Ayokong sabihin na pagod na ako,
kasi kapag sinabi ko
baka tuluyan kang sumuko.Ayokong sabihin na pagod na ako,
kasi baka sabihin mong
pagod ka na rin,
at iyon na ang maging
huling pag-uusap natin.Ayokong sabihin na pagod na ako,
kasi kahit anong sakit ang idulot mo,
ayos lang sa 'kin,
kayang-kaya kong tiisin.Ayokong sabihin na pagod na ako,
kasi mahal kita
at kahit pagod na ako,
mamahalin pa rin kita.Ayokong sabihin na pagod na ako,
ayoko pa,
gusto ko pang manatili.
Sana ikaw rin,
sana hindi ka pa napapagod
sa aking tabi.Ayokong sabihin na pagod na ako,
kasi kapag sinabi ko,
baka tuluyan kang sumuko.
BINABASA MO ANG
Sa Pagsapit ng Dilim
Poesía'Yung mga taong walang kasiguraduhan. 'Yung mga emosyong wala namang patutunguhan. 'Yung mga sakit na sa pagsapit ng dilim mo lang mararamdaman.