يا صاحبة الخمار

٥

#ياصاحبة_الخمار
بقلمي ام مريم اماسي الليل
الجزء الخامس
حقوق النشر محفوظه
زبيده : حقدت عليه لان شافني غير ما وصفوله ... هسه يريدني انزعه .... جاوبته ما متعلمه انكشف على غريب ... لفيته وبقيت بس عيني طالعه
حسن : نزعت دشداشتي  وتمددت على الفراش ....غمضت عينها ..... اني رجلج مو غريب
زبيده :انطيته ظهري ... خليت كلامك ترجيه بأذني انت مجبور عليه وما الك نفس بيه وزواجك مني خطرانيه لعلاقه ابويه وابوك واني محترمه هالعلاقه.. وقابله اعيش وياك بدون ما تقربلي .. وتبقى بالنسبه الي غريب الى ان الله يسهلك وتاخذ الي تريدها ساعتها تريد أتبقيني تريد اطلگني بكيفك ... اني ماعندي مشكله بالحالتين لخاطر ابويه  اتحمل
حسن : كمزت رحت لزمتها من ايدها شوفي لتخليني من اول يوم امد ايدي عليج ... مره ثانيه اذا طولتي لسانج اكصه ... مو اني الي مرتي تتلاسن ويايه فهمتي ... انت عليج الي احجي تسمعي وتنفذي ( دا اسحب الشال من راسها ) من اكول تلبسي تلبسي من اگول انزعي انزعي فهمتي  بقى الشال بأيدي
زبيده : مجاوبته ... بس نظراتي اله كلها حقد وكره
حسن :  خزرتها سمعتيني
زبيده : سمعت....
حسن : غيري ملابسج وتعالي نامي بصفي
زبيده : بداخلي .... شنو هالقسمه ياربي شلون راح اتحمل هالرجال ... واتقبله الصبر منك يا ربي
حسن: شنو حجيت وياج
زبيده : طلعت ثوب نص ردن وگصير لونه ابيض ستن ختلت ورا باب الكنتور بدلت سديت باب الكنتور  لگيته مبتسم
حسن : الله لا يوفقج فاطمه خليتيني اچفص ويا هالجماره من اولها .... نفسها كشت مني .... شلون اجيبها للدرب هالحلوه .
اجتي نامت بصفي على حافة الفراش .... اول مره اشوف مره بهالملابس ونايمه بصفي ... وحلالي ... بس مترهم اتقربلها بعد الي حجيته ... راح أتحس بيه ضعيف وماعندي كلمه وفوگاها باجر مسافر وهاي دنيا اني گلت كدام امي البنيه معذوره اذا اخذها هسه  ويصير بيه شي بالطريق وتطلع حامل يتهموها بشرفها ومحد يصدك اني الي اخذتها ... يامن يلزمني فاطمه هسه )
تعالي اتقربي ليش نايمه على الحافه
زبيده:  اتقربت ومنطيته ظهري
حسن : مره ثانيه من انتِ جوه واخوتي موجودين انتبهي على الخمار مينزل اكثر من جوه الرمش ومن فوگ تنزلي على حاجبج
زبيده : ان شاء الله
حسن :  بقلبي شراح يخلصها هاليله حالي مثل الي يشوف العسل وميكدر يضوگه ... بقيت اتصفن .... ورا اكثر من ساعه
صحتها بصوت ناصي زبيده .... مجاوبت مديت راسي لگيتها نايمه .... مديت ايدي لزمت قماش ثوبها ناعم طمعت ... مشيت ايدي على جسمها  ... وشعرها (الله لا ينطيج فاطمه ) ....شلت الچرچف من عليها .... شفت برجلها حجل ....  گمت فتحته من رجلها  بقلبي فدواتج يمه على هالمره.... باجر اني مسافر انزعها الحجل لحد يشوفه
زبيده: من بدا يتلمس جسمي حسيت عليه وقلبي راد يطلع من مكانه من الخوف ...نزعني حجلي گلت هذا ناوي ... بس من رجع تمدد بصفي ارتاحيت ...
حسن: افكر واجاوب نفسي ( وين حبك لزهره شو بس شفت زبيده روحك لابت عليها .....اي زهره تبقى بقلبي احبها بس هاي مرتي حلالي هم الها حقوق عليه ... نمت وفزيت على صلاة الفجر لگيتها نايمه قريب عليه .... زبيده .. زبيده
زبيده : نعم
حسن :گومي صلي
زبيده : صباح الخير ..... حسن عاكد حاجبي صباح الخير
زبيده:  بقلبي اف شلون صباح بحاجب معكود ...
حسن : حضريلي ملابس دا اسبح
زبيده : نزلت وراه انطيته ملابسه وتوضيت صعدت صليت ... وراها صعد حسن سألته شنو احضرلك ملابس تاخذها وياك
فتحت باب الكنتور اجى من ورايه بحجه يگلي على الملابس الي يحتاجها حسيته يتقصد يطخني ... طلعتله الي راده وابتعدت عنه ... لبس ملابسه اندار عليه
حسن : راح اغيب تقريبا اسبوعين  السطح متوصلي العطر الي جنتي مخليته متخلي  وخمارج مثل مفهمتج ...يجونا خطار
غير اخوتي ونسوانهم متنزلين واني راح انطي علم لامي ميصيحون عليج .... تنتبهين على ملابسج واسعه ميبين منها شي ومن تحتاجين شي انطي خبر لامي لو لفاطمه يوصون  ابويه يجيبه ... كحل متخلين بعيونج .. صار معلوم
زبيده : صار
حسن : يله اني اتوكل تريدين شي قبل لا اطلع
زبيده : لا سلامتك .... اجى باس راسي وطلع ...