لكنه القدر

الجزء الاول

الحلقة الاولى
......................................
اول يوم لها ف الكلية
مكان جديد. ناس جديده. عالم اخر لكنه مصغر تشعر وكأنها تائهه لا تدرى اين تذهب امسكت محمولها وقامت بالاتصال على صديقة عمرها ..(مريم)
فرح :- الو السلام عليكم
مريم :- وعليكم السلام.. انتى فين ي فرح
فرح :- انتى اللى فين انا مش عارفه اتحرك
مريم :- ولا انا والله .. مش قولتلك نروح مع بعض انتى الى قولتى حسام هيوصلنى
فرح :- م انا قولتلك تعالى معااانا انتى الى رفضتى
مريم :- ما علينا .. حاولى توصفيلى انتى فين
فرح وهى بتبص حواليها :- مش عارفه ...بصى انا هرجع عند البوابه وتعاليلى
مريم :- تمام هحاول ,,سلام
وقفت فرح تتأمل المنظر من حولها لم تكن تتوقع ان تكون الجامعه كبيره لهذه الدرجه وقفت تنظر للفتيان والفتيات حولها ف صمت وزهول وفى نفسها:- استغفر الله العظيم ايه اللى البنات عاملينة ف نفسهم ده ي ربى ,,ربنا يهدي
من جهه اخر مجموعه شباب
احد الاشخاص:-بص ياض الوتكه دى
شخص ثانى وهو يصفر:-الللعب .. دى شكلها دفعه فلل
شخص اخر:- ماتقوموا طيب نشوف رزقنا
اول شخص:- لا انا الى شوفتها الاول واستطرد وهو يقوم :- ادونى فرصتى
.................................
فى مكان اخر ..(فيلا ياسر السيوفى )
هدى:- قلبى مش متطمن ع البت فرح ..حاسه انها مش هتعرف تتأقلم
ياسر وهو يتناول افطاره:- بنتك مايتخفش عليها .. بنتك ب 100 راجل
هدى:- ربنا يسترها وييسرلها كليتها هتبقى صعبة
ياسر وهو يبتسم :- فرح قدها وقدوود وياما تعبت عشان توصل للكليه دى,,,يلا الحق انا بقا اوصل الشركه
هدى:- مع السلامة ي حبيبى ربنا معاك
...............................
كانت فرح تستشط غضباا من كلمات ومضايقات ذلك المتخلف وتسب وتلعن ب داخلها فى مريم لتأخيرها
الشاب:- ماتردى عليا طيب والله ده انا غرضى شريف
لاحظها احد الشبان من بعد اخذ يدقق ليتأكد من هى وسرعان ما اتجهه نحوها امسك ذلك الوغد من كتفه :-خير ي برنس فى حاجه !!
الشاب:- وانت يخصك ف ايه
فرح :- اا..مروان
مروان :- اتفضل بعيد عن هنا يلا عشان ماخليش وشك شوارع لو شوفتك بتضايقها تانى مش هيحصلك كويس
جاء اصدقاء مروان من خلفه
احدهم :- فى حاجه ي مارو؟؟
مروان :- لا ي رجاله مافيش ..دقيقه وراجعلكم
الشاب بذهول من عددهم :- اا..طايب انا اسف ي باشا ماعرفش انها تخصك وانسحب بعد ان اعتذر
فرح :- شكرا بجد ي مروان
مروان بجمود :- انتى ايه الى موقفك هنا وكليتك مش هنا
فرح بحرج :-اا.. اصل انا مستنيه مريم صاحبتى
مروان :- وفى بنت تستنى عند البوابه كده!! بصى حواليكى ..فى بنات واقفه .؟؟ اظن مافيش غير شباب
جاءت مريم :- سورى ي فرح اصل توهت عقبال م جيت ثم نظرت مستنكره وجود مروان :- ازيك ي مروان
مروان :- الحمد لله .. عن اذنكم .وياريت ماتقفوش هنا تانى واستطرد حديثة وهو يشير لاحد المبانى :- مبنى كليتكم اهو ي ريت تقفوا هناك اهو هتبقى اشكال انضف من الى هنا وتركهم وذهب.....
ستووووووووب
**فرح بنت 18 سنة ف اولى طب قمحيه البشره وعيونها العسلى التى ورثتها عن ابيها ذات الشعر البنى الناعم وطويل ولكنها محجبه مما يضيف جمالا فوق جمالها ..
مريم صديق فرح الصدوقه منذ الابتدائيه ممكن نقول عليهم (اخوات)
مروان مجرد معرفه سطحيه مع فرح ومريم .. كان يعيش بالخارج ومنذ ان توفى والده اضطروا للرجوع الى مصر وعرفهم من خلال دروس 3 ث ..ومريم تسكن ف نفس الشارع الذى يسكن به .... 
...........
مريم :- كنتى واقف معاه ليه
فرح :- انا ماوقفتش هو الى لما شاف واحد بيدايقنى جه
مريم :- الله الله
فرح :- مريم مابحبش الاسلوب ده والله اسيبك وامشى
مريم :ههههههه استنى هنا بس مش شويه كنتى واقفه مكانك زى الكتكوت المبلول..ماقولتليش بقا هو دخل ايه
فرح :- مايهمنيش اعرف
مريم :-اممم طيب ..تعالى بقا نحاول نشوف جدول المحاضرات ولا نعمل اى حاجه
دخلوا سويا ولكنهم لم يستطيعوا الوصول اليه
فرح :- انشالله ماعنه اتجاب
مريم :- اية هو ؟؟
فرح :- الجدوول .. انتى شايفه المنظر!!
مريم :- وهنعمل ايه بقا
فرح :- ماعرفش
مريم :- فرح فرح ..بصى مين هنااك
فرح بصدمة :- راامى ... ده اي الى جايبه هنا
رأها رامى فذهب اليها
رامى:- ازيك ي فرح
فرح :- انت ايه الى جابك هنا .. هى وصلت تيجى م اسكندريه للقاهره وكمان تجيلى الكليه انت ايه ي اخى مش بتفهم ؟؟انت مالك ومالى !
رامى ببرودد:- جاى اشوف بنت خالتى حبيبتى الى هتبقى خطيبتى فى اول يوم ف كليتها
فرح بصوت عالى :- انت مابتفهمش.. انت مجرد ابن خالتى وبس ولو فى حاجه تانى ف هتبقى بالنسبالى اخ مش اكتر عن اذنك وتركته وذهبت
رامى ف نفسه :- ومالو .. اتدلعيلك يومين واخرج سيجارته وبدأ فى تدخينها
خرجت فرح ف عصبيه تامه وهى تحدث اخيها ف المحمول :- ي حسام ده عبيط ي حسام ده جه الجامعه
حسام :- طيب اهدى طيب ..اتجاهليه
فرح :- انا هروح دلوقتى حالا
حسام :- هو انتى لحقتى تروحى .. ده حتى يمكن لسه مالحقتيش تجيبى جدول المحاضرات
فرح بعصبيه :- مش هجيبه ي حسام انا عايزة اروح البيت
حسام :- طيب اهدى طيب وانا هبعتلك عم عبدة بالعربيه
اغلقت معه الهاتف
فرح :- هتمشى معايا ؟
مريم :- امال هقعد لوحدى
فرح :- طب استنى بقا عم عبدو الى هياخدنى مش حسام استنى اوصلك معايا
...................
فى شركه (السيوفى )
حسام :- الورق ده كلو غلطات .. ازاى هنسلم الشغل ده كده
عز:- غلطات ازاى
حسام :- مين الى اشتغل ع التصميم ده !!
عز :- امجد
حسام بعصبيه مفرطه :- مخصوم اسبوع من مرتبه . احنا هنا بنشتغل عشان نطلع للناس الشغل الى هما عايزينه مش الى على مزاجنا
عز :- خلاص اهدى ..صلى ع النبى
حسام :- عليه الصلاه والسلام وامسك بهاتف المكتب ليبلغ السكيرتيره :- بلغى امجد فى خلال ثوانى يكون ف مكتبى واغلق قبل ان يسمع ردها
وبعد دقائق دخل امجد بتوتر :- خخ..خير ي باشمهندس حسام ..قالولى ان حضرتك عايزنى
حسام وهو يلقى الملف فى وجهه :-اية الى انت عامله ده
لم يجيب امجد
حسام بصوت مرتفع:- رد عليا وانا بكلمك
امجد وامسك بالاوراق ونظر فيها نظره سريعه :- مالهم مش فاهم قصد حضرتك
حسام بهدوء:- الشغل ده وصلك معاه ورق الشروط والملحوظات ولا لا
امجد بتلعثم :-وصل
حسام مستطرد :- يبقى ده شغل خاص محدد ولا عام سايبين لينا كل حاجه
امجد :- خااص
حسام بزعيق:- امال فين الشروط الى انت مطبقهاا
امجد :- اناا اسف والله غلطة مش هتتكرر ي بشمهندس
حسام :-الشغل ده قدامه يومين ويتسلم انت عارف الشرط الجزائى بتاعه ممكن يخسرنا قد ايه ثم رجع بظهره للخلف وقال بسخره : ولا انت تعرف ليه ولا يهمك ليه طالما الباشا مرتبه بياخده كل شهر وهو معزز مكرم .. مخصوم منك اسبوع
امجد :- ادينى فرصه خلال اليومين دول اعيدلك التصميم
حسام ب استهزاء:- الورق بتاع التصميم ده استلمته امتى
امجد :- من حوالى اسبوعين
حسام :- وعايز تعيده وتخلصه ف يومين!
امجد وهو يبتلع ريقه:- ادينى فرصه .. مش هتخسر حاجه
تدخل عز قائلا:- زى بعضه ي حسام وبعدين امجد اول مره يغلط معانا
حسام وهو يزفر :- يومين والتصميم يبقى قدامى كامل متكامل والا انت الى هتبقى اذيت نفسك وافتكر ان انت الى طلبت ..اتفضل
................................
رجعت فرح للمنزل ودخلت
هدى:- ازيك ي حيبتى يومك كان عامل ايه
فرح :- الحمد لله
هدى:- عندنا ضيووف
فرح :- ماما انا تعبانه و يدوب اصلى الضهر وانام
هدى:- طيب مش تعرفى مين .. ولا حتى تسلمى
فرح بنفاذ صبر:- مين
هدى وهى بتشدها من دراعها :- تعالى شوفى بنفسك
دخلت الصالون لتتفاجئ
فرح :- انت هنا تانى
رامى:- مش هحاسبك ع اللى عملتيه الصبح قدام خالتى
فرح :- وانت مالكش انك تحاسبنى اصلا ولا ليك كلمه عليا
هدى:- بنت اتكلمى عدل مع رامى.. وبعدين انتو شوفتوا بعض فين الصبح انتى مش كنتى ف كليتك؟
رامى :- يرضيكى يعنى ي خالتى اروحلها اول يوم ف كليتها عشان ابقى جمبها واجيلها م اسكندريه مخصوص وهى تقف تهزقنى وسط الناس وتقولى انت مابتفهمش
هدى وهى تنظر ل ابنتها نظره عتاب :-ده حصل فعلا ؟
فرح ببرود تام :- ايوا حصل .. هو مالهوش دعوة بيا..يجيلى الكليه ع اساس هو مين والناس اما يشوفونى واقفه مع حد غريب يقولو ايه
رامى:- وانا مش غريب انا ابن خالتك وهبقى خطيبك
فرح بعصبيه :- لحد دلوقت انت ابن خالتى وبس وابقى روح فهم الناس لما تقف معايا انك ابن خالتى
رامى وهو يحاول استغلال الموقف:- طالما مش قابله ع نفسك انك تقفى مع حد ف نظر الناس غريب وخايفه ع منظرك يبقى اجى اخطبك ودبلتى تتحط ف ايدك وتحطيها ف عين التخين
هدى:- عين العقل يا ابنى
فرح وهى تنظر ل امها:- عين العقل ايه واية الى بتقولوه ده
رامى مستطرد :-ايه ؟ الموضوع جديد عليكى مثلا ؟ مش كنا كل م نفتح الموضوع تقولى اما ادخل الكليه ربنا يسهل
فرح :- رامى انسى انسى انك ف يوم ممكن تبقى خطيبى او جوزى .. انت زيك زى حسام افهم بقا ي اخى وتركتهم وصعدت لغرفتها
هدى:- زى بعضو ي رامى ي حبيبى هى بس تلاقى فى حاجه مدايقاها وانت ي ابنى استنى يومين لحد ما يتم خطوبه ولا حاجه وبعدبن ابقى براحتك معاها
رامى بابتسامه خبث:- الى انتى عايزاة هيكون ي خالتى ..استأذن انا
هدى:- انت لحقت تستريح .. استنى اتغدى معانا حد ييجى م اسكندريه ويرجع صد رد كده
رامى:- زى بعضو بقا مرة تانى ا ش ا
هدى :- سلملى ع امك كتير وحشتنى والله
رامى:- هنجيلكم قريب .. وقريب اوى ان شاء الله
هدى بعدم تفهم :- هاه . اه ي ابنى تشرفوا
..............................
فى الشركه
حسام :- بلغى بابا انى بره
السكرتيره :- لحظه ي بشمهندس... اتفضل هو منتظرك
دخل حسام
ياسر:- تعالى فين ورق الفيلا
حسام :- والله ي بابا
ياسر مقاطعا:- بابا دى ف البيت
حسام :- ي بشمهندس امجد عمل الورق غلط
ياسر وهو ينزع نظارتة ويضعها عالمكتب:- نعم!!
حسام :- اهدى بس ..انا اتصرفت معاه وعلمته ازاى يغلط ف الشغل بس وقدامه يومين بالظبط ويجيب الشغل مظبوط واحنا قدامنا اسبوع لتسليم الورق ده ف هيكون خلال يومين جاهز مش كده وبس انا كمان طلبت من عز ينفذ الشغل ده برضو عشان لو امجد غلط تانى
ياسر :- تمام شغلك انت كده مظبوط .. بس امجد ده يعنى ايه يغلط تانى
حسام :- انا قولت لو.. مع انى ماعتقدش وهو وعدنى انه هيخلصه مظبوط خلال يومين
ياسر :- عاقبته ب ايه
حسام ببرود:- خصم اسبوع
ياسر :- امممم .. طيب لو جابلك الوق مظبوط خليها خصم 3 ايام كفايه
حسام :- تمام ي بشمهندس
ياسر :- انا مروح ..انت وراك شغل تانى ولا خلاص!
حسام لا خلاص انا كنت جاى هبلغك انى مروح بردو
ياسر:- طيب تمام يلا نروح
.....................................
فى منزل (ياسر السيوفى)..تحديدا فى غرفه فرح
حسام :- ممكن ماتعيطيش
فرح :- بقولك بيتكلم وهو واثق انه هيخطبنى وبيقولى انتى كنتى بتتحججى ب انك لما تدخلى الكليه واديكى دخلتى
حسام :- محدش يقدر يغصبك ع حاجه طول ابوكى واخوكى عايشين
فرح وهى تلقى بنفسا ف حضن اخيها:- ربنا يخليكم ليا
حسام :- يلا عشان نتغدى وماتبينيش حاجه لبابا عشان بيفهمك من عينك وسيبى كل حاجه لوقتها
فرح :- حااضر
...............................
فى منزل راااامى
فاطمه :- انت كنت فين م الفجر الساعه دلوقت بليل
رامى :- كنت عند خالتى ف القاهره
فاطمه :- من غير م تقولى ي رامى .. طيب كنت جيت معاك
رامى :- ي امى زى م انتى شايفه انا روح وجيت صد رد اخدك معايا فين
فاطمه :- طيب تعالى كل لقمه
رامى :- لا انا نازل مشوار ف السريع كده وهاكل بره ..سلام
فاطمه :- متأخرش
..........................................
فى مكان اخر تحديدا..(كبارية)
رامى :- زى م بقولك كده ي كينك .. دماغها ناشفه
الكينج وهو يشرب من كأسه :- مش قولتلك انك نايتى
رامى:- عايزينى اعملها ايه يعنى اضربها
الكينك :- مثلا..
رامى واشتعلت فى راسةه فكره ف ابتسم وردد :- مثلاااا..........