هيه قسمة وأنت مامقسوملي

البارت ال ١٢

ليا .. الو

اغنية

ايامي وياها .. اتمنى انساها .. متندم اني حيييل

وي غيري هيه .. تضحك عليه .. مجبور انام الليل

وكمل الاغنيه ..

كرار الو ..

ليا .. منو

كرار .. لحگتي تحذفين رقمي وتنسين صوتي
ليا .. لا مو هيچ بس نايمه ودكيت عليه تعرف دراسه وكليه واجي تعبانه وانام

كرار .. اخاف متعبج الحب

ليا .. هههههههه ياحب هذا ..

كرار .. حبيبج الجديد ابو عيون ملونه
ليا .. ولحگت تعرف عيونه

كرار .. اي

ليا .. وشتريد هسه كرار

كرار .. اريدج ترجعيلي

ليا .. مستحيل كرار

كرار .. ليش لازم حبيتي لاستاذ ماهر
ليا .. احترم نفسك كرار ولتتجاوز
اليعثر بالطابوگه وهوه يعرف مكانه مره .. اذا عثر مرتين معناها غبي

واني مو غبيه

ماانكر مشيت ويا وحجيت بس ماحبيته ولاراح احب بحياتي

بس ماردت اجرحه

مثل ماانت جرحتني ومشيت
كرار .. بدل متخافين على مشاعر الناس خافي على مشاعري

ليا .. انت تسكت خلاص السويته بيه كافي وخلاص كرار ارحمني

بداعت اغلى ماعندك اتركني

ترى تعبت .. انساك وترد ترجعلي

خليني فدوه لعينك

كرار .. لهالدرجه كارهتني ليا

ليا .. خلاص كافي كرار عوفني باي

وسديته

اووووف ياجرحك كرار

ماردت احبك حاولت .. من لفظة اسمك حاذرت
كلمه وشلته من الحجي .. ومن اللسان اخفيته

وبيبان روحي مقفله وعن لااحب سديته

صلفه امنياتي الرادتك .. سالتني عنك بس صمت كلش ولاحاجيته

كالتلي وينه وجاوبت .. ماادري مادليته

ماردت احس حبك لان گبلك الروح انطيته