طبعا مرت ايام وصارت علاقه بين محمد وهاجر وجنان محاسه بشي وكلما كام يمشي الوقت كلما كام محمد يتكبر وطبعا ابن جنان عايش وياها وبدة الولد يكبر وللاسف جنان محبلت من محمد رادت خلفه منه بس ماصار ورة مدة طلعت هاجر حامل وكالت ل محمد ومحمد كاللها مو مني ومن هالحجي وهددته انو تفضحه وكالتله ازوجني
بس محمد مقبل وكللها ذبي بس هاجر موافقت ورة كم يوم محمد كللها ل هاجر كللها رح ازوجج كلتله شدتحجي تخبلت كللها اسمعيني رح ازوجج وفترة ويطلكج حتى من احد يسئلج على الطفل كولي ابنه بس هو طلكني حتى محد يجيب طاريج واني مستعد اتكفل بمصاريفج وبمصاريف الطفل هاجر صغيرة وماعدها
احد وماعدها غير حل وافقت وهو جابلها واحد وكللها ازوجي وفعلا ورة كم يوم ازوجها وكعدهم بيت ورة شهرين هاجر متحملت بعد اطلكت وكالت ل محمد ازوجني وبعد كلشي مااريد منك وماااحجي ومااكول ل احد ورجعني اشتغل بالبيت علااقل اباوع عليك علااقل انت كدامي محمد بعد تفكير قبل لان متاكد هاجر متحجي وكال شنو يعني اذا ازوجتها وفعلا ازوج هاجر ورجعها تشتغل وكام ميحجي حتى وياها وهاجر رضت انو بس اشوف محمد كدامها
وخلت همها بكلبها وسكتت ومرت اشهر الحمل وهاجر جابت بنيه طبعا هاجر من بدايت مشتغلت بيت جنان هي كاعدة بغرفه بالحديقه ومن جابت هم حجت وياجنان انوو تبقه لان ماعدها مكان وكم يوم ودكوم تشتغل وجنان انقهرت عليها وافقت انو تبقه محمد جان كل فترة ينطي فلوس ل هاجر بس ميحجي وياها ولايسئلها على شي ولافكر مرة يجي يم بته هاجر جابت بنيه تخبل نسخه من ابوها وخافت انو هذا الشبه يسببلها مشكله ولكن كالت هي بنيه همزين مو ولد هاي شكلها كلما تكبريتغير
وظلت بهاي وضعيتها
اما جنان فجانت تعرف انو محمد سوالفه مكسرة بس هي
تحبه كلش ومتكدر تعيش بدونه
وابن جنان كام يكبروكلماديكبر اكثر يضوج من محمد اكثر
مرت ايام وصار معتز عمرة ٢٠سنه معتز ابن جنان
وخلال هاي الفترة جنان مجابت طفل من محمد ما كتبلها الله انو يكون عدها طفل منه واما علاقت محمد بمعتز جانت كلش متتوترة معتز
كلما كام يفتهم اكثر كام يضوج من رجل امه لدرجت انوو لمن صار عمرة ١٨ سنه سحب كل الشغل من يد محمد وهذا الشي ضوج محمد كلش ومحمد كام يشتغل لحسابه الخاص وكامت تصير مشاكل بين جنان ومحمد بسبب الشغل او بسبب معتز
