انا بهواك

13

#انا بهواك
بقلمي همسات الليل (ام آيه)

وميض:صارت ساعه 12 واني افتر بالشوارع بسيارتي شلون والطفل التايه ومضيع امه
وخابرتني امي
ام وميض:وين صرت وليدي ترى ظل بالي
انت بيك شي
وميض:لا ماما ماكو شي هسه جاي
وميض:وصلت متاخر وراسا طبيت غرفتي ومااريد التقي بسمر
سمر:بالمطبخ داشرب مي وشفت وميض اجه بسيارته
رحت اركض لغرفتي لان مالي عين اباوع بوجهه بعد الكلام الي قراه
سمر:الليل كله منمت ودموعي غسلت المخده
وصراع بين قلبي وعقلي وحاسه قراري ورا ندم جبير
بس اني مجبوره ادوس على كلبي وحبي لمصلحه وميض..واليحب لازم يضحي
منمت للفجر
وميض:معقوله سمر متحبني
زين شلون ،كل تصرفاتها ونظراتها توحي هي تحبني ومتعيش بدوني
وميض:خلص اني تعودت دائما على كسره الخاطر واني مااجبرها على شي بعد
وهاهيه بعد حجزت وانتهى الموضوع
وبس اصعد الطياره قصتي ويه سمر صفحه واطويها من حياتي
وميض:كعدت ساعه 12 وصحت مينا واجتني للغرفه

مينا:ها وميض شتريد
وميض:مينا اني راح اسافر
مينا:شنوووو ،ياااااا ليش!!!!!
وميض:كافي مالي عيشه هنا كرهت كلشي وتعبت
مينا: من وره سمر مو، لان عرفت راح تنخطب
وميض:سكتت مجاوبتها
مينا:الخميس راح يجون يمشون عليها ويعقدون عقد سيد
وميض:خاف عندي امل ،هسه انتهى كلشي
سمر:ضيعني حب وميض وعشت بدوامه،واهااات كلبي توصل لاابعد مكان،وادري قراري فاشل
سمر:وصلني الخبر الخميس يجون يمشون
راسلت ايناس
سمر:هلو ايناس ،اطلب منج طلب الخميس تكون المشيه
وحبيبتي خلوا بحسابكم ماكو عقد لاسيد ولا محكمه الا وره السنه مالت بابا وخالد واتمنى تحترمين قراري
ايناس:اي حبيبتي وهذا حقج
سمر:مر يوم كامل واني و وميض ابد متشاوفنه
وبالليل والكل نايمين اختنكت والعبره كتلتني واريد ابجي وحابسه دموعي

لان مينا نايمه وماريد تسمعني
طلعت بالحديقه وانارتها خافته،
رحت كعدت على المرجوحه،ابجي بقهر وحركه وحسيت راح يرجع صوتي
وميض:طلعت كعدت بالحديقه بزاويه ظلمه ومخنوك وماريد احد يحس بيه
اني كاعد وشفت سمر اجتي كعدت بالمرجوحه وانفجرت بالبجي
وعرفت هيه اخذت قرار غلط
وميض:ضعفت من شفت دموعها وعفت كلشي ورايه ودست على رجولتي ورحتلها
سمر:الحزن الي بكلبي يهد جبال
صحيح دموع الحب تحرق اصحابها
بجيت لحد مكال البجي كافي
وبعز قهري ويجيني ملاكي
ومن شفته بدون وعي ارتميت بحظنه واول مره اسويها واكون قريبه منه وبجينا اثنينا
ولزم ايدي وحطها على شفته ويبوس بيها برقه
وبقت عيونه تحجي دقايق ودنك عليه وباسني من كصتي
واني ارتبكت وعفته وركضت طبيت للبيت

وميض:هذا الموقف بينلي سمر تعشقني حد الجنون ،اوف ياحضنها شكد حنين ودافي
وميض:باجر من الصبح اروح الغي الحجز وطز بالدنيا وبعد مااخلي يوم من عمرنا يضيع
سمر:كعدت الصبح والي صار بالليل مراح من بالي ، وكلبي يريد يروح لوميض
بس كلام بيبية وميض يدك براسي وموافقه عمي على الزواج من حسين وبدون ميعترضون ،
واحراج عمي كدام العالم بعد محددوا موعد الخطبه هو الي خلاني ارجع واصر على قراري
سمر: كعدت مينا وطلعت اني وياها داتشتري فستان للكعده وجان وميض نايم بعده
وميض:كعدت الصبح وكلي امل وتفاءل وحبيبتي بعد مااضيعها من ايدي،كلت اكل لكمه واروح الغي الحجز
وميض:هلو ماما سويلي شي خفيف اريد اكل ،لان اريد اطلع بشغله

ام وميض:اي حبيبي ادلل من عيوني
وميض:لعد وين البنات شو ماكو
ام وميض:راحواا للسوك لان سمر دتشتري فستان وغراض للخطوبه عكب باجر يجون يمشون اهل حسين عليها
وميض:كلام امي مثل الصاعقه،يعني شنو حجي الليل يمحي النهار..مشتهيت حتى اكل
وميض:ماما ترى اني طيارتي الخميس بالليل،وهاهيه حجزت وطلعت الفيزه وراح اسافر
ام وميض:اويلي ياكلبي شلون بيه اني وشلون ويه قهري،اشو فجئه ،يمه ليش تحرك كلبي عليك
منو الي بعدك والله اموت
سمر:اشتريت غراض ورجعنا
طبينا وشفنه خاله كاعده بالكاع وتنوح وميض يمها وكالبتها مناحه وعزه،وبيبيتهم هم دتبجي
مينا:ها ماما شكو شبيج شصاير ياستار
ام وميض:لج مينا وميض خلص قرر وحجز والخميس راح يسافر
سمر:من كالت يسافر حسيت روحي انسحبت مني وضيعته للابد
سمر:صارت عيوني بعيوني وميض وغوركت وطكت دمعتي ورحت للغرفه
سمر:البيت كله حزين وثاني يوم اجتي رؤى وحيدر من الحله يودعون وميض
مينا:حال وميض وسمر واحد اصعب من الثاني
سمر:احجي ويه كلبي واكله راح يروح الامان والحنان ومااتصور راح اعيش الحب ويه غير وميض
اصدق وانقى حب بلغه العين

رؤى:مينا ترى ذوله واحد يعشق الثاني ليش مندخل مادام بعدنا بالبدايه
اني عليه وميض وانتي عليج سمر،شتكولين؟
مينا:والله ياريت لان اثنينهم يكطعون الكلب ويبجون وحالهم مأساوي خطيه
بهالاثناء طبت بيبيه وميض وسمعت حجيهم
البيبيه:اسمعن قرار زواج سمر من حسين احسن قرار،حتى متخلف اطفال خرسين
لان لو ماخذه ابن عمها يجوز اطفالهم خرسين يجون
رؤى:لا بيبي خو ماهي خرسه بالولاده هي راح صوتها اثر صدمه
مينا:اي بيبي حجي رؤى صحيح
بيبي:الحجي مالتي هو الصحيح لان هيه تعبانه نفسيتها وهذا كله يأثر بالمستقبل ويجوهم اطفال مريضين نفسيين
سدوا الموضوع كافي لتدخلون
#يتبع

#الكاتبه
همسات الليل(ام آيه)