لكنه القدر

الجزء السابع عشر

الحلقه السابعه عشر
...............................
نزلوا واتجهوا للسياره تعمدت فرح الركوب اولا وركب ف الخلف ومثلت ان رجلها التوت ولا تقدر على تحريكها فركبت خلفها منه وتحاول تخفيف المها ركب حسان ونظر لكلتاهما فى المراه :- ماهو انا مش السواق الى ماما جابتهولكم عشان تقعدو انتو الاتنين ورا..
نظرت فرح لمنه بمكر :- منه بليز انزلى اركبى قدام انا بجد مش قادره ادوس على رجلى
منه بسرعه :- لالالا ماتهزريش ي فرح
فرح مصطنعه الالم  :- والله ما قادره ادوس عليها حرام عليكى
حسام :- نخلـــــص مش متحرك من هنا غير لما واحده تيجى جمبى
توردت وجنتى منه بشده وصرت على اسنانها ونظرت لفرح ب استعطاف فتألمت فرح
حسام بنفاذ صبر :- يلا ي منه اطلعى قدام ي ماما
خرجت منه من السياره فى قمه عصبيتها كى تركب بالامام بينما ابتسم حسام لفرح ف المرأه قائلا :- ي بنت اللعيبه
ضحكت فرح بشده بينما دلفت منه للسياره مره اخرى لكن ف الامام بجوار حسام
منه ويتطاير الشرار من اعينها :- ايه رجلك خفت ولا ايه ؟!
فرح :- احم .اااه ي رجلى
منه وهى تنظر لها نظره متوعده
وصلوا  للمنزل ونزلت منه لتأتى بالفلاشه ولحظات وركبت السياره مرة اخرى ورجعوا للشركه واخد منها الفلاشه وطبع الاوراق ومر اليوم بسلام ف الشركه
..............
قررت النزول مع مازن كما وعدته واستقلو تاكسى اوقفه مازن امام احد محلات بيع فساتين سهرات
نزلوا سويا
منه :-هو احنا رايحين فين
اشار مازن على المحل :-رايحين هنا وسحبها من يدها ودخلوا سويا
مازن :- بصى ي منه الفتره الى اشتغلت فيها دى انا كنت باخد الفلوس بس ماكنتش ببقى محتاج اصرفها وكنت بشيلها واقول اشيلها لوقت عوزه هما 600 جنيه ف انا قررت اجيبلك فستان هديه تقابلى بيه جوزك المستقبلى بكره ف اختارى حاجه
منه بحب :- ي مازن ي حبيبى مش مستاهله اجيب فستان ب الشئ الفلانى عشان اعجب البيه الى جاى بكره وبعدين م انا معايا فلوس لو عايزة اجيب هجيب ودى فلوسك انت اولى بيها و
قاطعها مازن :- انا الى عندى قولته وهعمله ومش هقبل نقاش
قاطعم صوت احدى البنات العاملين :- اقدر اساعدكم
مازن :- عايزين فستان للأنسه 
ابتسمت الفتاه :- تعالى معايا اتفضلى
ذهبت معها
الفتاه :- بتحبى لون ايه
منه :-ممكن فستقى او موف
الفتاه وهى تخرج احد الفساتين الرقيقه باللون الموف الغامق مرصع بكريستاللات رقيقه على شكل فراشات تزداده فى الاسفل وتقل كلما اتجهنا لأعلى لتنتهى بفراشه واحده اسفل الصدر متجهه للقلب
الفتاه :- قيسى ده
خرجت منه به وكانت كالمنيكان واطلق مازن صفير فضحكت منه ودخلت لتبدله وخرجت
مازن :- هروح انا احاسب واجيلك
الفتاه :- شكله بيموت فيكى ربنا يخليكو لبعض
منه ب ابتسامه :- اخويا
الفتاه :- ربنا يخليهولك
منه :- ميرسى
وعادوا مره اخرى للمنزل كان قد حل الليل
.......................
هدى :-لا ي حسام يعنى لا
حسام :- ي امى هتحبيها والله
هدى :- بردو لا
فرح :- ي ماما على فكره انتى شوفتيها قبل كده
حسام بتذكر :- ايوا صح شوفتبها
هدى :- فين بقا
حسام :- لما جت عشان تشوف فرح لما كانت تعبانه ومتشلفطه
وكزته فرح فى ظهره :- بقا انا بحاول اسهلك الطريق وانت تتريق عليا
هدى بتنهيده :- شهاده لله البنت كانت محترمه
حسام :- الله اكبر
ياسر :-خلاص يبقى تيجى بكره وربك يسهلها
هدى وهى تزفر :- ماشى ي ياسر ..ربنا يفرح قلبك ي حسام
.............
صعد حسام لغرفته وصعدت فرح خلفه
ظلت تفرك فى يديها :- كنت عايزة اقولك على حاجه بخصوص منه
حسام :- قولى
فرح :- هو انت ناوى تخلى الخطوبه قد ايه ؟
حسام:- انا لو عليا هخلى الفرح بكره اصلا
تنهدت فرح ب ارتياح :- بص انا مش عارفه الى بعمله ده صح ولا ايه بس هقولك وامرى لله
حسام :- خير ..ماتقلينيش
فرح :- منه قاعدين ف شقه ايجار من عمهم وعمهم هيطردهم من الشقه خلال شهر عشان هيجوز ابنه فيها
حسام :- نعم !!
فرح :- هى قالتلى انهارده...هتعمل ايه ؟!
حسام :- هعمل كل خير ان شاء الله..اكيد مش هسيبهم كده  واقف اتفرج
..............
فاطمه :- باقولك ماشوفتوش من يومها ي كمال ابنى ضاع منى
كمال :- انتى عايزة ايه بقا انا مش فاضيلك ..شويه ابنى وشويه لازم تخلص منه ..ماترسيلك على حل
فاطمه ببكاء :- طب انت تعرف مكانه؟
كمال :- لأ
فاطمه ببكاء :-طيب دور عليه ي كمال
كمال بتأفف:- انا مش فاضيلك انتى وابنك ..سلام
اغلقت معه وظلت ماكنها تبكى
.................
فى اليوم التالى
حسام :- ي بابا ماتديهوش اهتمام
ياسر :- يعنى كان عايز يدمر شركتى وتقولى ماديهوش اهتمام
حسام :- ي بابا احنا متاذيناش وده هيحرقه اكتر صدقنى
ياسر بتافف:- اه لو افهم دماغك هرتاح
ابتسم له وقام ليخرج :- ماتنساش معادنا بليل ي بوب
............
جاء المساء وكانت ملكه فى فستانها كانت متوتره قليلا وقررت ان تصلى ركعتين تستعين بالله
فى حين كانت اسره السيوفى جاهزة
فرح :- اخويا رايح يخطب يا خراشى
حسام :- بس يا ماما بس
وصلو للعماره
هدى بصدمه :- ساكنه هنا
تنهد حسام :- ابوس ايدك ي ست الكل ي جميله انتى تحبيها عشان خاطرى احنا مش هناخد المكان معانا
تنهدت هدى وصمتت
صعدوا معا وفتح لهم مازن ورحب بهم ودلفت اليهم والده منه ورحبت بهم كثيرا وبعد فتره دخلت منه لتعتلى الصدمه قسمات وجهها باشمهندس حسام
وقف حسام فى مواجتهتها ب ابتسامه جذابه وهمس :- مفجأه مش كده !
تصمرت مكانها بينما رمقت فرح بغضب
هناء :- تعالى ي منه اقعدى هنا ..ذهبت منه وجلست بجوار والدتها
لم تنكر هدى انها شعرت تجاههم بشئ من الراحه والحب.هدى :- ازيك ي منه
منه بحرج :- الحمد لله ي طنط
هدى :- ماشاء الله عليكى ربنا يحميكى ي بنتى
هناء :-نسيبهم شويه طيب
ياسر :- اكيد
تركوهم وخرجوا للصاله بينما ظلت هى بالداخل مع حسام
حسام :- هتفضلى ساكته كده كتير ؟!
منه بتوتر:- حضرتك اتقدمتلى ليه
حسام :- اقدر اجاوبك ع السؤال ده لما تبقى حلالى
تلونت وجنتيها بلون الدم ولم تجب
حسام :- مش متعود عليكى رقيقه بصراحه
منه :- حضرتك عايز منى ايه بالظبط
حسام وهو يشير لفستانها بالتحديد الى الفراشه اسفل قلبها :- انا واقف مكان الفراشه دى ومستنيكى تفتحيلى قلبك وتدخلينى جواة ..بس كده
تعالت دقات قلبها
حسام :- ماسمعتش ردك على فكره
لم ترد منه وظلت محدقه فى الارض
حسام :- ماكنتش اعرف ان السجاده احلى منى ..ع العموم اعتبر السكوت ده علامه الرضا ؟!
منه بصوت يكاد ان يسمع:- انا انا هروح انده ماما
ابتسم حسام على خجلها الشديد وتم قراءه الفاتحه
ياسر :- عروستنا طلباتها كلها مجابه ..هى تشاور بس
منه :- ي عمى انا مش هقول على حاجه الى هتجيبوة مش هعترض عليه
هدى :- ماشاء الله عليكى ي بنتى ..ربنا يجعلنا من اهل الرضا
حسام :- مش هنحدد معاد الخطوبه والفرح ولا ايه
هناء :- هههههههههه ده انت مستعجل اوى بقا
منه :- الخطوبه مش قبل م مازن يخلص امتحانات
حسام :- ومازن هيخلص امتى
مازن :- بعد اسبوع
حسام :- مش بعيد ..خلاص الخميس الجاى الخطوبه  والفرح بعدها بشهر
منه :- بسرعه كده ؟
هناء :- انا موافقه ي ابنى
منه :- ماما
حسام :- فكروا وردوا عليا ..انا الشقه بتاعتى الدور التالت ف الفيلا وهى جاهزة ولو عايزة تغير فيها الوان البياض او اى حاجه تحت امرك والعفش الى هتشاورى عليه هتلاقيه ف نفس اليوم ف البيت
خجلت منه اكثر
انتهت الزياده على تحديد ان موعد الخطوبه يوم الخميس القادم وسيشترون الشبكه فى الغد بعد تسليم اوراق التصاميم لجمال الطلحاوى
.........