وراح كرار
وجعني گلبي بالليل كلش اختنگت
خابرت صديقه احمد اللي وياي بالكليه
هلو احمد .. هلو ليا .. خير اختي خو مامحتاجه شي
لا احمد بس مختنگه ..
احمد .. سكتت .. بس لشوكت اضل ساكت
بقيت احجي وياها أطلعه من خنگته
ياسبحان الله الگلوب سواجي
طبعا من خابرتني ليا جنت هسه جاي من كرار
عفته بالمستشفى سوه حادث سياره .. بس طلع منه الحمدلله سلامات
ليا اوك احمد اخذ راحتك بس هيج اجيت على بالي وردت اكلك مخنوكه والسبب يمكن انت
بعد لتوصل تفاصيل حياتي لكرار لان خابرني وسمعته حجي مو حلو
عفيه احمد اترجاك ترى أحنه بعد ماورانه رجعه
احمد . . صار تدللين
احمد سديته وشلت ذنب كرار .. لو ماموصله اخبار جان ماخابرهه ولاوصل هالحاله
ليا .. وانقطعت تماما عن كرار وحتى للكليه بديت مااروح دائما .. احضر بس المحاضرات المهمه
الى ان تخربط بابا سوده عليه .. تأزم وضعه ولازم نروح بي لاربيل نعالجه
بي سكر وارتفع عنده وضرب الدماغ وبدت عنده دوخه محد شخصهه ولاعرف يعالجه
وصارت بي جلطتين طبعا
عندي ابوي شگد فقير .. مره شاف بعيني دمعه .. صلى ركعه .. بهاي اذني اني أسمعه
يگله ربي هذا جسمي ابليني كله . لكن گلب بنتي لاتوجعه
وعدت سلامات بس اني .. اووف مني .. بعز انشغالي والمستشفى والهوسه
وباربيل .. وانتبهلي شاب وضل يفرفر وراي
ايام اني وماما وي بابا بالمستشفى
واني بيت عمي اخو بابا سكنة اربيل وكمت اروح عليهم ارتاح ويجون ولد عمي بمكاني
اخر شي اجه واحد من ولد عمي اسمه محمد حاجاني
ليا .. اني عندج ارتباط بخطيبج السابق
جاوبته لا .. ليش
جان يكولي مو ولد اجه هوه وامه سال عنج ورايد يتقدملج على سنة الله ورسوله
واني كلت اله اشوف البنيه واردلك خبر
اني جنت باضعف حالاتي
حسيت بابا راح يموت وميبقالي احد وضجت من كلام الناس
كلت انطي لروحي فرصه واعيش
لان اذا خسرت بابا ممكن امووووت ورا
وبهاي الفتره سمعت كرار مسافر لالمانيا تهريب ومااله رجعه .. يعني خلاص
جاوبته اي ابن عمي خل يگوم بابا بالسلامه ويصير خير
محمد ابن عمي .. ماشي ياعيني اخذي راحتج لعد واني ارتبه وي الولد
من يگوم عمي بالسلامه
اوك حمودي
(سيجلب لنا القدر .. وجوها تليق بنا .. تبقى معنا دائما بلا غياب .. و تمنحنا جمال الحياة
نمحو معها وجوه كل من رحلو)
وگام بابا بالسلامه ورحت اشوفه
لگيت الولد گاعد يمهم ومقوي علاقته بيهم
سلمت جان يگوم يرتبك ويطلع
بوست بابا
ولكيته متحضر الطلعه بس بقى نسدد فاتورة المستشفى ونطلع
اخذت فلوس من ماما ورحت اسدد
سددت الحساب انداريت مااشوف إله وراي شاب
طويل .. معضل .. عيونه كبار تسحر وجذاب شكله حيل حلو
كال لحظه ...
وگفت. . تفضل اخي
(كانت صدفه وانخلق لي من بعدها حيااااة)
أنت تقرأ
هيه قسمة وأنت مامقسوملي
Roman d'amourأعلم أنك حاولت العبث معي قاصدآ غروري لكن قسمآ بالذي خلقني غروري قد هزمك .. عذرآ سيدي القاضي
