#ذبحني_الشوگ

البارت الثامن

البارت الثامن...
#ذبحني_الشوك
بقلمي #شمس

ماحسيت الا واني بالمستشفى.. وماما وبابا واخواني كولهم.. يمي ومخليلي مغذي .. وراسي الم قوي مااگدر اشيله ..
ماما.. رموسه شتحسين حبيبتي ..
ريماس .. ماما راسي ديأذيني ..

ماما .. لتخافين حبيبتي هذا الم من الضربه .. هسا يخلص المغذي ونطلع ..
اخواني محجوا شي بس واكفين .. ومن صحيت طلعوا .. كمل المغذي وگمت اريد اگوم وماما تساعدني وسمعت صوت وعياط بباب الغرفه. .

هذا صوت فهد .. شجابه هنا ..

فهد .. من وصلت ريماس رجعت للكليه واول ماوصلت شفت مروه مرتبكه وتدور من شافتني اجت تركض ..
استاذ فهد صاحتلي ..
فهد .. مروه شكو قلقتيني .
مروه .. ريماس ريماس ضربها حيدر وواگعه وهي هسا بالمستشفى.. #شمس
اني تخبلت .. بعد مااشوف بعيوني بسرعه رحت حركة سيارتي ورحت للمستشفى من دون تفكير .. لازم اشوفهه ..
من دخلت للمستشفى دا ادور بالغرف وشفت اخوانهه طلعوا من الغرفه المقابيلنا .. حاولت اخليهم ميشوفوني بس لگفني حيدر الملعلون ..
واجه راكض عليه ..
حيدر .. انت شتسوي هنا .. اطلع بره
فهد .. لك انت رجال .. تمد ايدك ع مره ..
هو تخبل ..
وهجم عليه واني مقصرت وبقى يعيط واخوانه يفكون بينا .. وتالي انفتحت الباب واشوف ريماس بالباب يمكن سمعت صوتي وطلعت ..
اني نسيت الكل .صحت رموسه ومااحس الا بوكس اجه ع وجهي .. بابا وگع ماتحمل ..
ريماس .. فهد اني زينه روح منا فهد لتبقى ..
اني انفعلت وهم يدفعون بيه .. طلعت وبالي يمها .

ريماس .. من شفت حيدر وكرار يضربون بي متحملت گوتله روح بس الصراحه اني من شفته ارتاحيت بس ماردته يتأذه .. #شمس

دخلوا اخوتي يعيطون . منيله هذي الجرئه ويجي يشوفج هنا .. اكيد انتي ناطيته امل ..

ريماس .. بقيت اعيط وابجي .. كافي كافي شنو تردون مني وحسيت راسي. اذاني كولش متحملت ففدت الوعي ..
فهد بقيت گاعد بالسياره مااگدر اروح .. الى ان يخرجوها ..
ريماس گعدت .. لگيت ماما دا تبجي ..
ماما شبيج .. لتبجين عفيه الي تردوه يصير كافي تعبت ..
ماما .. اني بعد مو حمل مشاكل .. وابوج وگع وانتي يجي يوم تموتين من ضرب اخوتج ضربه صايبه وضربه خايبه ..

ريماس .. خلص ماما .. گوتلج الي تردوه يصير ..
طلب الدكتور نسوي تحاليل ورنين بس اني رفضت وگولتلهم ماكو داعي مبيه شي طلعوني للبيت ..

من طلعنا .. ماما لازمتني هي وحمودي خطيه بالاخير يالله اجه ميدري .. وگام يبجي عليه فديته بس هو حنين

صعدت بالسياره گعدت يم الشباك من دارت السياره لمحت فهد .. شافني وشفته بقت عيونه تحجي واني دمعت عيوني وهو رغم ماضايج بس يبتسملي ..
اوووف ياعمري اتمنيت الضروف ويانا مو ضدنا ..

دخلنا للبيت تلگتنا مرت علاوي .. ها شلون صرتي اشرتلهه براسي معناهه زينه ودخلت الغرفتي وقفلت الباب طلعت دفتري اكتب وبديت اكتب كولشي حتى ماانسى فد يوم الي سووه اخواني بيه وخاصه حيدر ..#شمس
وسمعت اخواني يسولفون هملتهم لان مااريد اسمع اي شي تعبت خلص ..
اتصل فهد .. الو حبيبي شلون صرتي بالي كله يمج
ريماس .. حبيبي اني تعبانه اترجاك مااريد احجي بس غنيلي اريد انام ومااگدر من الالم ..
گام فهد يغنيلي اغنيه وائل كفوري ( لما نكون سوا) بصوته اوووف شلون احساس عليه گمت ادمع بس بدون صوت .. الى ان غفيت والموبايل مفتوح .. #شمس
يتبع...