#انا_بهواك
الجزء السابع عشر والاخيرر
بقلمي همسات الليل( ام آيه)
سمر:حطني بموقف لااحسد عليه ،جريء لابعد حد
يمه من فدوه لريحته ولكلبه..
كعد يمي واتغدينه،وطول الكعده يكرص برجلي ويتحارش واني ميته خجل ومبين عليه لان حمره صرت
وميض:شربنا الجاي وطلعت الهم هداياهم كلهم
واخر شي طلعت هديه حبيبتي سموره
وكلها كامت تضحك ومينا المسترجله تصفر وتعيط
سمر:وزع الهم هداياهم واني اخر شي
باكيت فتحه وطلع منه بدله بيضه تجنن وكعد على تك رجل كدامهم
وميض:تزوجيني يااحلى سمر
سمر:شعوري مينوصف ومن الفرحه حاسه كلبي راح يطلع من مكانه..
ابو وميض:هاي شنو ،شو الامور واصله حدها وياكم
شتكولين ام وميض لو نستعجل ونزوجهم ،
الجماعه واصلين مرحله
سمر:لاول مره حسيت بداخلي فرحه توسع العالم وخايفه لتضيع مني
بيبيه وميض:باستني وباركتلي ،وكالتلي ظلمتج وسامحيني بس اني من حبي لحفيدي اتصرفت باانايه
سمر:حسيت بصدق مشاعر بيبي،وسامحتها من قلبي ومحيت كل كلامها وتجريحها الي
وميض:صاروا حبابين وعافونه بالصاله اني وسمر وطلعوا
وميض:جريتها وكعدتها يمي وحطيت ايدي على جتفها واحتويتها بايدي وبقلبي وعقلي..
كتلها اريد ابقى اباوع بعيونج مثل قبل ،
اوف يانظراتج جانت تخربط كيانه وتاخذني بغير عالم
اما نظرتج الاخيره بيوم السفر كارثه
حسيت بيها راح ارجع بيها الج
بيها سحر وجاذبيه متنوصف،ذوبتني هالعيون اوف
بقيت لازم ايدها وابوسها برقه وحب
وميض:امورتي اريد من نتزوج يوميه تشمريلي سهم قاتل بنظره من نظراتج الرهيبه..
وميض:لعد صدك احلى لغه بالحب هي لغه العيون ..
سمر:يحجي واني ذايبه بكلامه ويحجي بهمس دوخني وسطرني وطير عقلي
ومن فرحتي احس بنفسي راح اخرب، حبيبي يملك سحر وجاذبيه مالها مثيل
ابو وميض:كافي حبيات وغزل مشبعتوا ،باجر اخذها للحارثيه سووا تحاليل بمختبر خاص حتى تكمل علمود ثاني يوم تعقدون محكمه
ومنا لوكتها صير حباب واكعد راحه وميض
وميض:بابا يحجي واني اضحك،
ها حجي راح تشتغل عليه بدور العم ابو البنيه..
سمر:رحنا ثاني يوم سوينا التحاليل وطلعنه اشترينا الذهب،اختاريت تخم كلش ناعم شغله، من لازوردي
وكم شغله فرفشه..
سمر:وصار يوم المحكمه لبست فستان ابيض كلوش وبي كيبور جويتي بالصدر
ومن شافني حبيبي بقى يباوع ويتأمل
وميض:همست بااذنها،ملاكي طالعه تجننين
شيخلصج مني اليوم
سمر:عنده احساس ومشاعر متنوصف سطرني سطر
رحنا عقدنا وعلكو الدنيا هلاهل بالمحكمه خاله والبنات و طشوا جوكليت
وطلعنه باب المحكمه شفنه حيدر رجل رؤى محضرنه المزيقه والطبل وبقت ويانه الما وصلنه البيت
وميض:احلى لحظه واحلى فرحه، دعيت ربي ميضيع فرحتي هالمره..
وميض:فضت الهوسى وتغدينه وكلمن راح بغرفته
دكيت على سموره وكتلها تصعدلي فوك
سمر:احلى يوم واحلى فرحه الي ،بدلت ولبست كلابيه خليجي بدون شغل لونها حني ستن كصه الحوريه طويله ومقسمه وبس على اطرافها شغل بفصوص ناعمه وفاتحه شعري ومكياج هادئ
سمر:خابرني وميض يريد اصعدله ،بس ذبيت شال على شعري لان عيب من حيدر
وصعدت بسرعه فوك
سمر:طبيت وخايفه من رده فعل وميض خاف يرجع يذكر شيماء
وميض:ردت ابين لسمر هي حاضري ومستقبلي والماضي خلاص راح وانتهى..
وميض:المكان الي جانت واكفه بي سمر وشفتها تتأمله من قبل هو كبال ميز الفراشه جانت تتفرج على صوري اني وشيماء
واليوم ردت هذا المكان يكون اول مكان شاهد ويعبر عن حبي الها
أنت تقرأ
انا بهواك
Romanceالقصه تتكلم عن فتاه يتيمه تقسوا عليها الظروف وبين حلاوه ومرار الحياه يطرق الحب باب قلبها
