#ذبحني_الشوگ

البارت الحادي عشر

البارت الحادي عشر
#ذبحني_الشوگ
بقلمي #شمس
رحت ورى الدكتور… دخلت وياه الغرفته ..
دكتور اترجاك تصارحني التحاليل مال ريماس شبيها بشنو شاك ..
الدكتور .. انت شنو تصير منها ..
فهد .. اني خطيبها
الدكتور..  امممم اگعد ابني
گعدت ..
بما انه انت خطيبها لازم اكون صريح وياك ولو لازم تطلع نتائج الرنين حتى اتأكد . بس اني شاك بورم بالدماغ ..
فهد .. بعده ماكمل .. واني اسودت الدنيا بعيني ..
لادكتور گول غيرها .. اكيد اكو خطأ
الدكتور .. هاي حسب نتائج التحليل واذا تأكدت نتائج الرنين والمفراز .. تحتاج عمليه بأسرع وقت ..
لازم تكون قوي ابني وتساندها لان الحاله النفسيه اهم شي بعلاجها ..

فهد .. طلعت من الدكتور واني دايخ .. بقيت ابجي ع الدرج گاعد .. وگتله ياالله لتحرمني منها مااگدر اعيش بلاهه ..

ابوهه جان جاي للدكتور.. وشافني گاعد ع الدرج وابجي ..
دخل للدكتور .. ورى شويه طلع مثل حالتي ..
اجه گعد يمي . ابني انت تحبها ..
فهد .. صدگ عمي .. ريماس النفس الي اتنفسه ..
ابوهه .. مستعد تبقى وياهه اذا طلع مرضها صحيح ..
فهد .. اعيش عمري كوله عمودها ..
ابوهه .. لعد محد يراعيها ويحبها وخاصه بهذي الضروف غيرك وليدي . وادري بيها هي تريدك وبلكي. اذا صرتو سويه ترتاح نفسيتها  وتطيب

فهد .. فرحت بداخلي من سمعت ابوها .. گام من يمي وطبطب ع كتفي ومشى مكسور خطيه ..
سوينا الرنين وطلعت النتائج .. وجمعنا الدكتور كولنا بغرفته ..
حيدر يخوزر بيه . ويأفأف بس ابوه رزله وسكت امها بقت يمها متدري ..
الدكتور .. الي خفت منه طلع صحيح اني غمضت ومسحت وجهي .. ابوهه اختنك ويبجي حمودي هم يبجي ..
الدكتور.. شگد صارلهه من توگع ..
ابوها ..تقريبا اسبوعين او اكثر وگعت ع راسهه واغمى عليها .. مگاله اخوها ضربها

الدكتور هو هذا السبب .. الضربه قويه اثرت عليها .. هي السبب بهذي الورمه بس شعجب من جبتوها غير  تسوولهه تحاليل رنين تتأكدون ..
ابوها . هي مقبلت وماتوقعنا هيج يصير
احمد يتباوع الحيدر .. منك لله .. فوگ ماانت السبب وفوگاهه من توگع تگول دتكذب

الدكتور .. هسا الاهم لازم نسوي العمليه ونستأصل الورم بأسرع وقت ..

فهد .. دكتور انت بس حدد اليوم واحنه جاهزين ..
طلعنا من غرفه الدكتور .. وكفتهم بالممر ..
عمي .. اني اريد اتزوج ريماس وباسرع وقت اريد اسعدها لان الحاله النفسيه مهمه بحالتها اخوتها مااعترضوا هالمره بس حيدر خزرني

مااتحملت .. ورزلته كافي حيدر انعل ابو الطائفيه الي تخليك تسوي بأختك هيج ماأنبك ضميرك .. لك اذا يريحك من باجر استشيع حتى ترتاح .. لك انت فاهم الدين خطأ اصحى اختك بين الحياه والموت وانت تفكر بنفسك ..
هو دنگ ومحجه ..
وابوها .. طبطب ع كتفي وگال ع الخير وليدي ماأگدر اامن ع بنتي الا وياك .
ونعم الرجل انت عاشت البطن الي ولدتك .. #شمس
يتبع… .