هيه قسمة وأنت مامقسوملي

البارت الرابع

درست وكملت وبدت سلسلة الأفكار براسي .. بس مااستسلمت ولاتراجعت بقيت قويه نمت وكعدت ثاني يوم رحت للدوام ومن رجعت عيني عالطريق متأكده راح اشوفه .. حسيت اكو سياره تلحگني بس خاف من بابا لان چان ويايه فما تقرب وضل ايام يلحگني وكل يوم سياره شكل حتى لا يحس بابا
عاد اني گمت مااحب بابا ياخذني ويجيبني بعد قنعته بأسلوبي
كلت اله بابا اني كبرت والبنات يباوعون عليه بالعين الزغيره وفكرو بيه غير تفكير
وانت ماتقبل بنوتك الوحيده يضحكون عليه البنات التسوه والمتسوه كانت تشمرلي حجي
اوك باباتي التردي يجرالج وديري بالج على نفسج
كمت اروح واجي لوحدي للدوام .. هاي الفتره شكد ماكنت قويه شكد ماضعفت لان حسيت بنظرات العالم تاكلني واني وحدي
بس تحملت وصار عندي كلشي طبيعي
بيوم من الايام راجعه من الدوام ووگفلي كرار بسيارته
گال اصعدي كلت اله مستحيل
گال لا ترى والله انزل اصعدج غصب
صعدت ويا واني ارجف.. شتريد مني بين الناس
مو دمرتني كل يوم لاحگني وحتى خفت لايجي يوم وأبويه يحس بيك وخليته ميوصلني بعد
شتريد مني ترا اني لاحمل دروب تعبانه ولابهذله
كرار .. يمعوده دسكتي لوك لوك لوك لوك اخذتيني حاصل فاصل
گوليلي اذا اجي اتقدملج تقبلين
ليا.. شتحجي انت اني وين اعرفك
حتى اقبل بيك
كرار .. لااغنيك ولااخلي رحمة الله تجيك
وتالي يبنت الناس الترديه شنو تراني بعد مااتحمل
من يوم الشفتج بي لحد هسه احاول اقشمر روحي والهي نفسي بغير طاريج وروحي ماتتقشمر . . قفلت
ليا ... هههههههه خيرك يمعود
ليا.. اضحك وبداخلي رف گلبي عليه
كرار .. ارحميني رحمه لاهلك
ليا .. حسيت بنفسي ضعفت .. دنزلني هسه هنا ابوس ايدك ليشوفك احد من منطقتي وشيفكج ياطلابه
كرار .. والله ماانزلج اذا متوعديني تتصلين
ليا .. اوك انشاءالله

نزلت من سيارته وطول الوكت بين ما وصلت البيت ضميري يأنبتي وعقلي يگول اصحي شسويتي لو شايفج احد والدنيه كلها تعرفج وبين روحي التعبت من الوحده والملل وبين گلبي البده يحس واخيراااا بالحب
وصلت للبيت فرحانه بس بنفس الوقت احس خنت ثقة اهلي
شسوي ياربي وعيوني ماتگدر حتى تصير بعيون بابا ..
اوف لو تدري ب بنتك يابابا .. بس اعذرني .. يابابا كبرت وماعاد حبك وحنانك يكفيني يابابا
كمت ادور اشياء اكبر

اجه الليل وتذكرت الوعد ورحت اخذت تلفون ماما وفتت على غرفتي
الو كرار .. هلو ليا .. شلونج .. وبدت سوالف الليل والحبچيه
وبدت مواعيد الغرام
حبيته .. تعلقت بي فوگ متتصورون .. طرت ويا
عشت احلى ايام
كان ينصحني
يوجهني
حتى سوالي واهس بالدراسه وگمت تتفوق
وبيوم اللي اخذ درجه نازله كان يعاقبني وميحجي وياي الليل كوله

اجه يوم وكال اليوم ارجعج اني من الدوام
كلت اله يمعود اخاف احد يشوفني
كال لا مليت كل شوفاتي الج من بعيد
لازم اشوفج والله طگ گلبي حبيبتي

اوك ياعمري .. انشاء الله

طلعت من دوامي وركبت ويا بسيارته
اهله عدهم بساتين كال خل اخذج مكان حلو بس اتصلي على اهلج گوليلهم اي عذر

علمود من تتاخرين شويه ميضل بالهم
اتصلت عليهم طبعا نسيت اكول الكم صار عندي تلفون قنعت اهلي وجابولي بحجة الدروس وبيوم اللي مااداوم اخذ الجدول من صديقاتي
اتصلت على اهلي
هلو ماما
هلو بنتي
ماما صار عندي درس اضافي واتأخر حسبة نص ساعه .. ساعه بالكثير
ماما .. اوك حبيبتي ديري بالچ على نفسج
اوك ماماتي باي
باي
ورحت ويا للبساتين
ليا .. كرار.. عيونه
تحبني . ؟ اي شلون مااحبج انتي روحي ونفسي الاتنفسه
ليا .. ضحكت
كرار .. من فدوه اروح لهاي الرصعات
ليا .. خجلا ودنگت
كرار .. حبيبتي اني مليت من التلفونات والشوفه بالبوگه شتگولين اجي اخطبج
ليا .. وشلون افاتح اهلي واخاف ميقبلون وبابا مينطيني دوم يخطبوني
يكول إله تكمل دراسه وبنتي بعدها زغيره

كرار .. تسمحيلي اتصل على امج ..

ليا .. اي عادي

كرار .. وماعليج بالباقي الج الصافي

ليا .. اوك واني راح انطيهه مقدمات راح اكول إله ماما اقارب صديقتي شافتي ومعجب بيه ويريد يتقدملي

كرار اوك

رجعني للبيت .. وفرحانه طايره .. واخيراااا .. راح انخطب

وتتزوج .. واحقق حلمي .. ومن منو. من أنسان احبه ويحبني