الجزء2
بقلمي السيدة العلوية
وهنا حنين لاخ تمنيته بخيالي بصفات معينه .
انا سلوى 18سنة..بنت لاب وام متوفين..اعيش وية اخوي و...اه اه ..يلة ماعلينا خل نكول عنها مرة اخوي ..مامخلصة بس صف ثاني متوسط وردت اكمل وماقبل اخوي ..عود ليش لان يكول ماكو وحده عنده تكمل وادري مو كلام اخوي..بس دائما جنت اتمنى اكمل ..
هناء(مرت اخوي):كومي خاتون لو بس علية الخبز
سلوى:لاهسة اكوم اكمله اني بس اخلص تنضيف المضيف
هناء:خلص اني رايحه اكمل الباقي..
كملت شغل المضيف ورتبته واني يومية افتر اكملهن ..ليش ماادري محد يجينا بس بين فترة وفترة عمي سعود اللي كاعد بغداد يمر علينه..
نرجع لزوجة اخوي..
هل حدث لك يوما ما شيء اشبه بالمؤامرة وانت تماما غافل عنها..وان احدهم شغله الشاغل انت ~يدبرلك
يكيد لك ..ويمكر لك..
لكنهم يغفلون ..لابل عقلهم الساذج صور لهم انهم بعيدون عن السميع البصير..
ربي كيف لهم ان يمكرو ..الم يخافوا عقابك ووعيدك ..جلت قدرتك يامن قلت في محكم اياتك (يمكرون ويمكر الله والله خير الماكرين)
اني جنت اتوقع هناء سوالفها وياي لمجرد اني حماتها وهالسوالف بين مرة الاخ واخته..
من يوم اللي ماتو ابوي وامي بقت حصة بالارض وبالبيت وهالشي سبب كل شي..
الاخ:وين هنوه؟؟
سلوى:ماادري اني دااشتغل هناوهي راحت للبيت
هناء:اه اه ضهري..هاحبيبي ..
محمود(الاخ): ها خيرج شبي ضهرج..
هناء:شلت التخم بوحدي ونضفت المضيف وكسر ضهري..
محمود: وسلوى وين ليش ماعاونتج؟؟
هناء: خطيةلااا..
محمود:سلوى ..سلوى.وينج ..
سلوى:هاخوية .أمر.
محمود: حضرتج ليش ماتعاونين هناء لو بس كاعده ..
سلوى: والله..وردت اكمل ومااحس الا كف قوي على وجهي..اثر طبعات ايد اخوي كسرت قلبي مو وجهي..اخوي ياحزام ظهري ..اه ياخوي
أنت تقرأ
النهوة
Romanceحين تجرد من ادميتك وتصبح مسخا بيد التقاليد الغير مفهومة تجد نفسك دمية بين براثن تعسف وهمجية وتبتعد عن الانسانية هكذا وجدت بطلتي نفسها بين يد تقاليد بالية وبين قلب يحمل كل الحب والامنيات
