كرهك جعلنى احبك

8

رواية كرهك جعلني أحبك
الحلقه الثامنه
بتمنالكم قراءة ممتعه 😍
والتفاعل يا بشررررررر
______________________________________________
في فيلا ليث عز الدين.......
نادي ليث علي الامن لكي يخرجوا ولكن ظل منيب يلقي بصراخه بأسم روما
حتي سمعته روما ولكن احست انها تهيقات من كثره الصراخ والالم
ولكن عدد الامن كبير نجحوا في اخراج منيب من الفيلا
ثم ركب سيارته وقاد السياره الي ملجا راوية
____________________________________________
بعد وقت قصير وصل الي الملجا
ولكن جاء له مكالمه من الخارج فايقن انها من الشركه التي يعمل بها كمهندس بترول وكان رئيسه ومديره في العمل
منيب: الو
المدير: منيب عامل ايه وايه اخبار مصر
منيب: الحمد لله يا بوص كله تمام
المدير: انا عايزك تيجي باسرع وقت ممكن
منيب بتعجب: ليه يا بوص لسه الاجازه بتاعتي مخلصتش
المدير بحده: انا قولت تعالي الشغل عايزك ولازم تسافر مع زمايلك في رحله للتنقيب عن البترول
بلع منيب ريقه بصعوبة: يا بوص مينفعش اجي دلوقتي عندي مشاكل هنا في مصر ومقدرش اجي
المدير بعصبية: انا قولت تعالي واحنا من امتي بنتاخر عن الشغل وانا حجزتلك في طياره بالليل علشان تيجي في اسرع وقت ممكن
منيب بتلعثم: يا بوص بلاش ارجوك المره دي
المدير بنفاذ صبر : منيب انت من اكفئ المهندسين ومتقلقش هما يومين بالكثير وهحاول ارجعك مصر تاني
منيب باستسلام: حاضر امرك يا بوص
المدير: مستنيك، ومتنساش التذكرة هتوصلك علي البيت
وميعاد الطياره علي 12 بالليل، سلام يا بشمهندس
ثم اغلق الهاتف
(احيانا مواقف بتجبر الانسان علي فعل ما لايرضي به )
وصل منيب الي الملجا وقابل راوية التي كانت تبكي علي حال روما وانها تزوجت بذئب او شيطان بشري لا يقبل الرحمه في قلبه
اتصل منيب علي اخته نادين وطلب منها ان تاتي هي ومهيب او نادر الي الملجا في امر هام واخبرها ان تجهز حقيبتها و حقيبة مهيب او نادر
وبالفعل امتثلت لرغبته
______________________________________________
في فيلا ليث عز الدين....
فتح ليث غرفة روما التي كانت تجلس علي الارض وضامه قدميها الي صدرها وتبكي بشدة ولكن هذا المشهد الحزين لم يؤثر في قلب الجاحد ليث
ليث بقرف: قومي من علي الارض والبسي دول
ثم رمي في وجهها ملابس مثل ملابس التي يرتدوها الخدم من النساء في الفيلا
مسكن روما الملابس باستعجاب بعد ان مسحت دموعها حتي تصطنع الشجاعة امامه
روما باستغراب: ايه ده، دول هدوم الخدم
ليث بتهكم : وانتي عايزه لبس ايه يا برنسيسة
ولا اجبلك حرير والبسك ماس علشان يعجبك
روما بغضب: انا مش عايزه منك حاجه كل اللي عايزاه منك انك تسبني امشي من هنا
ليث وهو يجلس ويضع ساق علي الاخري: ده بعينك يا روما، بحق القلم اللي اخده منك هوريكي الويل يا زوجتي العزيزه
روما بعصبية: انا مش مراتك انت خدعتني، وزورت القسيمه
قهقهه ليث كثيرا ثم قال: مش انتي وقعتي بارادتك ولا حد ضربك علي ايدك يا حلوه، علي العموم انتي مراتي برضاكي او غصب عنك
روما بكبرياء: انا مش هلبس اللبس ده يا ليث
ليث بغرور: هتلبسيه يا روما وهتنزلي تخدمي علي الضيوف اللي هتيجي النهارده ياما بقي هتصرف تصرف مش هيعجبك
روما بترقب: هتعمل ايه يعني
اخرج ليث ورقه بيع الارض من جيبه وقال:
للاسف يا روما انا قولتلك اني هاخد الارض منك برضاكي او غصب عنك ونفذت تهديدي ودي ورقه بيع الارض وعليه توقيعك كمان يا حبيبتي
انصدمت روما وهي تري توقيعها علي بيع الارض
جلست علي اقرب كرسي يقابلها ودموعها علي وجهها تنزل بغزارة وتمنت ان يكون هذا حلم وسوف تفيق منه قريبا
ليث بانتصار: ها هتلبسي ولا ابيع
روما بدموع: هلبس يا ليث بس ارجوك بلاش تبيع الارض حتي مش لو علشاني علشان الاطفال اليتامي يا ليث
ليث بعصبية: قدامك نص ساعه وتلبسي وتنزلي تساعدي بقيت الخدم علشان الضيوف اللي جاية
ثم تركها وافق الباب خلفه
نزل ليث من غرفه روما ونادي علي كبير الخدم
ليث: هو بابا وعمي ومرات عمي لسه مرجعوش
كبير الخدم: لا يا ليث بيه، والدته البشمهندس نادر تعبت ودخلت المستشفى ومعها والد البشمهندس ووالد حضرتك في مكتب اللواء حمدي قريب العائله علشان يدور علي البشمهندس نادر
ليث بسخرية : تلاقي نادر في العين السخنه او في مارينا
انتوا بس اللي قلقنين علي الفاضي، خلاص روح انت
كبير الخدم: حاضر يا ليث بيه
ليث: استني، في وفد اجنبي جاي النهارده ومعاهم كام موظف من عندي من الشركه وعايز عزومه تليق بليث عز الدين
وكمان في بنت اسمها روما خليها تنزل تشتغل مع الخدم
كبير الخدم بتعجب: بس مين روما دي يا بيه
ليث بحده: ملكش فيه، هتنزل تشتغل دلوقتي وعينك عليها ولو صدر منها اي شئ غلط كلكم هتتعقبوا، مفهوم
كبير الخدم بخوف: مفهوم، حاجه تانيه يا بشمهندس
ليث: لا امشي
______________________________________________
علي الجانب الآخر....
قص منيب علي راوية كل شئ فعله مع ليث واخبرها ايضا بموضوع نادر او مهيب
وصلت نادين ومعها مهيب الي الملجا
وقابل راوية التي استقبلته بترحاب شديد وكانها تعرفه ولا تعلم من اين جاء لها هذا الاحساس
منيب: دلوقتي انا عندي شغل مستعجل وحاولت اجله لكن للاسف منفعش
ونادين ومهيب او نادر هتقعدوا مع الخاله راوية في البيت بتاعها لحد ما ارجع وهما يومين ومش هتاخر
نادين بتعجب: ليه
منيب: علشان مينفعش تقعدي لوحدكم
مهيب او نادر بحرج: انا همشي علشان معملش اي مشاكل
منيب: انا قولت انت هتقعد معانا وكمان هما يومين ومش هتاخر
راوية: ايه يا بني انت مش عايز تقعد معايا ولا ايه
مهيب او نادر بخجل: لا يا خاله مش القصد لكن علشان متقلش عليكم
راويه بحزن: متقولش كدا يا بني، انا اساسا قاعده لوحدي بعد ما بنتي راحت
مهيب او نادر بتعجب: راحت فين، حصلها حاجه يعني
نادين: ايه اللي حصل لروما يا منيب
قام منيب من مجلسه وهو يستعد للخروج ؛ خلي الخاله راوية تحكيلكم علشان عندي طياره كمان شويه
ثم قام باحتضان اخته وسلم علي الخاله راوية وعلي مهيب او نادر ثم غادر المكان
_____________________________________________
جهزت روما بعد ان ارتدت ملابس الخدم ودموعها لا تتوقف
ثم سمعت طرق علي الغرفة ففزعت بشدة ولكن تماسكت وفتحت كانت واحده من الخدم تخبرهم ان يجب عليها النزول الي اسفل حسب اوامر ليث بيه
وبالفعل نزلت روما الي المطبخ التي اعجبت بشدة من فخامة هذا المكان بوابه وأجهزته الفاخرة وشرع في مساعدة باقي الخدم
______________________________________________
بعد ساعه...
وصل ضيوف ليث وهما عباره عن مستر جاك والوفد الاجنبي الذين يمولون مشروع بناء المنتجع السياحي
ومحمد سالم والمحامي الخاص بليث
ورحب بهم ليث كثيرا وشرعا في اتمام الصفقه
ليث: دلوقتي اقدر اقولكم ان المشروع هيتنفذ بعد كام يوم
مستر جاك الذي يتحدث اللغه العربيه الفصحى بطلاقة: لست افهم سيد ليث
ليث بثقه: يعني الارض اللي انت كنت عايزها علشان نبني عليها المشروع خلاص بقت تحت ايدي
مستر جاك بفرحه: هل انت جاد سيد ليث
ضحك ليث بغرور وقال ؛ مفيش حاجه تقف قصادي يا مستر جاك
مستر جاك بتسال: لكن هناك ملجا للاطفال علي قطعه الارض فماذا تفعل به؟
ليث وهو ينفث سيجارته: في عمال ومعاهم ادوات الهدم هيروحوا بكره الملجا علشان يهدوا الملجا وفي خلال كام يوم تكون الارض خاليه تماما ونقدر نبني عليها المنتجع السياحي بسهوله