النهوة

Untitled Part 10

الجزء 10
بقلمي السيدة العلوية
وفجأة اسمع هناء تضحك لكن ضحكتها مخنوكه حتى لايشوفها محمود..

هناء: اخيرا خلصت منج
ولا اهتميت بيها..كلت اكيد تريد تضوجني وفعلا هذا جان اسلوبها ..
ومااسمع الا محمود يصيح:كومي لمي غراضج
راح تكعدين بعد عند عمي.
سلوى:ليش ..ليش؟؟

عمي: عقيل ناهي عليج وممنوع تتزوجين غيره !!
سلوى: ينهي شنو!!
محمود :يلة كومي ولاتراددين لااجي اطشر راسج

ينهى شنو!شنو نهي ..منو انطى الحق لانسان يتحكم بمصير شخص ثاني،، عجيب امر الانسان يعطي لنفسه حق تقرير مصير غيره..واي شخص هذا ..انها امراءة لاحول لها ولاقوة سوى انك مطالب بحمايتها لا التعسف معها..
تمشي السيارة وقلبي وروحي بكل خطوة ينعصر ويتألم الف مرة وبداخلي اعاتب (ليش يايمة عفتوني ..تركتوني لاخ ظالم وعم اكثر ظلم والله العالم ابنه شراح يكون)
وصلنا لبغداد وياليت ماوصلت ..توقعت احد ينقذني ..منو اليسمعني منو اليحميني..ابو فاضل ها ياخو زينب لاتتركني ..

ستقولون مابالها صامته لاتتكلم معهم ..لاتدافع ..رفعت نضري اليك ..انا منك اريد ..اليك اهرب واليك أفر ..ادخلني في كهفك ياكهف المظلومين.
رغم حزني ووجعي ..كان هناك نسمه خفيفة تدق ابواب قلبي تطمئنني ...كانما ربي يريد ان يرى صبري
وصلنا الى بيت عمي:نزلي بويه لاتخافين
سلوى بهمس:حاضر عمي
دخلت لبيت اول مرة ادخله بحياتي ..نوعا ما كان كبير والحديقة جميلة جدا ..وقفت بها اريد ان استنشق عبير ارضي وحياتي التى لن تعود..
احن اليك يااخي ..اه كم احتاجك حظنك واحتاج ان تعود لي كما تركانا باول مرة امي وابي..اخذني الحنين وبدأت دموعي الغزيرة تنزل لاسمع صوت خشن وبعنف:هي انتي دخلي لاتظلين واكفة بمكانج ..
اول مرة المح عقيل..

•○عقيل○•
كنت مع امي ونور نسولف واذا اشوف ابوبه يدخل ويحجي وية وحدة