معتز
اول ماطردت ام صابرين كلش انقهرت وخفت على صابرين تتبهذل وبعد مراحو تعاركت ويا محمد وطرته من البيت ولان امي ضعيفه قررت تطلع ويا محمد وسافرت يم اخوها مرت سنه اني ماسمعت شي عن صابرين وامها اصورت انو هما رح يرجعون واسامحهم واخلي ام صابرين تشتغل بس هما مااجوي بعد وخلال هاي الفترة كلش حسيت بالوحدة وقررت اخذ بت واحد عندي شغل وياة وفعلا خطبتها ماااحبها اني بس يله
زواج كلت وعائله وبس
وراها اجتي صابرين حسيت كلبي يدك بسرعه فوك الخيال
ردت اكمشها ردت احضنها ردت اشم الراحه بيها بس اني من طبعي قاسي
كلتلي امي ماتت واريد اشتغل يمك كيفت كلش كلت رح ترجع تصير يمي حتى لو بس اباوع عليهامن بعيد بس كلما اشوفها ازيد رغبتي بيها واليوم لمن شفتها لابسه دشداشه خفيفه وشعرها طويل وحلوو يخبل متت حسيت الدم جمد بيه وكتلها تعاي نامي بحضني جاوبتني جواب صدمني اصورتها مثل امها
وكالتلي رح اعوف الشغل تخبلت كلت شلون خاف تروح
ورحت للغرفه ردت احجي وياة سمعت صوتها تبجي كلش انقهرت واسحقرت نفسي لان هيج جرحتها مااعرف اني احبها او هي ثيرني بس اني متاكد اني مااكدر اخذ وحدة مثلها امها خدامه وعدها علاقه برجل امي الحقير والفرق بينا شاسع شلون نتوالم اني وياها شفتها سالفه مستحيله يمكن احسن حل اتركها تروح بس شلون وين تروح وهي ماعدها احد واخاف احد يسويلها شي اني دايخ ب صابرين
