هيه قسمة وأنت مامقسوملي

البارت التاسع

ومضت ٣ سنوات من عمري بحب انسان مايستحق

اليوم عيد ميلادي .. كملت ١٩ وبديت بالعشرين
كملت اعداديه وراح ابدي كليه
جو جديد .. عالم جديد
واني تركت كل الناس .. صديقاتي .. حتى ابتعدت عن اهلي .. بسبب كرار
لان گامو يلوموني
ويعاتبوني
صحيح ماحچو بس بعيونهم كومه حجي
قررت اواجههم

مااخلي هالحد والمسافه بيناتنا .. صديقاتي طز بيهن

اهم شي اهلي

هلو بابا شلونك .. هلو حبيبتي .. بابا ادري انت شايل بگلبك عليه وادري اني غلطت بس شسوي يابه اني بنيه مثل اي بنيه
بابا سامحني .. ابو ليا .. بنتي انتي اغلى شي بحياتي واني مااتحمل اشوفج مكسوره ادري بيج تتظاهرين بالقوه بس داخلج ادري بي شلون متحطم ومتكسر
شكد حاولنه نحافظ عليج يابنيتي
وفاتت امي

لج ليوله ماما اخاف عليج من الهوا اليفوت ويحرك خصله من شعرج
وانتي ولا على بالج

رحتي وربطتي نفسج بإنسان مايستاهل دمعه من دموعج
انسان عنده غريزته اهم شي
لان مشاف منج شي راح على غيرج

ليا .. كافي .. اسكتو

سدو موضوعه خلاص

اني نسيته واوعدكم الجاي احلى ومراح تشوفون مني بس اليرضيكم

طبعا اهلي ميعرفون بي نسبته صفر
كلت الهم قشمرته بنت عمه وتورط بيه
وحتى من جوي اهله حجو كدام اهلي
عالجنا وعالجنا
خليتهم يطلعون .. سالوني اهلي منو شنو معالجي
كلت الهم من السحر

يكولون مسواله سحر

ماردت انطي بي . مهما يكون رجال وجنت مرتبطه بي وصعب عالرجال هيج مواضيع ولو غيره ميحجي ويگول اصلا زين منه وحجه

(شگد يسألوني عليك. . وانطي واخذ بالحچي وماانطي بيك)

العلاقات اخلاق يابشررر .. مو كل انسان تنتهي علاقتنه ويا لازم نطلع بي عيوب ونبري نفسنه .. ماكو انسان كامل .. الكمال لله وحده

اني اختصرت الكم هواي بالحكايه
بس بينت الكم بداية حياتي
وطبعا اكيد تسألون عن ضغط اهلي وهواي امور معقده عدنه
صحيح .. اني من الجنوب واحنا اهل الجنوب هاي حياة البنيه عدنه

لازم متحب .. واذا حبت بسكوت .. واذا نخطبت ممنوع طبات وطلعات وي خطيبها
طبعا هاي مو بس اهلي
الاغلبيه هيج
اذا عدكم مناقشه او اي سؤال اني اجاوبكم

للقصه بقيه