#ذبحني_الشوگ

البارت السادس

البارت السادس ..
#ذبحني_الشوگ
بقلمي #شمس
ريماس .. ردت احجي .. ماما خزرتني .. وگالت .. اسم الله عليك ابوعلي ريماس عاقله وتفتهم . ومتردلك حجايه

ريماس .. اني خنكتني العبره وگتله الله كريم بابا ..
وطلعت وداخلي يصرخ .  واني ابجي ..
محد مهتم المشاعري او سألني انتي ترديه او لا ..
بكيفهم قرروا .. الي معجبني بابا عمره ماكان استبدادي ..  ومينطيني فرصه احجي .. #شمس
دخلت ماما للغرفه .. شافتني ابجي ..
ماما .. ريماس انتي ترديه .. تحبيه
ريماس .. وشنو الفائده هسا اذا عرفتي ماما. . انتو حتى مااهتميتو  المشاعري .  هذا كوله خوف من حيدر

ماما قاطعتني .. مو من حيدر .  اني خايفه على ابوج ووگعه من الوگعات يصير بي شي وشفتي انتي شصار اليوم ..
ابوكم مو حمل مشاكل .. وتعرفون بالحادث شصار بي وصل الموت وصار عنده نزيف داخلي لو ماالله ستر ونقذوه .. #شمس
خافوا عليه .. اخوانج يعيشون بعده بس انتي فكري بنفسج بعد ابوج شنو يصير بيج وبيه ..

اسم الله عليه ماما .. بس گوليلي گلبي شلون اسكته .. اني مااكدر بلا فهد اموت ومستحيل اتزوج غيره

ماما .. الايام كفيله انه تنسيج ..
ريماس . شلون تنسيني واني كل يوم اشوفه مافكرتوا بيه .. الله لينطيك ياحيدر حطمت حياتي . 
ماما .. لج لتدعين ع اخوج ومو بس هو راح تلگون عوائق هوايه گدامكم غيره وعمامج هم منو يگول يقبلون .. يالله ماماتي ادخلي للحمام اسبحي وانتي ترتاحين ..

دخلت للحمام وفرغت دموعي كولهه .. وترست البانيو .. وگعدت بالساعه يالله طلعت من الحمام .. دخلت للغرفه نشفت شعري وشفت الموبايل .. فهد خابصني بالمكالمات والرسائل ..
كملت شعري .. واتصلت بي .. رد بسرعه ..
هلو رموس حبيبي قلقتيني ليش متردين ..
ريماس بتعب .. ماكو شي حبيبي بس كنت بالحمام ..
فهد اليوم مااگدر احجي وياك اعذرني حبيبي. الجو مشتعل .. وبابا مريض باجر نلتقي واحجي وياك
فهد .. اوك حبيبي ع راحتج .. بس ديري بالج ع نفسج

طلعت للمطبخ اسوي العشا .. لگيت ماما دتسوي گالت روحي ارتاحي انتي تعبانه .. فطلعت للحديقه شويه اسم هوا .. وشفت حيدر وعلاوي وكرار دخلو .. يباعولي بنضرات ماتتفسر كأنه مسويه شي يلوث سمعتهم لو يكسر وجههم .. حيدر گال ..  اسمعي لج  هذا فهد اذا شفتج تحجين وياه بالكليه او خارجهه متلومين الا نفسج واني خليت ناس دا يراقبوج ..#شمس
ريماس .. تخلي مراقبين ع اختك مع الاسف لعد شگد نزلت من عيني ولا انت اخويه ولا اعرفك ..هو تعصب وعلاوي گام يعيط و يگولي مااسمع صوتج بعد اشش ..

اجه حمودي بسرعه نقذ الوضع سحبني وكعدني ع المرجوحه وگال رموسه حبيبي .. اهمليهم لتردين عليهم .  واذا مقهوره او ضايجه شغلي  نفسج بأي شي مثلا اكتبي اي شي .  انتي حتصيرين محاميه ولازم تكونين قويه .. هزيت راسي وحضنته .. اصغرهم اعلقهم ..

دخلت الغرفتي .. وطلعت دفتر وقلم .. وفكرت اكتب كولشي بحياتي حتى ماانسى الي يصير بيه من اخوتي ..
وبديت اكتب كولشي . وماحسيت الا واني غافيه والمنبه مال الصبح .. اكيد عرفتوا المنبه شنو 😂

كالعاده غيرت ملابس وعدلت حجابي تباوعت بالمرايه شفت الجرح واضح من ضربني حيدر حاولت اخفيه بحمره وميك اب خفيف .. وطلعت .. بوست بابا وماما واجه ابو الخط يطوط .. صعدت ولمحت سياره فهد مرت ..

اخذ روحي وياه من مر ويگولولي انسيه شلون انساه وهو روحي ونفسي ..

وصلت للكليه .. وتذكرت كلام حيدر وبقيت اتلفت ..
صار گبالي فهد .. فزيت .. ضحك .. اسم الله حبيبي شبيج تباعين منا ومنا .. وانتبه ع وجهي ..
فهد .. هاي شنو الجرح يم شفايفج .. اوووف وضرب بإيديه هذا حيدر الخسيس ..
هي الرجوله يمد ايديه ع مره .. خلي يجي يواجهني اذا يريد ..
ريماس .. سحبته من ايده وگعدنا ع المسطبه .. اششش لتعيط فهد شبيك .. #شمس
فهد .. ماتحملت رموسه من شفتج هيج .. اني اخاف عليج من الهوا وتالي هو هيج يسوي بيج . 
وليش لان اني سني .. لك انعل ابو الي زرع الطائفه .. لك اي قابل اني يهودي ..

ريماس .. فهد لازم نقلل مقابلاتنا شويه .. لان حيدر يگول مخلي مراقب عليه ..
فهد..  😂😂😂😂
وانتي من كل عقلج تصدگين .. هذا اكيد يريد يخوفج ..
لتخافين حبيبي ❤

ريماس نصت راسهه وتحسرت بحزن 😒😒
فهد .. حبيبي رموس اكو شي بعد لو بس حيدر گولي حبيبي اني گلبي كولشي يتحمل بس غيابج لا ..

ريماس .. راح اگولك بس مو تضوج ..
فهد .. بلي حبيبي اسمع ..#شمس
ريماس .. بابا رفض ..  وسولفتله كولشي هو خطيه ملامحه كولها تغيرت ..
وگال .. رموس .. انتي تحبيني ..
ريماس .. انت روحي فهد ..
فهد .. اوك لعد اريدج تكونين قويه وتسانديني ولتخافين .
ريماس .. حبيبي اني احبك واثق بيك وميفرقني عنك حتى الموت ..
فهد رفع ايديه للسما .. ااااااه ربي شنو سويتلك ونطيتني هيج حوريه ..
ريماس .. ههههههه ديلله گوم اتأخرنا ع المحاضره ..#شمس
يتبع….