انا بهواك

9

انا بهواك
بقلمي ام آيه

وميض:رجعت لغرفتي وبقيت اتكلب بفراشي،وحسيت نفسي ومشاعري مخربطه ولازم استقر حتى ارتاح
سمر:حضرنا الغده وثرمت الزلاطه ويه خاله
ومينا صاحت عمو و وميض يجون حتى يتغدون
وطول ما احنه ناكل مباوعت على وميض
العصر يسمعني ويكول لمينا اذا يعجبكم نطلع تره ماعندي شي
مينا:والله علواه بس بكيف سمر،
مينا:شتكولين سموره
سمر:هزيت براسي يعني لا وعفتهم ورحت دااغسل الكراج.
وميض:اوف شلون راح اراضيها
وميض:اكلج مينا سمر مو تحب ايناس مرت خالد هوايه
مينا:اي تحبها وجانت تكول عليها حبابه ومداريتها
وميض:ليش منسوي مفاجئه لسمر وناخذها على
ايناس
مينا:اي يافالح واحنه وين نندلهم
نروح لكربلاء ونذيع بالسماعه منو يندل ايناس
وميض:ثول لج بابا مخج ليش مقفول
انتي خابري على ايناس واخذي الرقم من تلفون سمر
وخل تدليج العنوان او نتلاكه بالامام ونروحلها ونسويها مفاجئه
مينا:تعال اكلك شنو فلمك جويسم اشو الصبح تصيح على البنيه وهسه دتزحف (تمساح)
وميض:يولي شو صايره بيئه ، ولا عبالك طالبه جامعيه شو الفاظج مال وحده تبيع عتيك بالشارع

وميض:بطلي لغوه وكومي خمطي الرقم من تلفون سمر قبل لتفوت حتى تخابرين البنيه علمود اكول لامي ونروح باجر
مينا:راح اروح امري لله
وميض:مينا خابرت ايناس واتفقنا نتشاوف باجر بالامام ،وامي حجيت وياها وفهمتها الفلم
ام وميض:بنيتي سموره نامي بوكت انتي ومينا لان باجر نروح نزور كربلاء والنجف واوديج للامام بلكت الله واهل البيت ينفتح السانج
سمر:فرحت حيل لان محتاجه اروح لمكان طاهر وابجي براحتي واطلب العون من الله واهل البيت حتى يشفيني وارتاح
وينطيني الصبر اتحمل مصيبتي
مينا:كعدنا الصبح اتريكنا وكملنا ولبسنه لبس مستر واخذنه عبي على الراس حتى نزور العتبات المقدسه
وميض:طول الطريق سمر مباوعت بعيني،واني اتكرظم تكرظم
وصلنا واتغدينه ورحنا زرنا وتلاكينه ويه ايناس
سمر:كلش الطلعه ويه بيت عمي تونس
كملنا مشاويرنه ورحنه زرنا واتفاجئت بشوفه ايناس وتلاكينه من بعد هالفراك وبقينه بس نبجي
ايناس: من خابرتني مينا وكلتلي كلش فرحت وجان نفسي اشوف سمر من ريحه الغالي
جبنه غدانه اني وامي، واخويه حسين هو الي جابنه
من شفت سمر حسيت شايفه خلودي حبيبي الله يرحمه
وميض:انجمعنه بمكان واحد وكعدنه العائلتين سوه وحسين اخو ايناس معجبني ابد منزل عينه عن سمر

بحيث اني كمت اغلي مصدكت على الله صار العصر ورجعنا
سمر:رجعنا بالطريق وجنت حيل فرحانه من شفت ايناس
مينا:اهم شي ارتاحيتي ومبين عليج حبيبتي
تدرين منو رتب اللقاء والروحه ،ترى هذا وميض بس حتى لتضلين زعلانه منه
سمر:شكد جنت شايله على وميض بس من عرفت هو رتب كلشي بس حتى يفرحني
اتغيرت بسرعه
تصرفاته واهتمامه هي الي تجبرني مااشيل بكلبي واحقد عليه
وميض :رجعنا للبيت وسمر لسه تكابر عليه
عفتها براحتها لان بطبعي ماحب اضغط على المقابل،وصلت تعبان يادوب سبحت ونمت..
سمر:النوم طاير من عيوني صارت ساعه 2 واني منمت
طلعت بالصاله وشعلت التلفزيون وجان طالع فلم تايتانك(روز وجاك )واني كلش احبه ولا امل منه حتى الاغنيه حافظتها
وميض:كعدت قريب 3 كاتلني الجوع لان نايم بلا عشى،رحت ابلبش بالثلاجه
سويتلي لفه جبن ونعناع وقوطيه ببسي وبرجعتي للغرفه،سمعت التلفزيون مشتعل
رحت وشفت سمر دتتفرج تايتانك
وميض:هلووو
هذا تايتنك اني هم احب هذا الفلم
سمر:ابتسمتله
وميض:بعدج زعلانه مني
سمر:هزيت براسي وبنظره حب يعني لا
وميض:اني اسف
سمر:هزيت راسي باابتسامه معناها اعتذارك مقبول
وميض:اشتعلوا ...آسرتني بعيونها
سمر:بقينا ساكتين اثنينا ونتفرج الما خلص الفلم وعيونه مورمه اثنينه من البجي على النهايه الحزينه
سمر:من دااكوم باوعت على وميض وابتسمنه واحد للثاني ورحت نمت.
وميض:بديت اتغلب على الصعاب ولازم ادوس على حزني حتى اعيش
سمر بنيه حبابه وهادئه ومابيها شي يتعيب
بديت احبها بس مكتلها
اريدها تتعلق بيه اكثر وهذا لمصلحتها
وميض:رجعت استلمت شغل والدي واساعده ،وحسيت بنفسي رجعت اعيش

ابو وميض:ياام وميض صدك من يكولون ربه ضاره نافعه
وجود سمر يمنا خل وميض يتغير هوايه
اشو اني داشوف تصرفاته يمكن بده يحبها
ام وميض:اي والله هوايه تغير والحمدلله،واني هم لاحظت تصرفاتهم اثنينهم
ابو وميض:اريد احجيلج شغله حجيه
تدرين اخويه المرحوم امني امانه
ام وميض:شنو الامانه حجي
ابو وميض:يريدني ازوج سمر لوميض
ام وميض:هذا يوم المنى،بس شلون خاف تبقى متحجي وحرام ينظلمون اثنينهم..
ابو وميض:لا تحجي ان شاءالله،الدكتور كال مسأله وكت،ربج حميد تحجي ان شاءالله
ام وميض:امين يارب ،الله يسمع منك

🌸🌸🌸🌸

#الكاتبه
همسات الليل(ام آيه)