النهوة

12

الجزء12
بقلمي السيدة العلوية
الام: استهدي بالرحمن بنيتي '' يلة تعالي ندخل وفعلا ..
نور بنتي كانت دائما تخاف من اي شخص غريب لكن سبحان الله ..من شافت سلوى بسرعة تقدمت الها وسلوى ماقصرت بقت تلعب وية نور ..طفلتان مااجملهما..مالذي جعلني هكذا اقسو مع سلوى..

الام: سلوى هاي غرفتج ارتاحي يمه ورتبي غراضج ..
سلوى:خوش عمة ان شاء الله..
كانت عيوني تراقبها لااعلم لماذا ..كنت احاول ان استكشفها واتعرف عليها بطريقتي ..

عند الليل ووقت العشاء
الام:يمة عقيل ..روح لبنت عمك صيحها تنزل .

عقيل: بس لا اشتغل عدها اني ؟؟
الام:الخاطري شوية بطل اعصابك هاي ضيف عدنا..

صعدت واتأفأف ..دكيت الباب ماسمعت والصح ماكعدت اكيد تعبانه من المشوار لكن لازم تنزل قررت ادخل للغرفة شيصير خل يصير كانت وياي نور لان امي مشغوله بالمطبخ.
عقيل:هي انتي ..كعدي مو جايه تنامين هنا..
سلوى: كعدت مفزوعة ولكيت ابن عمي داخل لغرفتي وتعصبت حيل:انته ماعندك حياء شني تدخل لغرفه بنية بدون ماتدك الباب ..

عقيل عيوني اتسعت وملامحي تغيرت ..منو هاي اللي تحجي وياي بهيج طريقة ومنو هي وتعلي حسها علية وتقدمت ردت اضربها لكن ..
سلوى(ماكان قصدي اكولن هيج بس جنت مالابسة حجابي وكلش استحيت من عنده ..شفته تقدم خطوات وعرفت راح انضرب وكان لازم امنعه ولهذا احتميت بنور وحطيتها بين احضاني

من شفت منظرها وهي تحتمي بنور كلت اكيد عرفت سر ضعفي ..ماجنت ناوي اغير اسلوبي لهذا دفعت الباب بقوة ونزلت..

بداخلي صح احتميت بنور لكن فعلا بديت احب نور ..طفلة ومااحلاها وكلت هي اللي راح تسليني وتصبرني ..نزلت ..
الام:يلة حبيبة قلبي تعالي نتعشة ..
سلوى:والله عيب عندج بنية شطولها وانتي تشتغلين وتسوين البيت ..منا وجاي اني اشتغل كلشي ..
الام:من اتعب عاونيني