لكنه القدر

الجزء السابع والعشرون

الحلقه السابعه والعشرون
................................
ظل معلق نظره بها حتى اختفت من امامه كيف لم يات فى رأسه مثل هذا التفكير !!
هى محقه من نحن كى لا نغفر او نسامح!
امسك هاتفه واتصل على اخيه عاطف ليجيب عليه
عاطف:- الو السلام عليكم
ياسر :- وعليكم السلام ازيك ي عاطف
عاطف :- الحمد لله نحمد الله مين معاايا
ياسر :- انا اخوك ياسر ي عاطف
عاطف بفرحه :- مش معقوول ياسر بنفسه بيكلمنى ثم تحولت نبره صوته للقلق :- هو فى حاجه حصلت ولا ايه انتو كويسين ؟!
عرف ياسر انه اخطأ كثيرا معهم فهم مازالو يحبونه ويخافون عليه :- لا ي عاطف كلنا كويسين انا بس كنت متصل اعزمك على خطوبه بنتى فرح
عاطف :- ماشاء الله فرح كبرت وبقت عروسه الف مبروك ي اخويا ..وحسام وام حسام عاملين ايه ؟
ياسر :- الله يبارك فيك عقبال ولادك ...كويسين الحمد لله
.................
عند منال
كان اشرف وزوجته جميله معزومين على الغداء دخل اشرف لغرفه مروان
اشرف :- مكتوبالك ي مارو
ابتسم مروان بفرحه
اشرف وهو يقلده :- فرح دى اختى ي اشرف مش اكتر من كده
ضحك مروان على شكله :- كان صاحبى رايح يخطبها يعنى عايزنى اعمل ايه ي اخى
اشرف:- الله يرحمه
مروان ب ابتسامه باهته :- اللهم امين
جاءت جميله من خلفهم :- ماما بتقولكم يلا الاكل جاهز
اشرف :- ماشى ي حبيبتى جاين اهو
على الطاوله
اشرف :- جهزت كل حاجه ولا لسه
مروان :- اه كلو تمام باقى البدله بس
اشرف :- بسيطه
جميله :- عقبال بدله الفرح
مروان :- ي رب يخليكى عقبال النونو
منال :-ربنا يفرحكوا كلكوا ي حبايبى
...................
على جانب اخر عند رامى
فاطمه :- يعنى انت مصمم تسافر تانى وتسيبنى؟!
رامى:- ظروف الشغل ي امى وبعدين انا هبعت اخدك مش هسيبك لوحدك اكيد
فاطمه :- ي ابنى ما البلد مليانه شغل هنا
رامى :- انا مرتاح وانا بره ارجوكى ماتضغطيش عليا اكتر من كده
فاطمه :- ومش هتحضر خطوبه فرح
رامى :- نبقى نحضر فرحها ان شاء الله
فاطمه :- طيب ي ابنى ربنا يفتحها ف وشك ويحفظك
رامى :- ي رب ..هدخل انام عشان الحق طياره الصبح
فاطمه :- طيب استنى كل لقمه قبل م تنام
..................
مر الاسبوع وحان موعد فرح ابنه عم مريم ارتدت فرح فستانها مرت مريم على فرح وصعدت لها غرفتها
كانت تقف امام المرأه معجبه بمنرظها فهى حقأ كالاميرات ولكن ارتدت طرحه باللون الاصفر بدلا عن الشعر الاصفر
مريم :- ايه المزة الجامده دى
الفتت اليها فرح وهى تبتسم ثم تغيرت ملامحها للدهشه :- انتى مش لابسه ليه ؟!
مريم :-الفستان معايا تحت هلبس هناك ف الفندق
فرح :- طيب وماقولتيش كده ليه
مريم :- عادى مافيهاش حاجه
تزمرت فرح من ذلك ولكن نجحت مريم فى اصلاح الموقف
مريم :- مش يلا عشان نلحق؟!
فرح:- اوكى يلا
هبطا سويا
فرح :- ماما مااما
مريم :- اا انا شوفتها وانا داخله كانت طالعه وقالتلى اطلعلك الاوضه وان هى طالعه ل منه فوق عشان مش عارفه تسكت هناء
فرح :-ااه خلاص ماشى هرن عليها اقولها انى همشى وخلاص
انطلقوا بالسياره حتى وصلوا للفندق الذى به القاعه
رن هاتف مريم فاغلقته
فرح :- ماتردى
مريم :- لا مش لازم
رن مره اخرى فأضرت للرد
مريم :- ايوة ..اه وصلنا ..دلوقتى يعنى ؟! ..ماشى باى
فرح :- فى ايه ؟!
دى ملك بنت عمتى عايزانى اطلع ع القاعه الاول عشان محتارين فى ديكور البلالين
فرح :- طيب يلا نروحلهم
صعدوا معا بالفعل ليجدوا باب القاعه مغلق وتعالت اصوات عد تنازلى من 10 خارج وداخل القاعه ظلت تنظر لمريم بغرابه ولكن مريم كانت مبتسمه ولا تستطيع ان تسيطر على فرحتها فُتح الباب عند الرقم zero
لتجد القاعه مليئه بالناس واهلها وهناك ممر واحد على طول القاعه من الباب للكوشه وعند الكوشه يقف مروان معطيا ظهره لها ويرتدى بدله الامير اطلقت صرخه غير مستوعبها ذلك وظلت واضعه يدها على فمها ف اقترب منها ياسر واخذها وانطلق بها ناحيه مروان الذى التفت وجلس على ركبته وبيده علبها بها الدبله غابت لحظه عن ذلك العالم الصاخب ذهبت لعالمها الخاص لتقرر *انا وهبتلك قلبى ي مروان انا لازم فعلا اانسى احمد عشان ماظلمكش لازم افتحلك قلبى زى ما انا مستحوذه على قلبك* فاقت على صرخات البنات والصفارات التى يطلقها الشباب
امسك مروان الدبله من العلبه ومدت هى يدها اليه فألبسها لها وكذلك البسته دبلته وسط تصفيق من الجميع غابت مريم دقائق وعادت هى ومنه ونور وداليا يرتديان فستان الاميره شفق
ظلت فرح غير مستوعبه الموقف وتقفز مثل الاطفال واحتضنت مريم بشده وهمست فى اذنها :- بحبك بحبك بحبك وبموت فيكى
ادمعت فرح :- ربنا يديمك ليا
وكذلك احتضنت منه ونور وداليا بفرح وجلست مع مروان
مروان :- فرحانه ؟!
فرح :- جدا ي مروان
مروان :- ي رب دايما ي حبيبتى
احمرت وجنتيها وخجلت كثيرا
مر يوم سعيد على الجميع وكانت فرح فوق السحاب لا تشعر بقدميها تطأ على الارض
فلقد كانت تحلم كثيرا بمثل هذا اليوم ولقد حققه لها مروان حقا انه مهتم لأمرها كثيرا فهو يعشقها
.........................
داعبت الشمس رموشها فاستيقظت ونهضت توضات وخرجت من الحمام ليتعالى صوت محمولها لتجده مروان
فرح:- السلام عليكم
مروان:- وعليكم السلام ..صباح الفل
فرح :- صباح النور
مروان :- صحيتك ؟!
فرح :- لا انا كنت صاحيه
مروان مشاكسا اياها:- وايه الى مصحيكى بدرى كده بتحبى ولا ايه
فرح بحرج :- احم ..ااا لا اصل صحيت عشان اصلى الصبح قبل م الظهر يأذن
مروان :- تقبل الله ي ست ..نركز بقا امتحاناتنا قربت
فرح :- خير ب اذن الله
مروان :- ان شاء الله ..اخلص انا بس يااااه مستنى بفارغ الصبر
اطلقت فرح ضحكه
مروان :- الــــــــعب
توردت وجنتيها وعلم انها خجلت من ذلك
مروان :- طيب اقفل انا بقا عشان ف المستشفى
فرح بخضه مبالغ فيها :- مستشفى ليه ي مروان مالك
مروان ببرود :- خايفه عليا ؟!
فرح:- مرواان
مروان :- عيون مروان ي ناس
فرح :- مرووان
مروان :-خلاص خلاص..ي ست فى المستشفى تدريب يعنى مش دكتور ولا ايه
زفرت بأرتياح :- ااه صح نسيت
مروان:- نسيتى انى دكتور
فرح :-هههه لا نسيت انك المفروض بتنزل المستشفيات وكده
مروان :- طيب ي ست روحى بقا صلى الصبح قبل م الضهر يأذن
فرح :- مع السلام واكملت بهمس :- خد بالك من نفسك
مروان بفرح :- مع السلامه
ادت فرضها وجلست تقرا قرأن حتى اذن الظهر فصلت ونزلت لأسفل
هدى :- صباح العسل
فرح :- صباح الورد
هدى :- كنتى ملكه امبارح
فرح :- انا مش مصدقه انتو ازاى كده بجد ربنا يخليكم ليا ومايحرمنى منكم ابدا
هدى :- ويخليكى لينا
فرح :- البوب فين
هدى :- نزل يبص على الشركه ..اه صح انهارده حسام ومنه هيتغدوا معانا
فرح :- الله بقااا
جاءت منه وهى تحمل هناء :-صباحكم حلو زيكم ي ناس ي حلوة
هدى :- ههههههههههه انتى الى حلوة والله
منه :- تسلميلى ي ماما
فرح :- هنحب ف بعض كتير ؟!
منه وهى تخرج لها لسانها:- مالكيش دعوة انتى
فرح وهى تمد يدها :- هاتى ي اختى هاتى بنت اخويا
مدت لها يدها بهناء :- خودى اصلا كده كده بمزاجك غصب عنك هتاخديها عشان اساعد ماما ف المطبخ
دلف ياسر من الخارج فوضعت هناء على الكنبه وجرت اليه وطبعت قبله على خده
ياسر:- ازيك ي حبيبتى
فرح :- بحبك جدا
ياسر:- وانا اكتر
فرح :- شكرا انك كلمت اعمامى وعماتى وعزمتهم
ياسر :- ماقدرش ارفضلك طلب
فرح :- يخليك ليا ي احلى اب ف الدنيا
هدى :- وانا ماليش م الحب جانب
فرح :- هش هش روحى حبى ف منه خليها تنفعك
خرجت من المطبخ تضحك :- بقا كده ي فرح وشهقت :- انتى سايبه البت كده ع الكنبه لوحدها عادى كده واسرعت اليها
فرح :- مالها يعنى ماهى مؤدبه ومستكنه اهى
بدات هناء بالبكاء ف اقتربت فرح :- ييييي ي شيخه اعوذ بالله البت كانت ساكته وحلوة شوفى اول ما شافتك
ضربتها منه بخفه :- بس ي بت انتى
ياسر:- فرح ..مروان كلمنى
فرح ب انتباه :- فى حاجه ولا ايه ؟!
ياسر:- هو كان عايز يخرج تتغدوا برا سوا
فرح بخجل :- طيب ايه !؟
ياسر:- ايه ازاى
كانت هدى ومنه يضحكون عليها لخجلها هذا
ياسر :- انا ماعنديش مشاكل شوفى انتى وبلغيه ردك
انطلقت عائده لغرفتها وقامت بالاتصال عليه
مروان :- لحقت اوحشك؟!
....
مروان :- الووو
فرح :- الو
مروان :- طيب ما انتى سامعه اهو
فرح :-ااا ..بابا قالى انك عايز يعنى
مروان :-ااه انا قولت استأذن منه الاول قبل ما اقولك
فرح :-طيب امتى؟!
مروان :- اعدى عليكى ع الساعه 5 تمام؟
فرح :- تمام
مروان :- هتوحشينى
فرح:- باى
.........................