يا صاحبة الخمار

٤

#ياصاحبة_الخمار
بقلمي ام مريم اماسي الليل
الجزء الرابع
حقوق النشر محفوظه
حسن : مجنت ناوي اطلع الزهره لان هاي اول مره نلتقي بليل بهيج وقت ....  بس لحت تضرب على الشباك وخفت لا البنيه تحس فوگ عصبيتي وقهري طلعته بيها انوب تعرف احب وحده ....من طلعت رزلتها  لزهره شلون تطلع بليل واهلها نايمين
لتسويلنا مصيبه .... من راحت بقيت ألوم نفسي هسه البنيه شنو ذنبها قابل هي غصبتني اتزوجها ... وهي بعد صارت مرتي عرضي اتقبلتها او متقبلتها محسوبه عليه ....
نزلت لفاطمه گتلها اصعدي يمها بقت وحدها
فاطمه: هسه امي گلتلي اصيحكم حتى تنزلون تتعشون ويانا والبنيه ترتاح شويه متحس حالها غريبه
حسن :صعدت دخلت للغرفه لگيتها گاعده على الفراش مغيره ملابسها مطالع منها غير عيونها وچف ايدها ورجلها ....
خلي ننزل يم اهلي
زبيده : عادي انزل بهالملابس
حسن :  شو گومي خلي اشوفها ....
زبيده : وگفت گباله شاف ملابسي  رفع وجهه ديحجي ويايه التقت نظراتنا....
حسن : يله  دننزل ..... ( شفت عيونها حلوه ردت انزل خمارها على حاجبها واصعده قريب على حافة الرمش السفلي لعينها حتى متبين عينها حلوه .... صار عندي فضول اشوف شكلها ... من نصعد وتنام اكيد راح اشوفها ...  من وصلت يم حافة الدرج انداريت عليها ...وين ما اكعد انتِ بصفي كلمه متطلع منج الا اذا احد سألج على كد الجواب
زبيده: صار .... دخلنا.... للهول عمته وخالتي وفاطمه حماتي بدون خمار .... اما البقيه كلنا بس عيون طالعه من وجهنا... وراها بشويه
خالتي گلتلهم يله يا بنات صبوا العشا بقيت مرتبكه اگوم اخاف حسن ميقبل واذا اكعد اخاف يگولون من اولها ماعدها اصول ...
أتقربت عليه اهمس بصوت ناصي ....عادي اگوم اساعدهم
حسن: لا.. عاگد حاجبي ومتخلين هالعطر بعد(طول ما كاعده بصفي فايحه ريحة عطرها )تخيلت الكل ديشتموا مثلي ...
زبيده: فشلني على العطر يمكن ماعجبه...بداخلي ... شنو هالقسمه السوده هذا محملني مسؤوليه زواجه مني ومطايقني واني هم مدا اطيقه بعد الحجي الي سمعنياه ...بس مجبوره اجاري لخاطر ابويه
تعشينا فاطمه شافتني مستحيه خلت كدامي اكل هو ميدري عني ...خلصت بقيت انتظره يگوم يغسل حتى اكوم وياه ... التفت عليه گلي گومي غسلي ويا فاطمه ... رحت ويا فاطمه
عفيه اريد الحمام حتى اغسل وجهي .... دلتني الحمام ... دخلت
غسلت وجهي ونشفته ... اندگت الباب ... لحظه
اني فاطمه ..... ادخلي .....
فاطمه: من شفتها فزيت ... هاي مو نفسها البنيه الي شفناها
هاي حلوه ... يامن يطلعني واروح احجي لامي اگلها البنيه الي شفناها مو هي العروسه
حتى نسيت على شنو اجيت اسألها ..... ها اتذكرت اكلج زبيده امي تگول صدگ انت معذوره لو خفتي من حسن وهيج حجيتيله
زبيده : بقيت ما اعرف اجاوب بس بنفس الوقت ما اكدر اگول كذب حتى ميتقربلي ... جاوبتها اي ..معذوره
فاطمه : زبيده الي شفناها بيتكم قدمتلنا الضيافه منو ....
زبيده: اختي نجله .... بيومها جنت مريضه ماطلعتلكم اعذريني
فاطمه: لا حبيبتي معذوره يله خلصتي حتى نطلع ..... طلعنا راحت زبيده كعدت بصف حسن .... وبداخلي فضول اريد اعرف حسن من شافها ... يمكن عباله ضحكنا عليه .... مجنص ابو علي حتى العروسه بدلوها اله بوحده حلوه .... اويلي عليج زهره اذا تشوفيها تشلعين بشعرج
يمه ... يمه تعالي رايدتج
الحجيه خديجه: تعالي انت مابيه اكوم
فاطمه: تعالي دقيقه واسويلها حركات .... اخر شي اجتني
حجيه خديجه : شكو شبيج تخبلتي مو عمتج كاعده تسولف ويايه
فاطمه: يمه العروسه مو نفسها الي شفناها..... لطمت امي على وجهها سوده بوجهي
لايمه دوگفي  البنيه هاي حلوه احلى من ذيج .... بس جانت مريضه ما دخلت وشفناها
الحجيه خديجه: امشي صيحيها .... خلي اشوفها
فاطمه: يمه والله كلش حلوه عيب هسه اصيحها كدام الكل عوفيها باجر اتشوفيها
الحجيه: امشي صيحيها ولج
فاطمه: يبو هو اني ما اكعد راحه وگتلج ..... رحت كعدت يم زبيده .......زبيده امي اتريدج
زبيده:  هسه ...التفتت على حسن .... حسن خاله تريدني
حسن : امي وابويه حجايتهم فوگ حجايتي تنفذين بدون متاخذين اذن مني
زبيده : ان شاء الله .... رحت على خالتي لغرفتها  ..... نعم خاله امري
الحجيه: حبيبه .... تعالي ماكو احد نزعي خمارج ورتاحي ....
زبيده : نزعته وكعدت بصفها خلتني افتح شعري ... استغربت تصرفاتهم
الحجيه : صلوات على محمد ... يمه حسوني طلب والله نطاه لان
بار بينا اني وابوه
حبيبه ... لتزعلين بس ترى احنه عبالنا العروس اختج انت احلى منها
زبيده : لا خاله مرت ابويه معبالها انتوا جايين تخطبون عبالها تعارف واني جنت مريضه مكدرت اضيفكم اختي ضيفتكم
فاطمه: زبيده محسيتي حسن من شافج انصدم
زبيده : جاوبتها اي حسيت .... بقلبي هو حتى وجهي مشافه وين ينصدم ...
فاطمه : مو احنه وصفناله شكل اختج
زبيده :  بقيت صافنه واستمع. وبقلبي من هاي يگلها لحبيته انت احلى منها وهو مشاف وجهي .... وفوگاها گلي ابقي لابسه الخمار ما الي نفس بيج..... عباله اني نجله
وشبيها نجله لو ماخذها احسن من صاحبته ام السطوح
دصبرلي لعد لا اخليك تعرف شنو تاخذ بنيه من بنات حجي سلمان  وتهينها
فاطمه : يمه شو نسيتي روحج ... وعمتي بقت وحدها وياهم
الحجيه : يا من فرحتي بزبيده نسيت خطاري ... يله يبنات امشو
زبيده : دخلت للهول ويا خالتي وفاطمه ....لگيت حمايه كاعد بصف حسن ... كعدت بصف خالتي .... عمتهم بقت اتسولف ويايه ... وويا خاله ... رفعت عيني صار حسن كدامي خزرني
مفهمت شبي عدلت ثوبي اخاف طالعه رجلي مجانت طالعه ...
خفت منه ... اترخصت من خالتي اصعد للغرفه ارتب غراضي
الحجيه : روحي يمه .. گومي فاطمه ساعدي مرت اخوج
زبيده : سلمت على عمتهم وصعدت ويا فاطمه .... للغرفه  نزعت الخمار
فاطمه: زبيده ماطول امي حبتج امورج ماشيه ويا حسن ...
زبيده : ان شاء الله .... فاطمه اتحبين الحنه ...
فاطمه : اكو احد ميحب الحنه
زبيده : اني ما احبها وخواتي جابولي كميه ... اخذيها لان ما استعملها
فاطمه : ليش متخليها بأيدج وبرجلچ  ولشعرج حلوه
زبيده : لا ما احبها ... حنه البارحه بأيدي لهسه اريدها تروح مدتروح وشعري شوفي (فتحته ) ما مخليتله حنه ولا مره
فاطمه: اخوتي يحبوها .... يجيبوها لنسوانهم ويوصون حسن وابويه من يسافرون
زبيده : ميخالف اخذيها اني اذا ردت اخذ منج
فاطمه : لعد هاليومين من ارسم نقشه ارسملج ويايه على ايدج تطلع كلش حلوه
زبيده : اجرب ماطول تگولين حلوه
فاطمه: انقهرت عليها لان حسن باله مو يمها ويا زهره ... وامي بعدها ما مرتاحتله ليروح يفشل ابويه ويا الحجي ويقسي وياها بالكلام والتصرفات
زبيده : فاطمه اريدج تعلميني على طبع حسن لان قبل شويه خزرني ومعرفت شيريد
فاطمه: هو طبعه يغار عليه وعلى امي عاد انت مرته وشافج حلوه
تلگي انتبه على شي طالع منج وخزرج
زبيده : والله انتبهت على رجلي مغطيتها بالثوب .... دا اسولف ويا فاطمه وطلعت مشط خشب   وعطر خليته على الميز
فاطمه : زبيده هذا العطر الي مخليته هسه
زبيده : اي
فاطمه : ريحته طيبه
زبيده : لعد اخذي ما اريده بالعافيه عليج
فاطمه : لا ما اريده شسوي بي ماعندي رجال انت خلي لحسن
زبيده : حسن محبه من جنت كاعده جوه بصفه گلي بعد لتخلي
فاطمه : ضحكت .... ولج مو گتلج يغار ... لان عطره يفوح ... ميريد احد يشتمه وينتبهون انت مخليته
زبيده : الحمد لله انت وخاله هونتوا عليه خليتوني احس نفسي وحده منكم .... بهالاثناء دخل حسن اني واگفه يم الكنتور منطيته ظهري منتبهت عليه التفتت على حجي فاطمه وشفته
فاطمه : راح انزل باجر اساعدج
زبيده : براحتج ... شفته مستغرب يباوع عليه ويسترق النظر
من نزلت فاطمه اخذب حجابي وخليته على راسي دا الف الطرف على وجهي اغطي بس تبقى عيني
حسن : انصدمت من شفت هالجماره هي هاي مرتي المو حلوه الي وصفوها امي وفاطمه خلوني اتخيلها قبيحه ...
لبست الحجاب رادت تلفه مثل الخمار .... طلع مني الكلام بدون ما انتبه ... ( ماكو داعي ... تلبسي اخذي راحتج بالغرفه