انا بهواك

الجزء10

#انا_بهواك
الجزء العاشر
بقلمي همسات الليل(ام آيه)

سمر:مرت العطله بسرعه ومحسيت بيها
وميض مقصر ويانه بالطلعات وبكل شي
فد يوم راسلتني ايناس مرت خالد الله يرحمه واحنه دائما نتراسل
تحب تطمئن عليه،وبالحجي كلتلي راح ادك على تلفونج وروحي انطي التلفون لخاله ام وميض..
كتبتلها اوكي
دك التلفون ورحت وديته لخاله ام وميض
ام وميض:ها سموره،منو،هاي ايناس انطيني التلفون حتى اجاوبها
ام وميض:هله باانوسه شلونج حبيبتي شخباركم
ايناس:بخير خاله حبيبتي نسال عنكم،خاله رايدتج بشغله واتمنى متفشليني
ام وميض:غاليه والطلب رخيص اذا اكدر عليه ماقصر من عيوني
ايناس:تسلم عيونج خاله،السالفه ومابيها
(...........................)
ام وميض:اشورهم ويصير خير ان شاءالله
ام وميض:انجمعنه العصر ودنشرب جاي وكملنا وكاموا البنات ديغسلون الاستكانات

وبقينه بس اني والحجي و وميض
ام وميض:ياجماعه مادام البنات كاموا، عندي موضوع اريد احجي بي وياكم
ام وميض:ترى خابرت ايناس وخطبت سمر لااخوها حسين،تكول بعد كم شهر وتطلع السنه
واخويه خوش ولد وعنده وظيفه ويريد سمر
لان حبابه وتكدر تربيله ابنه اليتيم
ويكول اني قابل بيها حتى لو ميرجع صوتها حتى تبقى تحن على ابني
ابو وميض:ونعم النسب ،تبقى الموافقه يم البنيه
وميض:امي تحجي واني كمت افور بس اسمعهم وساكت،اخر شي حجيت
وميض:لا شلون تزوجوها واحد ارمل
وثاني شغله يجوز يعيرها ويجرحها لان متحجي،
اني مااقبل
ام وميض:وانته شكو حامي حمامك قابل تريدها
وميض:مو حامي حمامي بس البنيه مريضه وخل تصير زينه والله كريم..
ابو وميض:كلامك عين الصح وليدي

ابو وميض:خلاص ام وميض رجعي خبر لايناس وكوليلها البنيه بعدها تتعالج ويصير خير منا الما تتحسن صحتها
ام وميض:ارجعلها خبر وامري لله
وميض:شلون بيه اني لشوكت ابقى مابين الها حبي،
كل الي دسوي علمودها بلكت يرجعلها حسها
عفتهم وطلعت من الهول وصارت سمر بوجهي وباوعتلها بنظره غضب
سمر:هذا الولد خبلني ساعه احسه يحبني وساعه يبين مو مهتم الي والله تلفها لااعصابي
سمر:كاعدين العصريه واندك الباب وطلعت مينا تفتح الباب
مينا:هلووو بيبي مشتاقين تفضلوا استريحوا
سمر:بيبيه مينا وبيت خالها اجوي من الحله وجانت وياهم بتهم اسمها غزل حلوه ومرتبه وتطلع بعمري
وميض:طلعت من الحمام وصارت بيبي وبيت خالي بوجهي
وميض:بوست بيبي،والله الج وحشه حبيبتي
هاي شنو غزل صايره صبيه
سمر:اني من شفت وميض شلون فرحان بيت خاله وبيبيته ويتشاقى ويه غزل كلش انقهرت وانغثيت
ومتحملت رحت للغرفه
سمر:طبيت للغرفه ابجي على حظي صفيت بلا اهل وتاليها صوت ماعندي
و وميض حقه ميعبرني وعنده هيج بنت خال وهوه مناقصه شي
وميض:افتقدت سمر مو ويانه وطولت فوك الساعه
وميض:دكيت الباب وفتحتلي وجانت عيونها حمر مبين عليها باجيه
وميض:لغه التفاهم بيناتنا اني اسألها وهيه تكتب بالورقه
وميض:ليش تبجين
سمر:مابيه شي اشتاقيت لخالد وابويه
وميض:الله يرحمهم ان شاءالله
وميض:يله اتحضري وهسه اكول لمينا وناخذ غزل ونطلع اوكلكم موطا من الفقمه ونرجع
سمر:لا شكرا روحوا انتوا
كافي اني هوايه طلعتني هسه الدور لغزل..
وميض:ههههههههه اي والله صدكتي هسه دور غزل بالطلعه والاهتمام
يله باي لعد
سمر:والله راح يموتني يحب يداهرني عافني وطلع من الغرفه بكل برود..
سمر:كملنا العشا ورتبنا المطبخ
الكبار كعدوا بالصاله
واحنه البنات و وميض كعدنه بالحديقه
سمر:طول الكعده و غزل عينها على وميض
شلون عيون صلفه راح اكوم افكسها
غزل:انتي شكد حلوه حرامات متحجين
مينا:لا ان شاءالله تحجي ،مسأله وكت
سمر:كلش انغثيت من غزل واني اصلا مااهظمهااا،عفتهم ورحت للغرفه

حضرت ملابسي وكتبي لان ثاني يوم يبدي الدوام
وحضنت دبدوبي وكاتم اسراري ونمت
وميض:حسيت سمر انغثت من غزل لان من طبت للغرفه بعد مطلعت..
وميض:باجر اكعد بوكت اوصلها علمود اراضيها
سمر:كعدت بدلت واكلت لكمه وطلعت للمدرسه
وميض:فزيت شفت الساعه 10
متت قهر لان مكعدت بوكت حتى اوصل سمر
يله اروحلها من تحل من المدرسه..
وميض:فتت للمطبخ وسمعت امي وبيبي يسولفون
بيبي:والله البنيه حلوه وفقيره بس خرسه شيسوي بيها ابنج
وابنج ماشاء الله كامل مكمل
اشوف لو تاخذيله غزل
شلون بنيه كامله ومكمله
ام وميض:والله يايمه كلشي نصيب ،والولد منعرف شوكت يجي نصيبه ويم منو
واذا على صوت البنيه ترى الطبيب طمنه وكالنا مسأله وقت والله كريم

سمر:استلمت النتيجه وطلعت ناجحه وفرحانه هوايه لان درجاتي كلها عاليه
طلعنه قبل موعد الحله يعني نص دوام
امشي بالشارع فرحانه واريد اوصل واشوف اللهفه والفرحه بعيون عمي وخاله ووميض
شايله النتيجه باايدي ووصلت باب البيت وطبكت سياره ونزلوا ولد جروني واني اعيط واخذوني وياهم بالسياره....
#يتبع

#الكاتبه
همسات الليل(ام آيه)