن : هاتو يارجاله البضاعه
وعندما يتقدم العاملين يروا سيارت الشرطه محاوطه جميع الاتجاهات وضابط بهم
.
يهتف محدش يتحرك المكان كله متحاصر ولا ووقعتو اخيرا حسن : بقي من اول عمليه خيانه : اه ياكلب
آسر : باتسامه نصر يلا خلي البلد تنضف
ليبدأ و في ضرب النار علي بعضهم ويتخبي آسر ورا مدرعات الشرطه حتي لا تصيبه ‘لكن تلحقه رصاصه تصيب زراعه ليتأوه بصوت عالي ليتم السيطره ع الوضع من الشرطه
آسر وهو يجاور الشرطي : الراس الكبيره لسه مش هنا
الشرطي : متقلقش كله تمام ليأمر الجميع بجمع البضاعه وجمعهم جميعا في سيارة الشرطه
ليأتي سليم بعد قليل ويلحق آسر
سليم : آسر انت كويس
آسر : الحمدلله سليمه سليمه
سليم بخضه : اسند عليه لحد العربيه. ليساعده رجل من الشرطه ثم يأتي ياسين : آسر حصلك اي اتصبت فين
سليم : بسرعه ياياسين ننقله علي المستشفي الاول
~~~~~~
سما : مفيش اي اخبار عنهم انا قلقانه ربنا يستر
في تلك اللحظه كانت هنا شارده الذهن
سما:هنا انتي يابنتي
هنا : بانتباه : هاه في اي
سما:سرحانه في اي وانا بكلمك
هنا :الي مدايقه كنت مجهزه نفسي ان هطلع فالتلفزيون بس باظت واخويا عبدالله هيشمت فيه
سما بنفاذ صبر : يابنتي انتي تفكيرك ده ازاي يعني انتي بتفكري زيينا عادي
هنا : يووه ياسما قوليلي عيزاني افكرفي اي
سما : يابنتي عمو وآسر وياسين في خر وانتي كل الي همك الصور
هنا : ايوه صح تصدقي متخافيش ان شا الله مش هيحصلهم حاجه
سما : ان شاء الله
~~~
منار :مالك يابراهيم رايح جاي ماسك التلفون لي
إبراهيم : مستني مكالمه مهمه
منار : انا مبسوطه اوي مش مصدقه ان آسر خلاص هيتجوز وكمان البنت ماشاء الله عليها جميله ومؤدبه
ابراهيم : اه اه ربنا يسعده
منار : لا بقي مكالمة اي دي
ابراهيم : متاكليش عقلي بقي قولتلك مكالمه مهمه
منار : طيب بالراحه خلاص
ليقطع حديثها رنة الهاتف ليتجه للخارج حتي لا تسمعه زوجته
ابراهيم : ايو يابشمهندس عملتو اي
سليم : متقلقش الحمدلله بس آسر اتخبط خبطه بسيطه في دراعه متقلقش والدته وياريت متعرفهاش وتعالي علي مستشفي.....
ابراهيم وهو يتنهد بقلق : طيب طيب مسافة السكه مع السلامه
منار : رايح فين الوقت متأخر : حالة متأخره لازم امشي مع السلامه
منار بقلق : طيب مع السلامه
ليذهب سريعا الي المستشفي. في اقل من نصف ساعه كان وصل اليهم
ياسين : دكتور إبراهيم متقلقش هما خرجو الرصاصه بس لسه بيفوق
سليم ناظرا لوالده : مرضتش اقولك انها رصاصه في دراعه والدكتور قال انها سطحيه خفت تقلق وانت جاي .. سليمه والله
ابراهيم : الحمدلله قدر الله وماشاء فعل
ليتذكر سليم سما ليهاتفها
سما : عليكم السلام عمو عملتو اي انتو كويسين
سليم بتردد : احنا بخير بس..
سما : بس اي ياعمو حصل اي
سليم بثبات : آسر اتصاب برصاصه في دراعه
لتشهق سما بصدمه : اي وهو عامل اي
سليم : متقلقيش الرصاصه طلعت وهو كويس انا هفوت عليكم دلوقت اروحك
سما: لا نزوره الاول نطمن عليه
سليم : هنتاخر كده وفالبيت هيقلقوا بكره الصبح هنيجي نزوره
سما بقلق : طيب الي حضرتك تشوفه
سليم : تمام نص ساعه واكون عندك ان شاء الله
سما : ماشي مع السلامه
بعد قليل يترجل عمها داخل الجمعيه
سما : عمو آسر عامل اي
سليم : متخافيش هو كويس اطمنت عليه قبل ماجي مع والده وياسين وانا استاذنت ان اروحك وكلها كام ساعه ونروحله
سما : يعني هو كويس فاق طيب.
سليم : متخافيش كان بدأ يفوق اول مجيت الدكتور قال انه بخير غير ان ابوه اطمن عليه وقال ان مفيش اي خطر عليه
سما : الحمدلله
سليم : يلا عشا اروحك وانتي ياهنا مامتك كلمتني وقولتلها انك هتباتي مع سما النهارده
هنا : هيييي وعرفت تقنعها الله عليك
سليم : طيب يلا عشان نروح بقي
سما : يلا
~~~~~~~~
عند آسر بدا يستفيق
ياسين : آسر انت فوقت
آسر بنبره ضعيفه : ايوه هاتلي ميه
ياسين وهو يناوله المياه الحمدلله الدكتور بيقول ان كنت هتفوق الصبح
آسر : يعني ارجع اغيب عن الوعي تاني ولا اي
ياسين وهو يضحك : لا ياعم هي ناقصه الواحد كان حاسس ان الشبشب بتاعه مقطوع ومش عارف يمشي
آسر باستغراب : اي جاب الشبشب ليه
ياسين : ماهو انت غلاوتك بغلاوته مانت عارف ان مدمن شباشب
آسر : امشي من جنبي الله يكسفك بدل محد يسمعك وانت بتقول مدمن شباشب.
ياسين : ابوك في الاوضه التانيه هروح اصحيه اقوله انك فوقت
آسر : بابا هنا طيب سيبه نايم
آسر بتردد : هي سما مجتش
ياسين : اوبا امممم سما دي جات وموتت نفسها من العياط عليك وقلبت الدنيا
آسر وهو يفتح فمه ع وسعه : هاه
ياسين وهو غارق في ضحكه : بس بس للدرجادي معندكش امل انها تعمل كده مجتش عمها هيجيبها االصبح
آسر : قوم ياض من جنبي قوم
ياسين : وهو ممسك للهاتف بخضه : الحق يا آسر .....
أنت تقرأ
كالقدس في جمالها ❤
Romantizmفهي سماء معطرة بالنفحات حتى في شدة ظلمتها تصبح جميلة فهي مازالت مسكن آمن للورد في كل يوم تزورها الشمس ولو دقيقة .. عليكي أن تعلمي أنك أنت المميزة عنهم فهم يريدون الدنيا أما أنت فتسعي دائما للآخرة ذلك المكان الرائع لتدركي أن أقسى ما مررت به يوما كان...
