بغيابك كنت ما اخونك كنت اكتبك و اتامل صورة عيونك

5

. قَد تكـبُر الأنثـى عَـلى فَساتيـنها القَصيـرة .. و رَبـطـةِ الضفائـر الـزّهـريّـةُ وَ كعـبُها الـعَالـي .. وَ ألـوانُهـا الصّـارخـة.. لـكنّـها لَا تـكبـُر عـلى الحـُــــــــــــــــبّ ابــداً نكـمّل
.
سيلين : مدريي والله بس إستغربت من نظرآته انا قلت يمكن بينكم شي . إيڤا ببرود : لا م فيه شي تطمّني . سيلين بإبتسامه : اجل مُخلصه لرعد يعني هاه . تأففت وردت : ومن قال اني أحب رعد هذا زمان وانا صغيرهه الحين مابيني وبينه شي . سيلين بسخريه : طيب شفيك عصبتي قومي بس لجامعتك يلا لا تتأخرين . وقفت إيڤا وقالت : مالي خلق بسوي لي نسكافيه تبين ؟ . عدلت سيلين جلستها واخذت الريموت وردت : اكييد يلا وانا بشوف لنا شي نشوفه
ـــــ ـــــ ـــــ
بالسكـن
زياد بسخريه : لاتسوي لي فيهاا عاقل انت ناسي ماضيك الاسود . نايف بقل صبر : لاترجع وتذكرني بعدين احد يحب وحده تنزل صورها بالانستقرامم وعندها معجبين ومتابعين ؟. زياد : من قال لك احبهاا .. عادي اتسلى معها بعدين انت م شفتها وربي حلوه حيييل وتطيح الطير من السما ع قولتهم هااه شوففهاا . وقف نايف ورد بسخريه وهو ياخذ مفتاح سيارته وجواله : ماني بشايفها يبوي ولاشي اكلم حمار اناا .. كمل وهو يأشر عليه بمفتاح سيارته : انا مشيت بهالطريق لكن الله هداني وماكنت ابي تضيع عمرك بهالخرابيط بس وش اقولل انفخ بقربه مشقوقه . نزل فهد السماعات من اذنه وبإستغراب : خيير شفيكممم .. وين رايح نايف ؟؟ . رجع زياد لجواله متجاهلهم . نايف بجمود: بطلع الفلف طفشان. وقف فهد ولبس كابه وقال : جاي معاك
ـــــ ـــــ ـــــ
بعد مرور شهر
# أبطال روآيتنا على نفس روتينـهم .. ماعدآ وسن اللي فصلت من الجآمعه من توفى نواف وصار وقتها كله ف بيتهآ .
#طبعا قدرت ام عبد الله تقنع ولدها بالزواج بكم كلمه كسرت خاطره و اليوم أول ليلة لـ سيلين وعبد الله بعد زواجهم .
السآعه ٢:٥٤ ص
# ف فــلة أبـو عبد الله
إيڤا حبت راس عمها وبإبتسامه : مبروك عليهم عمي . راكان : الف مبروك الله يوفقهم . ابو عبد الله بفرح : تسلم تسلم . نايف : منه المال ومنها العيال . أبو عبد الله : مشكور ياولدي . إيڤا بهمس : يلا لتين خلينا نمشي انا نعست وراسي بينفجر . لتين : إيڤا انتي ارجعي ونامي انا بجلس شوي واخلي راكان يوصلني لبيت وسن بتطمن عليها وارجع . إيڤا بتملل : وشلون يعني اخذ تاكسي . سمعها نايف وقال : انا اوصلك . إيڤا : لا ما .. قاطعتها لتين وهي تناظر نايف : والله تسوي خير بس وصلها وماتحرك الين تشوفها تدخل الشقه هذي دامها نعسانه يمكن تنام وهي تمشي يلا يلا روحي .رعد حط يده ع كتف نايف : ماعليك انا أوصلها إنت تقدر تروح . إيڤا بارتباك : لا خلاص نايف يوصلني يلا نايف خلينا نمشي . عض رعد ع شفته السفليه مقهور من نظرات نايف اللي كان يبستم بوجهه بإنتصار ورد وهو يناظر إيڤا : يلا إمشي.
ـــــ ـــــ ـــــ
. أخبـِرني '
كيفَ لي أن أتحمّل بعدگ عنّـي !
وكيـف لكَ أن تترُكنَـي وحيدةً تآئِـهـه
كُنت أرى بـ إِبستآمتک حيآه جديدَه لآ نهايةً لـ سعآدتِي بهـا .
گُنت أحفظُ مآ أقولَ لكَ من الشِّعر و كلآمِ الغـزَل .. لكـنّ ما لمٰ أحفظُه هو كيف سـ أقولُ : - أجرُنا وأجرك -
لـمن يُعزّينـي بـك .
« هآ أنت اللآن بعيدٌ عنّي ولا أعلمُ متى سـ أصِل إليك
يلف جسدُك ثوبٌ أبيَض ويحتضِنك ترآبُ قبرك .$
: بـقلمِي #

رن جوآلها وصورة نوآف بيدهآ .. م استرجت تترك صورته وتاخذ الجوآل رجعت وضمت صورته لصدرهآ تحس بشي يخنقهاآ شي ضاغط عليها بيسار صدرها وتدريي ان هااشي مارح يزيله لها غير شوفة زوجها ونبض قلبها " نــوآف "
م سكت جوالها للحيـن .. اخذته وردت بصوت كله تعب : هلاا . لتين بقل صبر : يعني لازم اجلس ساعه انتظرك تردين خوفتييني عليك ؟ شلونك ؟. تنهدت وسن من هالسؤال اللي يجرحها وتضطر تكذب وترد : بخير الحمد لله . زفرت لتين بضيق من نبرة صوت وسن اللي مبين فيها التعب والشوق .. اتصلت عشان تتطمن عليها وماعندها اي موضوع تتكلم فيه .. سكتت شوي تفكر بسالفهه عشان تغير جوها ونطقت : كنت بمرك بس يبي لي طياره عشان اوصل لك بيتك بآخر الدنيا .. بس إسمعي فتحو مطعم جديد ماودك تعزميني عليه؟. إبتسمت وسن من اسلوب لتين اللي عمره م يتغير .. رغم جرائتها وثقل دمها الا انها تحبها وتشوفها اعز واغلى صديقه عندها .. تعرف وسن ان لتين ماتحب تشوفها متضايقه وتحاول الحين بقد ماتقدر انها تنسيها نواف اللي راح ومستحيل رجوعه لكن من الصعب على وسن انها تنسى شريك حياتها بهالسرعه رغم ان زواجهم ماصار له الا كم شهر . ردت وسن وهي تحاول تخفي ضيقها عن لتين : حلوه ذي انتي اللي دالتني عليه وتبيني اعزمك . ضحكت لتين وردت : اي حبيبتي طلعي دراهمك يلا انا ماعندي ولا هلله . ردت وسن وهي تناظر سمر : طيب بس سمرر ما قدر اخليها بروحها . لتين : ومن قال لك خليها جيبي هالنتفه معاك واحشتني يلا بدز لك الموقع ولاتنسين بكرا الساعه ٢ تكونين هناك . وسن : ان شاء الله . لتين : يلا سي يو
ـــــ ـــــ ـــــ
ف غـرفةة عبـد الله :
فسخ جاكيته الأسود وحطه ع الكنبه ونطق وهو رافع حاجبه و يناظر سيلين اللي جالسه ع طرف السرير : الظاهر عاجبك سريري متكيه فيه !.وقفت سيلين وردت : كله اسفنج وغطا يامال العافيه ع وش يعجبن ي حظي . ضحك بسخريه ورد : عاد حرام ورا هالجمال كله وتتكلمين مثل العجايز !. سيلين : هذا حتسي القصيم ولا نسيته لانك بكندا. عبد الله وهو يفتح ازارير قميصه الأبيض : انا اعرف العروس تستحي ولا ينسمع لها صوت وانتي تطقطقين مم دخلنا .. قومي قومي بس بدلي ولا عاجبك الفستان بعد ! . ردت وهي تناظره وبإستحقار : قلتها بنفسسك العروس لكن انا م حسيت بهالشي ولا اشوف نفسي عروس للحين < دخلت لدورة الميآه وتسندت ع بـآب الحمام وصاارت تبكيي بحرررقهه
تبكي لانهم زوجوها ولد عمها وتحسب انه اخذها عشان العادات والتقالييد حقتهمم لكن اخذهاا عشان يحقق مبتغى أهله االلي جبروه يتزوجها.. لانها تزوجته وهم يبادلون بعضهم نفس شعور الكره مسحت دموعها وهي تقول: بهالزمن حنا ضحايا التقاليد .. عااادي عند الاهل يموت اثنين وتعيش عاداتهم .. شلون م فكررت انااا ليشش وافقت اتزووج الحين .. ليشش ياعمي ضغطت عليي واجبرتني بكلامك اوافقق . وقفت ع المغسله تغسل وجههاآ وهيوتقول ف نفسها : اهههخ ي يمهه مشتتاقه لك حيييلل وينكك عني بس .. ليتكك كنتي معاي بهاليومم الأسود
ـــــ ـــــ ـــــ

بـ سيــآرة نآيفف
إيڤا وهي تنآظر الطريق : هييه انت من وين رحت !!. تجاهلها نايف ولا رد عليها. ٱيڤا بنرفزه : اقول لك وين مااخذنيي مو من هالطريق .. شووف هالخطط يخرعع كله اشجار وظلام كانه غابه اول مرا اشوفهه .. تخيل يطلع لنا حيوان بري او شيي .. صرختت يوم شافته مطنشها وبغضب : اكلممك ي اللي مااتسمعع لايكون بتخطفنيي هااه ايي اكيد بتخطفنيي والله مـ .. / قاطعها بنرفزه : بس بسسس بالعه راديوو انتي .. بعدين من اللي بيخطفك انتي حتى أكبر مجرم بتكون غلطة حياته لو خطفك. عقدت حواجبها وردت : اجل وش هالطريقق.نايف يحاول بأي طريقه انه يطول الطريق عشان يطون معها .. سكت لثواني يفكر بكذبه ورد : هذا الوصف اللي دلني عليه راكان يمكن طريق ثاني . إيڤا : امم يمكن. نايف : شفيه شعرك صاير كذا طالعه من انفجار ولا وشو !! . إيڤا بسخريه : هاهاها تعرف تنكت .. انت شعرفك بالموضه . نايف بغرور : لاتكلميني عنها احسن منك. إيڤا وهي تناظر قصة شعره : ايه مرا واضح من شعرك الغبي. رد وهي يمسح ع شعره ويقلد نبرة صوتها : وانتي شعرفك بالموضه. إيڤا بإستحقار : وعع مو جويي السبايكي وقصات البزران ذي . نايف وهو يناظرها : اجل جوك حار شتاءً بارد صيفاً. إيڤا وشوي وتبكي : يووه ي السماجه افتح باب السياره وارمي نفسي يعني ي المغزلجي. سكت نآيف من سمع هالكلمه وصار ياكل شفايفه رغم انها كانت عاديه بالنسبه له بس طلعت من فم إيڤا كـ سكين لـ وسط صدره . انحرجت إيڤا من شافت ملامحه اللي ارتيم فيها الضيق وماتدري ليش قالتها اصلا بس واضح انها مليانه منه وحاقده الا انها مو بوقتها . نايف بهدوء ومن دون م يناظرها : تشوفين هاللقب يناسبني ؟. إيڤا وبدون م تناظره برضو : من اللي شفته احسه يناسبك. نايف : وماشفتي اني تغيّرت ؟ إيڤا بجمود : مدري ماحسيت يعني علاقتنا ماهي قويه عشان اشوف اذا تغيرت أو لآ. وقّف نايف السياره ونطق وهي يناظر حوله من ودن م يناظرها : وصلناا .. انزلي . رفعت إيڤا عيونها وله وردت : طيب .. شكراً . نزلت وحرك ع طول
ـــــ ـــــ ـــــ
فهد : ايه يمه الحمد الله كل شي كويس . أم فهد بحنان : متى يايمه نشوفك ترا ولهنا عليك واختك رهف دايم تسأل عنك. فهد بشوق : والله وانا مشتاق لكم ومشتاق للنتفه ذي .. ان شاء الله اجيكم بعد شهر بالاجازه واشوفكمم . أم فهد : فهد . فهد بإبتسامه : عيون فهد وقلبه ٱمريني < دخل زيآد ع هالكلمتين الحلوه اللي طلعت من فهد و صرخ بحماس : ااحححلاا ي قلبه عييل تكلم من ورااي ي التببن . < سحب فهد المخده الصغيره اللي جنبه ورماها على زياد بقوه قبل ينحاش ورد عليها : لا يمه ذا خويي اللي مع بالسكن مهبول .. آمريني . أم فهد : تذكر بنت خالك سعد غاده ي حليلها تخرجت من الثانوي وتبي تسجل بجامعه . فهد : اي الله يوفقها يمه . ام فهد : البنت شاده حيلها وذكيه وفوق كذا ربي معطيها جمال ودلع ورقة وكلشي و .. ابتسم فهد ورد : تحبين تلفين وتدورين بس ترجعين لنفس الطاري قلت لك ي غلاي مارح اتزوج الين اخلص جامعتي وارجع والقى وظيفه. أم فهد بحزن : وانا وابوك وش يضمن لنا عمرنا لين تخلص وتتوظفف نبي نشوفك ياضناي معرس ونشوف عيالك انت اول عيالي واكبرهم لاتحرمني هاليوم . فهد بضيق : يايمه بسم الله عليك انتي وابوي الله يخليكم لنا ويطول اعماركمم اكفين لا اسمعك تقولين كذا .. اللي تبينه رح يصير وش تبين بعد . ام فهد بفرح : يعني موافقق خلاص اخطبها لك ابتسم فهد من سمع نبرت صوتها اللي ارتوت فرح ورد : انا موافق بس لاتربطين البنت من الحين اذا جيت تخطبينها لي ان شاء الله
ـــــ ـــــ ـــــ
بـ سيآرة راكان
< نزّلت جوالها بعد انتهاء اتصالها مع وسن ورفعت عيونها لراكان تناظره وتحس ان داخلها يحترق ع صديقتها . كسرت راكان هالنظرات منها ونطق بحنان : شفيكك .. صاير شي ؟؟ . نطقت وهي تناظر الشارع من قزاز السياره وتتهرب منه عشان م يشوف دموعها : وسن .. والله خايفه عليها اخاف تسوي بروحها شي او يصير لها شيي . راكان بهدوء : هذا المكتوب ولازم ترضى فيه وتصبر . لفت وجهها وردت : صعبه عليهاا والله تتحمل هذا كله يعني بنتها سمر والروح للي ف بطنها واللي اكبر من كذا وفاة زوجها شلون بتصبر ؟؟ ..رد وهو يناظر عيونها اللي تحجرت بداخلها الدموع : اللي يشوفك ويشوف شخصيتك يقول هذي قويه ومايهزها ريح بس طلعتي العكس انا اعرف وسن قويه وتقدر تتحمل بس إنتي اللي مدري وش اسوي فيك الحين.. بتسكتين ولا انزلك بنص الطريق ؟ . لتين وهي تمسح دموعها وبجراءه : ماتقدر.رفع حاجبه ورد : احلفي عاد !! < وقف السياره ع جنب وكمل : يلا انزلي اشووفف بسرعه. تكتفت لتين وردت : اقول وصلني الشقه يلاا انت اللي مسوي فيها وقلت لي بوصلك. راكان بغرور : اقدر انزل وانزلك غضبا عنك بس خلاص سامحتك. لتين بسخريه: لا تكفى ازعل مني. راكان وخدهو يمثل الدلع وبصوت ناعم : يممه منكك تخوفين ي الشريّيررا. لتين بإشمئزاز : ويييع نزل القزاز برجعع. ضحك راكان وحرك : كلي هواا.
ـــــ ـــــ ـــــ

اليوم الثـآني.
الساعه ٨:١٢ ص
طلعت سيلين من الغرفه ونزلت لتحت عند زوجة عمّها اللي كآنت تفطر هي ورععـد
سيلين بإبتسامه : صباح الخير . رعد : هلا بزوجة أخوي حياكك تعالي افطري. سيلين : تسلمم انا لازم اشرب حليب اول م أصحى .. الا وين عبد الله . أم عبد الله بسخريه : والله وبنات اخر زمن مايدرون عن ازواجهم مسكين ولدي طلع لدوامه ومدري اذا فطر ولا لآ. سيلين بهدوء: راحت علي نومة نمت متأخر امس.. يلا عن إذنكمم .
حط رعد فنجان الشاي ونطق : يايمه البنت مالها غير يوم لاتكرهينها عيشتها . أم عبد الله : اصلا بغيت بنت خالتك له م بغيت ذي لولديي لكن أبوك . كملت بسخريه : قال وش قالت اشرب حليب كانها ورع . ضحك ورد : الله يعينها عليك أجل
ـــــ ـــــ ـــــ
بالجامـعه.
ف الكلآس ؟
الدكتور يشرحح ونص الطلاب معه والبقيه ماهم ححوله وسواليف ولعب مثل نايف وزياد اللي مسويين إزعاج مو طبيعي ومعهم راكان لكن راكان كان اهدى شوي اليوم.
الدكتور بغضب : ( لم كل هذا الإزعاجج ؟؟ إهدئو قليلاً بقي القليل لإنتهاء الدرس )
إيڤا كانت وراهم .. نطقت وهي تناظرهم وبحقد : هيييه انتم م تبون المحاضره اطلعو خلونا نسمع زين. ردت وحده لبنانيه جالسه جنبها : اي والله عنجد م عم نسمع شي. زياد بضحك : اووخصص ي الدافوررهه. لف راكان وجهه عليها ورد : لتين ليش م داومت اليوم؟. إيڤا : عشان دوامها .. راكان سكت اللي جنبك هذول. تكتفت راكان ورد بجمود : خلاص ي عيال اهجدو شوي . نايف : شعندك اليوم عاقلل < شاف زياد يعطف الاوراق ويحشيها ببعض . نايف بسخريه : ي غبي اكيد م رح توصل لهه كذا حط شي ثقيل داخله وارمييه عليه. زياد بخبث : دايم تفهم شنو راح اسوي .. بس شنو احط ؟ / لمح نايف روج طارف بشنطة البنت اللي قدامهه ( اللي هي نرجس ) وسحبه بدون م تحس فيه وعطاه زياد : هاك خذ ذا
زياد بإستغراب : من وين يبته ! . نايف وهو يناظر نرجس وبخبث : منها .. < تذكرها يوم تمشكلت مع إيڤا هي وأصدقاها وكمل : تستاهل اللي بيجيها
. حطه زياد داخل الورقه ورماهه ع الدكتور اللي كان مقفي ويعدل اللاب عشان العرض.
لف وجهه ع طلابه ونطق بقل صبر : (من فعل هذه الفعله؟) .. الطلاب ساكتين ومحد رد عليه < نزل للارض وشاف الروج داخل الورقهه ومن بين أسنانه (اذا فتاه !! .. لمن احمر الشفاه هذا ؟ تحدثنن ) وقفت الطالبه وهي تناظر صديقتها اللي جنبها ومنصدمه كيف وصل للدكتور .. الطالبه بإرتباك ( لي ولكن لا اعرف ... ) . قاطعها بنرفزه ( انتي كيف تتصرفين هكذا معي؟؟ هيااا إذهبي الى المدير وأخبريه ماذا فعلتي) .
نايف وهو كاتم ضحكته وبهمس : مسكينه راحت فيها بسبتك . زياد : إنشعم
الطالبه وهي شوي وتبكي :( دكتور .. أقسم لك بأنني لم... ) قاطعها بصراخ : ( قلت لكي اذهبي .. هياا ). وقفت إيڤا وقالت : ( عفوا دكتور .. إسمح لي هذه الفتاه ليس لها علاقة بما يحدث ) . الدكتور بحده : ( لمااذاا ؟؟ هي أساءت لي بهذا التصرف البشع ولن اسامحها ) .
زياد بقهر : هذي شنو قاعده تسوي ؟؟ . عقد نايف حواجبه ورد : مدري شوفهاا .
إيڤا وهي تأشر ع نايف وزياد : ( ولكن هم من يجب ان يعاقبون .. رأيته وهو يأخذ احمر الشفاه خاصتها من حقيبتها وزميله قذفه عليك ) . مشى الدكتور صوبهم و وقف قدامهم ونطق وهو يحاول يكتم غضبه : غادرو القاعه وإذهبو الى المدير واللآن . وقفو نايف وزياد من دون م يناقشونه .. طلع نايف و زياد اللي كان يناظر إيڤا بحقد بعكس إيڤا اللي كانت تناظرهم وتبتسم بإنتصار . وقف راكان ونطق بهدوء : ( أيمكنني أن أذهب معهم ؟ ) . الدكتور بجمود :( تفضل ) كمل وهو يناظر نرجس : ( وانتي تفضلي ) . لفت نرجس وجهها لإيڤا وبهمس : شوكراً كتيير . ناظرتها إيڤا بغرور وتجاهلتها معه
ـــــ ـــــ ــــــ
إستغرب نايف الرقم اللي اتصل عليه ورد : آلو ، أمل بلهفه : نايف . نايف بتعجب : مين ؟ . أمل: نايف ..انا أمل وينكك إنت ليش م قلت لي إنك غيرت رقمك ! . تنهد نايف ورد : وليش أقول لك انتي اصلا من وين جبتي رقمي ؟. ضحكت أمل مو مستوعبه رده وردت : ليش تقول لي !! نايف انا امل حبيبتك شفيك . سكت نايف لثواني ورد : أمل إسمعيني انا كنت ألعب بمشاعرك وصحيت على نفسي عشان كذا قلت أنسحب من حياتك بهدوء . < فتح طارق باب غرفتها بهدوء . وقفت أمل عن سريرها بصدمه وهي شوي وتبكي : نايف انت من صجك قاعد تقول جذي ؟؟ ترا نفسيتي هاليومين تعبانه وحدي فاقدتك اذا كنت تمزح تحجى ! . نايف بجمود : لا انا جاد بكلامي انا يا امل م احبك ولا حبيتك بيوم اصلا أنا ماحبيت اكمل لعبتي معاك لانك طيبه وتستاهلين غيري والله يوفقك . ردت وهي تبكي : نايف إسمعني .. < شدها طارق من شعرها وسحب الجوال من يدها ورماه ع الارض بقوه وبغضب : منو تحاجين ي الجلبه.أمل بألم وهي تصارخ : فككنيي عورتني . طارق من بين اسنانه : تحجي منو اللي فاقدتيه ي الوسخهه. مسحت امل دموعها وبكل جرأه : نايفف هذا نايفف واحد احبه وصار على علاقتنا سنه. طارق بصراخ وهو يكسر الاغراض اللي ع تسرحيتها من شدة غضبه

إنتهـى ..