Our times (Slow Update)

Chapter 7: what is wrong with me?!

*Joshua's hometown
**Tuesday Evening

Si joshua mau balik kk nedi, jadi mula suda dii dia packing barang2 mau bawa balik rumah dia di sana kk. Asal balik dari kg mesti byk mama dia si aunty Rose kasi tapau dia makanan kg, itu bosou kungkung(tida halal metii), bosou turongou(ikan sungai) segala jenis bosou laa kana sumbat pigi bag si joshua 😂. Bukan si joshua tida selalu balik tapi begitu la tu si aunty Rose kalau ngam2 ada dia tebikin banyak bosou nah sanalah si joshua untung kana suru bw balik kk. Si joshua ni dia balik sana hometown dia mmg tida tentu, kadang tiap 2 mnggu kadang tiap 1 minggu, lepas antar si aera balik kg, si joshua terus direct balik kg dia itupun 2 hari 1 mlm seja di kg. Tapi kdg2 tu dia balik kk balik. Cuma nikali ni seja dia balik 1 mnggu sebab musim mananom parai kan.

"Oyoo, kau tida mau bawa tu bosou si mama?". Tanya si Jayden abg numbur 2 si joshua.

"Atuii banyak suda meti si mama sumbat dalam beg sa tu, macm bulih kana jual suda hahahaa". Bingung juga si joshua mau kasitau mama dia yg bosou dia d sana kk masi bulum abis, ada stangah balang lagi laa, baa apa tida kana bagi 2 balang bosou kan saturang seja dia makan. Tapi biar la debilang, si aunty rose takut dia tida cukup makan beitu sana kk.

"Pataako tambalut nu tiso ilo bosou laa, nung napasan ko no mangakan bosou do kungkung(kau bagi kwn kau tu bosou la kalau kau bosan suda mau makan)". Bapa si joshua si angkol George yang baru dari sumad(kasi makan) tu tasu² , pigi bagi suggestion sama si joshua, dia nampak muka bingung si josh ba itu la dia bg cadangan

"Bagi tu sumandak yang kau chat smlm". Kakak si josh lagi pigi menyampuk.Laju ba Si josh menjeling sambil sinyum² kasi signal kakak dia supaya jangan obolotok(byk ckp) tu mulut. Terus sinyum² nopo si elsie sana sofa sambil kasi tidur c chrisy.

"Itu laitu sa fikir tu paa". Bilang nopo si josh.

***
**Joshua's POV**

"Baa ank2 buah buahan sekalian, angkol kamu yg insom ni mau balik kk suda kamu tida mau shakehand angkol ka?". Belarian si Jared, si Caleb sama si Sisi pigi peluk saya, angkol paling kana syg sma insom kan apa tida(parasan).

"Baii bai angkol". Serentak ni budk2 kicil pigi gapus sama pigi kissed pp saya. Deii gia

"Kada kotiil kio(jangan nakal aa) kamurang, nanti angkol tida mau bawa makanan lagi klau angkol dingar patah tgn lagi macam tu hari". Macam biasa sy mesti mau cuci dlu ni telinga durg ni, sbb dlu tekejut btul saya kana call yg si jared patah tangan gara² jatuh dr pokok jambu. Talampau jajal kan apa tida.. jd klau tidamau hal sama berulang,balik² la sa 'ugut' dorg supaya tida nakal lagi.

"Okeyy!!" Teriak tiga² tu tanganak(ank2) paham suda.
Barang² semua suda settle. Macm biasa sa pigi tabii dorg smua di ruma baru tu jalan pulang. *5:40pm kira² jam 8 lbih kali ni baru sampai kk

"Bagus² jalan oyo".
"Baa,manau poh(baa jalan dulu)".

Sebelum start driving, sy baru teingat mau cek whatsapp sa , telupa betul ni mau on mobile data sbb sibuk betul yg kemarin. Sa on seja tapi tida tunggu tu msg masuk, then i start driving.

***
*joshua's apartment-0830pm

Kelam kabut si joshua belari keluar dari kereta sambil peluk tu beg isi bosou dia masuk pigi bangunan apartment, asapou(lebat) betul tu hujan turun.

**Joshua's POV**

"Atuii kuat juga hujan ni nasib sampai kk dulu baru start tu hujan". Sa sapu² tu rambut sa,macam 1 gayung air juga kana di rambut ni,basah.. Okk mandi dulu la ni nanti baru susun ni brg2

9:30pm

Akhirnyaa siap juga sa susun ni barang2. Yg ini utk si aera... Yg ini sa bikin stok, ngam ni makan time bulan tua(blm gaji) ahhahaa. Sa rasa ni hujan makin lebat pula dari tadi tida pndai mau berhenti, harap2 la tida banjir. Klau banjir aiyoo susa ohh. Penat btul sa rasa hari ni mngkn sbb tadi pagi sa pigi tulung lagi tu boliou pigi angkat kayu, mau tidur yg tengah hari pun tida lena gara² tu tanganak ngawi bising betul. Adeii i sighed again.