#ذبحني_الشوگ

البارت الثاني عشر

البارت الثاني عشر
#ذبحني_الشوك
بقلمي #شمس

فهد .. هسا نسوي خطوبه وبس تخلص عمليتهه ان شاء الله نتزوج ..
ابوها .. هاهي عمي توكل

رحنا للغرفه لگينا ريماس صاحيه .. شافتني تعجبت وانخطف لونها ..
اني ابتسمت .. شلون صرتي گعدت يمها ولزمت اديها ..
هي سحبت ايديها مستغربه وتباوع الحيدر وابوها ..
ابوهه گالهه ..لتخافين ابنيتي هسا انتو بحكم المخطوبين ..#شمس
حيدر تقرب منها .. باس راسهه وگالهه مبروك .. حس بغلطه بس بعديش ..
اخوانهه باركولهه .. وامهه بس تبجي وهي مامصدگه حبيبتي .. ههههه عبالهه بحلم
كل ساعه وگلتلي اگرصني اخاف اني دا احلم ..

شويه وانگلب المستشفى بعمامهه واهلهم ..
اني اترخصت منهم .. هم ابعد عيب احرجهم گدام اهلهم بأعتبار رجال غريب گاعد يم بنتهم .. وهم رحت غيرت ملابسي ..
بس من دخلت للبيت وتلگتني امي متحملت حضنتها. وابجي .. ابجي عليها واخاف اخسرها
وابجي من الفرح لان حنتزوج ..
گولتلها الامي حضري كولشي بس تطلع ريماس من المستشفى .. نگطع مهر ..
رجعت بالليل اخذتلهم عشا ومي ودخلت .. لگيت بس ابوهه وامها وحمودي .. تشكروا مني ع العشا خليتهم ياكلون..وسويت لفه
ورحت ااكل بحبيبتي .. اكيد جوعانه
وهي ممصدگه ..
گولتلها .. حبيبي مستحيل بعد نفترق ..
ريماس .. كافي شبعت .. بس مگلتولي شنو بيه طلع وشنو سبب هذا التغيير ..

فهد .. اوووه ريماس طلعت مو بس اني شكاك انتي هم ..
لتخافين حبيبي ❤
شوفي حسب الرنين طلع اكو ورم صغير براسج .. حيسوولج عمليه وينتهي كولشي
ريماس .. ورم خبيث
فهد .. اسم الله حبيبي لتگولين هيج
ريماس .. لهذا وافقوا اهلي لان حموت ..
ابوها .. بابا ترى جاي تعذبيني بهذا كلامج ..
امها . ان شاء الله  ماكو شي حبيبتي واعذرينا ماما لان كولنا مافهمناج ..
ريماس .. لتخافون اني مخايفه ولا زعلانه مدام اني وفهد حنتزوج حتى اذا يوم واموت ميهمني
فهد .. اسم الله حبيبي انتي موگلتي حتى الموت ميفرقنا ..
ديالله نامي وارتاحي باجر حيخرجوج وعندي الج مفاجئه ..#شمس
ريماس .. الله شيجيب باجر
فهد .. واصبر شلون… .
ريماس .. ترى اشتاقيت الصوتك كملهه حباب .
فهد .. تردين تفضحينا .. باجر اغنيلج من تطلعين ههههه
نامت ريماس. واني طلعت خليتهم ياخذون راحتهم ..
ابوها .. كلما اشوفهم شلون متفاهمين ومتلائمين ابقى الوم بروحي عمري مااسامح حيدر اذا صار بيها شي ومااسامح نفسي لان ماعرفت ادافعلها ومشيت وي حجي ولدي ..

ثاني يوم .. خرجوها الريماس اني مارحت لان مسويلها مفاجئه ..

ريماس .. ضجت حيل من فهد مااجه الصبح يخرجني وهو وعدني .. وطلعت مقهوره وصلت للبيت لگيت الكل هناك ومروه ومعدلين البيت عبالك احتفال ..
وخبصتني مروه تعالي عدلي وخلي ميك اب شويه وجهج اصفر لتجي ام فهد تطمن عليج وتشوفج محلوه وتقشمر بيه . لبستني فستان اوڤ وايت كولش حلو گلتلي عجبني واشتريته الج وطلع فهد مشتريه . وخلتلي ميك اب خفيف وسوتلي شعري ..
خبلتني ههههههه
وشويه والجرس رن😉 #شمس
يتبع..