الجزء14
بقلمي السيدة العلوية
كم هو قبيح ان يتسلط احدهم على الاخر..كم هو مذل ومنفر ان تكون هكذا..خرجت واني بقلبي شي واحد فقط تجاه عقيل ~الكره ولاشيء سوى الكره~
صعدت الى غرفتي وانا مثقلة بالوجع جسديا وروحيا..توقعت ان اشوف ملاذ وامن لكن العكس صار..كنت اصبر من يضربني اخوي لان هو اخوي بالاول والاخر لكن يضربني ابن عمي! لا هاي اذتني حيل واستهظمتها وماحسيت بروحي الا واسجد لربي
(حسبي الله ونعم الوكيل)
لاول مرة بحياتي ادعي على شخص ..لاول مرة ..نمت وماحسيت بروحي لان ردت اهرب بالنوم من كل شي..وفجاة الصبح كعدت على ايد ناعمة..
كانت نور تمشي ايدها على وجهي وتحاول تلعب وياي ..اكثر شي فرحني وجود نور وطريقتها معي..بقينا عشر دقائق ..الى ان سمعت اصوات بالمطبخ وقررت انزل ..
سلوى:صباح الخير عمه
الام:صباح العافية حبيبتي ..يلة اكعدي خل اسوي الريوك..
سلوى:مستحيل انتي اكعدي واني اجهز كل شي ؟؟
الام: خلص لعد اني اروح اجيب الصمون وانتي كملي؟؟
طلعت عمتي واذا بعقيل كاعد كبالي ..خفت حيل من عنده ..
عقيل: هي انتي غسلي ايدج قبل لاتسوين الاكل مااستنظف ايدج
سلوى: ايدي ماتحتاج غسل لان نظيفة!
حسيته راح يقترب يضربني ولهذا استدركت كلامي وقلت: خوش ..اي اي هسة اغسلها
مااعرف ليش اتعامل مع سلوى بهذه الطريقة ..مو هي المسؤلة عن حزني ووجعي ولاهي المسؤلة بالوضع الي اني بي ..لكن اني هيج وية الكل منو هي واحسن اسلوبي وياها
اكملنا الفطور واليوم كان وقت مغادرة عقيل للبصرة ..كانما نسمه هواء بارد انعشتني عندما عرفت ان عقيل راح يغيب عن البيت ..وجوده يزعجني ويسبب لي ألم.
يوم جميل ..اه الان ارتحت ..غادر عقيل وبقيت مع عمي وعمتي ونور ..حبيبتي نور..حتى عمي كان قليل يتواجد لان دائما مشغول بأمور العشيرة..
بقيت اشغل نفسي بأمور البيت ..
أنت تقرأ
النهوة
Romanceحين تجرد من ادميتك وتصبح مسخا بيد التقاليد الغير مفهومة تجد نفسك دمية بين براثن تعسف وهمجية وتبتعد عن الانسانية هكذا وجدت بطلتي نفسها بين يد تقاليد بالية وبين قلب يحمل كل الحب والامنيات
