بعد مرور السنين
صابرين
اني اسمي صابرين عمري ١٦سنه بت الخدامه هاجر ابويه منفصل عن امي واني مشايفته ابد واني عايشه بيت الناس الي نشتغل يمهم بغرفه بالحديقه امي دائما جانت متقبل ادخل جوة وخلتني اداوم مدرسه طبعا الي بالبيت كلهم مااحبهم بس احب معتز لان اني ومعتز اصدقاء من جنه اصغار نلعب سوة بس هو من كبر تغير كلش كام حتى ميحجي ويايه ومرة مرتين من اشوفه بالحديقه اسلم عليه ميديرلي بال ماااعرف يمكن لان كبر بعد ميهتم البت الخدامه مالتهم
اني كلهم يكلولي انتي كلش حلوة
وشكلي كلش نازك حتى من احجي هادئه وحياتي بسيطه كلش اروح للمدرسه وارجع اني مستوايه بالدراسه كلش زين امي دائما ادكلي بلكي اطلعين دكتورة شي انتبهي على دراستج لصيرين مثلي وطبعا امي ماعدها احد امها وابوها ميتين من جان عمرها ١٣سنه وظاله فترة يم خالتها ويعدين مرايدها
واجتي تشتغل هنا بيت ام معتز ام معتز كلش شايفه نفسها مااحبها ابد وهوايه تحجي على امي برغم صارلها جم سنه تخدمهم ومداريتهم ورجل ام معتز هووو مو ابو معتز رجل امه بس اني هم ماااحبه سمعت يكولون عنه كلش ابو نسوان وعالااساس علاقته كلش مو زينه ويامعتز
لان معتز يكره لرجل امه هاي امي تسولفلي
وطبعا محمد ماعندة اطفال هاي مختصر الامور الي بحياتي والاشخاص الي اعرفهم ماكو هالكد ناس اعرفهم حتى بس صديقه وحدة عندي وموكلش علاقتنه قويه دائما احس امي تحاول تمنعني من ان اسوي علاقات مااعرف هي همين ماعدها احد بس اني وخطيه كضت عمرها تخدم وتشتغل حتى تعيشتي
