#ذبحني_الشوگ

البارت الثامن عشر والاخيييير

البارت الثامن عشر والاخييير…
#ذبحني_الشوگ
بقلمي #شمس

.. دخلت للغرفه لگيتهم ماخذيها ..
گمت اتلمس بفراشها وطلعت شعرها من جيبي واشم بي ..
اتصلت بحيدر اريده يضوگ اللوعه الي ضوگنياهه ..
حيدر .. الو فهد بشر رموسه شلونها
فهد .. رموسه راحت حيدر ارتاح انت وطائفيتك .. بس عمري مااسامحك لان انت السبب حبيبتي راحت مني ..
بعدها سسمعته يعيط واهله يعيطون غلقته مااتحملت الصوت هم واحد يواسي الثاني اني منو يواسيني ..
خلو رموستي بالثلاجه اكيد هسا بارده عليها گالوا روح وتعال باجر حتى تكمل الاجرائات ونسفرها للعراق ..
بس رفضت ونمت يم الثلاجات يم حبيبتي اتصلو عليه اهلي .. حاجيت امي اني ابجي وي تبجي .. تمنيت حضنها ابجي عليه ..
واتصل علي اخوها يبجي ويگلي ابوه بالانعاش .. متخربط ..
كملنا الاجرائات بعد كم يوم ورتبنا السفر ونقلناها .. دخلت للعراق وحدي بعد ماجانت گاعده يمي وحاضنتني رموسه هسا هي ماكو يمي احس عيوني بعد مااشوف بيها من البجي .. وصلنا البغداد لگيت الكل منتضرنا وسيارات نزلنا التابوت. حضنوها اخوانهه ويبجون اخذناهه ورحنه للنجف لگينا امهاوامي واهلها گدامنا طالعين غسلوها واسمع عياط النسوان وودي اعيط مثلهن ..
من وصلنا المقبره گولتلهم اني اشيلها شلتها بيدي وحاضنها نيمتها شلون انيمها ع ايدي وطميتها بيدي حبيبتي .. تمنيت اعيش وياج حياتي تالي عفتج هنا بالتراب ..ماتلوگلج هاي النومه يعمري ..
رجعنا للبيت وسوو الفاتحه ثاني يوم من الصبح رحت الرموسه تخاف وحدها بالضلمه ممتعودت هناك قرأتلها قرآن بصوتي لان هي تحب صوتي ..وبقيت كل يوم اروح اشوفهه تالي رتبت امور وانتقلت للنجف عمودها حتى ابقى قريب يمها وزرعت ورد حول قبرها ..
بعد سنه ..رموسه يعمري ..ليش بعدتي عني وتركتيني هيج هانت العشره عليج هذا وعدج الي مو گلتي حتى الموت مايفرقنا. 😒وبديت اغنيلها (ذبحني الشوگ بغيابك…  ليالي الشوگ بغيابك خذتني…  هسا عرفت ليش تحب هذي الاغنيه ..
هاي اول مره اغنيلها من سنه .. لان صدگ ذبحني الشوگ بغيابها ..

هاي قصتي اني ورموسه الله يحفظ كل حبيبين ومايفرقهم ان شاء الله
النهايه .. تحياتي الكم اسفه لان القصه حزينه بس هذا الواقع مو دايما النهايات سعيده ..
الكاتبه #شمس شمس