كلي تعاي خلصي شغلج وهوو كام جان يتقرب مني كلي
باعي لتحاولين تتقربيلي زين لان اني خاطب وحدة من مستوايه وحلوة وبت عائله فلتحاولين تتقربيلي وتسوي هاي السوالف افتهمتي اني مااعرفت شجاوبه بس اباوع كتله اي كال زين اسمعين كلام طلعتي حبابه وخله وطلع ومرت ايام اني اشتغل عرفت انو محمد وجنان سافرو لفرنسا لان جنان اخوها عايش برة العراق ه وهو دز عليها وسافرت
ومرة اجه معتز كال ل ام سامي اليوم بيت نور يجون يمنا على العشه
كلتله اي وباوع عليه كلي نظفي زين هزيت براسي
وبديت انظف وام سامي تطبخ واجه معتز كلي صابرين انتي دربالج اطلعين كدام العالم دخلي لغرفتج بعد لطلعين لحد ميروحون ام سامي استغربت واني هم بس سكتنه
وساعه بالسبعه المغرب اجوي الخطار واني جنت فاتحه الباب شويه واباوع شفت وحدة لابسه كصير والحذاء العالي والشعر والحمرة الحمرة ورجال جبير وياها ومرة ولد شاب وبنيه صغيرة بس مبين عائله مرتبه كلش المهم تعشوو وظليت اسمع صوتهم وبعدين سمعتهم ديسلمون و صوت ام سامي هم وسمعت صوت الباب مال برة انسدت وسمعت صوت الباب تندك عرفت هاي معتز واني جنت فاتحه شعري وشعري كلش طويل وجنت لابسه دشداشه خفيفه لان الدنيا جانت حارة وغرفتي حارة
وعد فتحت الباب وشفت معتز هو شافني اول شي ظل يباوع بعدين كلي اذا تريدين تاكلين شي ترة الناس راحو كتله اي هسه اطلع اشكرك وصدك جنت كلش جوعانه
جان يكلي اريد جاي اني ملبست خليت وطلعت وهذا عيونه تلحكني منا ومنا سويتله جاي جان يكلي جيبي للحديقه طلعت وراة ونطيته الجاي داروح جان يكلي صابرين كتله نعم استاذ معتز كلي لا روحي نامي ماكو شي خليت ودخلت رحت للمطبخ داكل وسمعته اجه كلي منمتي سويتله لا براسي اجه وجان يتقرب عليه وجان يكلي تعرفين انتي حلوة كلش وشعرج يخبل ومن اشوفج تصير عندي رغبه بيج بس بكوة امنع نفسي يوميه اظل بغرفتي اروح واجي لان اعرف بيج نايمه جوة وكل شويه اريد اجيج وارجع وهسه من شفتج هيج رتج ليش متنامين
اليوم يمي انومج بحضني
صابرين ـ كلت هذا شمفكربيه ميستحي كتله موعيب هيج تحجي ليش شفتني
مصورتك هيج تفكر بيه
كلي هااا لعد شلون افكر بيج لابسه هيجي وكاعدة تفترين شتريدين غير تريدين دفو بالليل
كتله انت واحد متستحي ومدامك هيج تفكر بيه اني باجر الصبح اطلع من البيت واشكرك على كل شي
دخلت للغرفه وظليت ابجي متت من القهر حسسني انو اني رخيصه كلش لازم اعوف الشغل هنا اروح ادور بغير مكان شغل
