رجعت من الدوام نمت كعدت العصر قريت وحضرت واجباتي اجه الليل نامو اهلي بديت افكر بكلام نور وبسالفة كرار وبدت الافكار براسي وبديت احجي وي نفسي .. اتصل.. لو لا .. اوك خل اتصل لان نطيت وعد والولد دينتظر مو حلوه بحقي هذا اليوم الثاني واني واعدته
رحت على كيف لغرفة ماما وبابا واخذت التلفون بهدوء وانهزمت فتت بغرفتي وقفلت الباب عبالك بايگه بوگه
واتصلت ..
كرار .. دك التلفون .. واخيرا. . رقم غريب .. هاي ليا اكيد .. خل أرفضه واخابر اني حتى تحس اني عندي فلوس خير من الله ومو طمعان بيهه
ليا .. بس دگيت رأسا رفض المكالمه اني بگلبي دااحجي يمكن يمه احد بعدني ممكمله اتصل
الو .. هلو ليا
الو .. هلو كرار ..
شلونج
بخير الحمدلله انت شلونك
كرار الحمدلله
ليا خير إنشاء الله
كرار طبعا الي ايام وشهور واني انتظر هاللحظه اللي اسمع بيه صوتج
ليا .. ايام وشهور ؟
كرار .. اي
ليا .. بس اني اول البارحه عرفت بيك
كرار .. بس اني من زمان مراقبج ومعجب بيج بس ماعرفت شلون اوصلج
لحد ما شفتج تمشين وي نور
ليا .. والمطلوب مني شنو
كرار .. باعي يابنت الناس اني معجب بيج
ليا .. كرار .. اني مااحب هيج سوالف وبصراحه اهلي واثقين بيه ثقه عمياء وبابا همات ومستحيل اخيب ضنونهم فيا كرار اني صحيح اتصلت عليك بس اني ماادور حبيات
بس ردت اكولك رايدني
باب بيت اهلي مفتوح وهلا بيك بس اذا تدور حبيات فنجوم السمه اقربلك مني
كرار.. اني مااعرف شجاوبج صدمتيني وطيرتي كل الحجي من راسي
ليا .. اتصور فهمت قصدي كرار
كرار .. ومنو كالج اني قاصد شي ورايد منج شي اني معجب بيج
خليني اتعرف عليج وتالي الله كريم
ليا مااوعدك اتصل بيك بعد اليوم
كرار براحتج ليا مااضغط عليج
ليا ... باي
كرار .. بايات
ليا .. سديت التلفون وحسبه تجيبني وحسبة توديني .. السويته صح
اي صحيح
طبعا اني واثقه بنفسي حيل ومتاكده هذا الصح
ثاني يوم سالتني نور
حجيتله الصار بالتفصيل
نور .. يمعوده اخاف طيرتي للولد
ليا ..وخل يطير شسوي بي
نور .. بس هذا اسلوب المحبين وتاليها خطوبه
شلون تردين يحبج من الهوا ليا
ليا . . باعي نور اني اتمنى احب والله . بس تفكيري حيل مشوش لان مابي صفات فارس احلامي الاتمنا
نور .. بكيفج ليا شسوين سوي وماعلى الرسول الا البلاغ المبين واني بلغتج وانتي حره بحياتج بعد
ليا .. مشكوره حبيبتي .. شلونه منتظر
نور الحمد لله بخيررر دايخ بالشغل واني منا ونشوف شلون وين تصفى
ليا .. الله كريم حبيبتي
إنشاء الله يكدر يلم مبلغ ويخطبج وتزوجون وافرح بيكم
نور .. إنشاء الله حبيبتي يوم المنا ربي يسمع منج
ليا .. خلصت يومي كالعاده .. دراسه ومرمطه رجعت لكيت بابا واكفلي قريب على مدرستي
رجعت ويا
وصلت للبيت
كعدت فكره تجيبني وفكره تاخذني
اني شسويت . . ماغيرت شي بحياتي
هاي اني مثل مااني وحدي ورفضت الولد
ومنو يكول راح احد ينعجب بيه بعد
اووووف دخت تكون اقرا احسنلي باجر عندي كومه دروس
أنت تقرأ
هيه قسمة وأنت مامقسوملي
Romanceأعلم أنك حاولت العبث معي قاصدآ غروري لكن قسمآ بالذي خلقني غروري قد هزمك .. عذرآ سيدي القاضي
