النهوة

Untitled Part 16

الجزء16
بقلمي السيدة العلوية
هالفترة بديت اراقب تصرفات سلوى..كانت تحاول تساعدني وتساعد الكل لكن مااعرف ليش جنت دوم اسمم بدنها باسلوبي..يوم من الايام كانت امي بالسوق وابويه كالعادة بسوالف العشيرة
اندك باب بيتنه وجنت غافي ..لهذا اضطرت سلوى تجاوب وتشوف منو..كانو اصدقائي حتى يطمئنون على صحتي..
سلوى: عقيل..عقيل..
افتح عيوني واذا بسلوى كدامي : خير..شرايده
سلوى:مو..مووو.. اصدقائك جايين علمودك
عقيل بضجر:كولي لامي هسة اطلعلهم ..
سلوى:اني ..الي فتحتلهم ..عمه بالسوك

كنت مهظومة لان مريض وضجت من نفسي لان تسبب دعائي بأذيته لكن هو لااا مايتغير..
عقيل بصوت عصبي:ممنوع تفتحين الباب بعد اوتجاوبين احد..
مرت الايام وتقريبا عقيل شوية تحسن..
عقيل:يمة مو كلتي تريدين تروحين تزورين الامامين الكاظمين
الام:ياريت والله ..
عقيل:خلص تحضرن العصر اوديجن ..ويمه عندي طلب منج؟
الام:كول يمه..
عقيل:هاج هذن الفلوس اشتري بيهن لسلوى شيعجبها من السوك وكوليلها الفلوس مال ابوية خاف ماترضى..
الام: الله يهديك يايمة..
عقيل بضحكة: ها يمة كومي لا الغي الزياره هههه..

العصر فعلا تجهزنا واخذتهم للامامين ..كنت المح سلوى شكد فرحانه وعيونها توزعت هنا وهنا لو ماطولها كان كلت هاي نور مو سلوى لان تتصرف مثل الطفل المحبوس وفرحان بالطلعة..

°•○سلوى○•°
عمري كلة واني ماشايفة الامام..حنين موطبيعي انولد بداخلي ولهفة ..تقترب رجليه وتمشي لكن روحي سبقتني بهواي ..بلا انتضار بلا كلام ..رميت كل احزاني ودموعي وجسدي وروحي على الشباك..بقيت ارفرف مثل الطير اريد الثم كل مكان بالشباك المطهر والحرم..

ان روحي تاهت مني وسط انفعالاتي وايامي التي قضيتها ولم اشعر اني سأجدها لكن وجدتها باول ثانية استنشقت بها عطر المرقد المقدس ..انظر الى الاضواء الخضراء وابتسم..