بدت تصير مشاكل بين جنان ومحمد ومعتز كام يحلها لن يعرف امه تحب محمد برغم انو هو جان يضوج من يفكر بااانو امه تحب محمد هلكد ومرة من المرات جانت جنان ماموجودة ومعتز نايم فوك وجانت هاجر تشتغل بالصاله اجه محمد وحضنها من ورة وديبوسها وصدفه انو بهاي الاثناء معتز نزلل وشاف محمد ديبوس هاجر لعبت نفسي طلع صوت وجان ينتبهون وجهم كام يضرب الوان كتلهم بلا اي حجايه انتي ست هاجر لمي هدومج وغراضج واخذي بتج وطلعي من البيت وتوسلت ورادت مني وسامحني وخلي افهمك بس اني ماقبلت وطلعت وهي تبجي اما محمد فحسيته مثل الطفل الي كاعد ارزل بي وهو ساكت كلتله اخر مرة احذرك والا هالمرة من ضوج امي متلوم الا نفسك وخليت وصعدت فوك
هاجر ,,,,اما هاجر فكالت لبتها يله كومي بعد مااشتغل هنا يله كومي ولمينه هدومنه واخذنا غراضنه وطلعنا بس وين رح نروح والدنيا لليل فكرت نروح ل فندق وبهاي الاثناء من دنطلع شفت معتز واكف واشرلي ورحتله وجان ينطيني فلوس وكلي بعد مااريد اشوف وجهج هنا اخذت الفلوس وطلعت اني وبتي وفعلا رحت لفندق والصبح طلعت دورت بيت
واني جان لازم اشتغل لان ماعندي فلوس والجم فلس الي يمي متكفيني شهرين اعيش ودورت بيت ولكيت بيت واجرته ودفعت مال شهر وكلت ادورلي شغل بس اني ورة يومين هالكد منقهرت وكمت اكل بنفسي تمرضت حسيت الدنيا وكف كمت ماااحس برجلي ومن اوكف اوكع وعزت عليه روحي شلون هيجي صار بيه كمت انقهر كلش ومر شهر اني مريضه
كلش وبعدين كمت اخبز للعالم وظلينه سنه اني وبنتي الفكر اكلنه يادوب ندفع الايجار وناكل هاالاكل البسيط كلش ومرت سنه واحنا بهاي الوضعيه وطبعا مداومت صابرين
وراحت سنه عليهاوخلال هاي الفترة هوايه تمرضت وتعبت وضعيتي كلش
صابرين ـ من يوم الي طلعنه من بيت معتز احنا كلش تاذينه وتعبنه واني مداومت وكلش مقهورة ومقهورة على وضع امي وامي هوايه دتتمرض ماااعرف شسوي
والي كسرني ودمرني
ورة سبوع اجيت داكعد امي مكعدت وظليت الطم وابجي واملخ بشعري لحد مافقدت والجوارين يعرفون حالتنه تعبانه سووو فاتحه واني انتهت حياتي كلشي مااكدر اسوي ولااعرف شلون اصرف ضليت افر براسي والضيم والقهر اكلني
مر كم يوم واجه ابو البيت يريد الايجار وكلي منا ليومين لوتحضريلي الايجار لو شيلين زين اني وين اروح وين انطي وجي
اول واحد اجه بالي اروحله معتز
كلت اروحله بلكي يخليني اشتغل يمهم بالبيت
وثاني يوم رحت دكيت الباب طلعتلي وحدة اظاهر الخدامه الجديدة
ردت ارجع ترددت افوت جوة بس بعد اجيت
واني خلال هاي السنه كلش ضعفت وجي تعب كلش اتاذيت وموتت امي نهتني
المهم كتلها استاذ معتز موجود كالتلي منو اكله كتلها كوليله صابرين راحت ورة شويه جان اشوف معتز وكف كدامي كتله هلووو معتز كلي استاذ معتز اني كتله اسفه كلي ها شتريدين كتلي الله يخليك اني اريد اشتغل هنا ضحك كلي هاي امج دزتج عيوني دمعت كتله امي ماتت سكت كلي شوكت كتله قبل كم يوم كلي اي والمطلوب كتله فدوة ابوالبيت رح يطردني واني ماعندي فلوس وماعندي احدانت تعرف وماااعرف اشتغل اجيت انت على بالي كلت اكيد انت اساعدني ظل يباوع وراح وجان يكعد على الكرسي جان يكلي ميخالف رح اخليج تشتغلين هنا بس الغرفه البرة كاعدة بيها الخدامه الجديدة رح دكعدين بالغرفه الي جوة الدرج كتله اني اشكرك كلي ماكو داعي
ومن تجين مااريدج تدخلين بحاجه واني هنا استاذ معتز وتتعاملين ويايه بشكل رسمي سمعتي كتله اي كلي عندج غراض كتله اي بالبيت كلي خلي يوديج السايق اجيبين الغراض وتجين كتله اي طلعت رح للبيت ويا السايق ابو مصطفى جبت الغراض واجيت ورتبت غرفتي جوة الدرج ورتبت ملابس وطلعت رحت للمطبخ كلتلي الخدامه الجديدة اسمي ام سامي انتي عليج تنظفين الغرف الفوك تنظفين الحديقه تشوفين شيريدون معليج باالاكل كتله اي عد كلتلي يله ابدي اخذت الغراض مال تنظيف ورحت بديت انظف
مشفت لا محمد ولا جنان بالبيت اظاهر بس معتز
بالبيت وصعدت فوك وصلت لغرفه دكيت الباب محد جاوب
فتحت الباب ودخلت وجان اسدها وجان اشوف معتز نايم وملابس قميص ولافانيله ومتغطي عد داطلع وجان يكلي شعندج هنا كتله دانظف كلي متعرفين ادكين الباب كتله والله دكيتها محد جاوب رفع حواجبه كتله اسفه رح اطلع كلي ماكو داعي تعاي نظفي رح اكوم
