هيه قسمة وأنت مامقسوملي

البارت الثامن

ورا ٣ شهور اجه كرار واهله ماما طبعا طاردتهم من الباب بس بابا عاط بيهه وكال إله خل نسمع شعدهم فوتيهم

فاتو اهله .. ورادوني اطلع .. ماطلعت .. اني اريد انسى .. يذكروني ليش
حاجين لاهلي موضوع كرار وعلى أساس معالجي ويردون يحددون زواج
بابا كال الهم بنتي مو لعبه بيدكم .. شوكت مايعجبكم تجون وتردون ترجعوها لابنكم .. ومع ذلك مااريد اظلم بخته مثل ماظلم بخت بنتي

انتظروا من البنيه جواب

فاتتلي امي كلت اله مااريدهم. . خل يطلعون

زهراء ماانقطعت عني

تتصل بيه وتسأل عليه وتكول والله الصار غصبن عني ماكدرت اتحمل

ورادت ارجع لكرار ونزوج وبعدها بفتره كرار يزوجها كزوجه ثانيه

وكالت اقبل حتى لو بس عالورق
بس يصلح غلطتنه

ونطلك

طبعا اني مااقبل .. هيه صحيح دمرتني بس اني لا .. ماادمرها عندي ضمير

كالت كرار متدمر

يحبج ومتمرض عليج ونايم ويهذري بأسمج

كلت اله خلي هذا الراده هوه واللي انتي قبلتي بي

مو انتي طلعتي من ذيج المصيبه

طلعي هسه
اني ماادمر حياتي وي انسان ميخلف

حتى لو يحبني وأحبه .. همزين حكمتو انتو عني

اني راجعت نفسي وعرفت صح اللي سوا كرار

راحت زهراء

اختفت

ورا فتره خابرني كرار

اني راح اتزوج زهراء

كلت اله الف مبروك وجاي شنو تبلغني
.. تعزمني

كال لا .. بس بينه عقد وطلگتج ترى غيابي

.. اوك كرار مشكور ماقصرت

وسديته منه

بس حسيت بقوه كبيره

ورجعت اتصلت عليه اني

كرار .. مو كلت الك اني نجوم السمه اقربلك مني

اني اصلا حسافه بيك حبي وضيعت سنتين من حياتي وياك
بس من هاللحظه

اني نسيتك

روح تهنى بحياتك وي بنت عمك ومرتك

ومااريد بحياتي ابد اشوف خلقتك ابد
سديته

كرار ... مجبور اسوي هيج .. احبهه .. ومااريد ادمرها بعد .. اني حبيتها بس ماكدرت أسعدهه
واليوم

خليها تروح لانسان يسعدها
وهم اني اهتزت رجولتي وغلطت .. والغلطه جبيره ولازم اتحملها

هاي نتائجه .. خسرت حب حياتي

احلى شي بعمري
علمود لحظة ضعف

رحت وجهزولي اهلي كلشي وتزوجت

بس بقيت متابع اخبارها .. مااكدر انساها

بس جسد يم زهراء .. روحي يمهه ..

ليا .. راح وتزوج .. كلت العالم وجهي بالحجي

كالو عليه اشكال الوان

والخطاطيب الجانو يجون بطلو لان صرت فاسخه ومن دون سبب مقنع

بعد شهر وتبدي الدراسه

طبعا مستواي الدراسي جيد وطلعت من السادس بمعدل ٨٧ .. لان من خسرت كرار حسيت اني ظلمت اهلي وقصرت بحقهم فحبيت افرحهم بدراستي

معدلي يجيب تربيه انكليزي

وقدمت على كلية اهليه .. وقررت ابدي من جديد ... حياتي