اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بقلمي السيدة العلوية الجزء3 رجعت لبيتنا واول ماوصلت دخلت خالتي وجنات يم النسوان ودخلت ارتاح...ومااحس الا ابن اخوية ستار(حسين)دخل يمي مصطفى:حبيب عمو وبديت احضنة واشتم بي والعب وياه وفجأة اسمع فليحة بنت عمي تكول:الحمدلله بالسلامة شلونك خوية مصطفى:هلة بفلوحة شلونج خوية ..اني زين ولج هذا الكمر عليمن طالع ومستمر اناغي وية حسين فليحة:عليكم غير..جا انتة تحب الجهال(الاطفال) مصطفى:اذا مثل هالكمر هذا اكيد.. فليحة:خوش لعد ماتطول الا وابنك بحضنك.. مصطفى:بعد وقت على الزواج..بعدني.. فليحة:اكلك خوية هاي منهي الوياك..خالتك اعرفها بس هالبت منهي(من هي هذه الفتاة) مصطفى: هاية جنات بنت خالتي .. فليحة:جا خوش(حسنا سأجهز الطعام) اروحن اجهز الغدة بس كون يعجب بت بغداد مصطفى:فدوة اروحلج خوية ماتقصرين.. رحت حضرت الغدة واجت سناء تساعدني ..امي كالت لجنات روحي يم البنات تونسي (يعني غير ي جو) سناء:تعاي جنات كعدي يمنه يمنا بينما نكمل الغدة جنات:اوك ..اجيت..اكولج ووجهت كلامها لفليحة (اكولج فتحية وين اكعود'اين سأجلس') فليحة:اكعدج بطن عيني ..هسة اجيبلج فراش وتكعدين بس اغسل ايدي من الزفر(ريثما اغسل يدي من رائحة اللحم) سناء:عجبج المكان..انتي من زمان ماجاية.. جنات:اي فعلا..بس حبيت اغير جو وصوفي كال اجي واجيت وياه فليحة:منهي صوفي ماشفتهة وياكم جنات:اووي هههههه شكد دمج حلو فتحية ..صوفي اسم الدلع مال مصطفى فليحة:يلة خية اكعدي..بس شنهي اكلج ترى مايصح تكولين صوفي على مصطفى جنات:لويش (لماذا) سناء:احنه هنا عدنه ندلع بس البنيات (الفتيات)والزلم(الرجال) مايصير نكوللهم هيج جنات:امممممم اوك ولو مامقتنعة..اكولج فتحية؟ فليحة:اسمي فليحة مو فتحية جنات:شنو الفرق اثنينهم اسماء كلاسيك وقديمة كولش سناء(اني ادري بفليحة من تغضب ..بس الله يستر منها..مرة ضربت زلمة بنص السوك لان تعايل عليها وسمعها حجي موخوش(حاول التحرش بها)'يعني نسخة ثالثة من دلف وجبار بس هي بنت 'وهاي بت خالتي طوختهة كلش(زادت من تصرفها السيء) وياها واني ادري بقلب فلوحتنا ابيض بس من تغضب لااا؛ اكلج جنات هاي ام حسين الوردة واسمها مو قديم وأشرت لفليحة الخاطري عوفيهة(اتركيها)
♡اثناء الغداء♡ مصطفى:يلة تفضلواا ..بالنسبة الي ماراح انتضر لان جدا جوعان ستار:هني مري خوية مصطفى:لعد وين ابوية الام:راح وية عمك ابو دلف لبيت ابو شمخي جايين من العمرة سناء:تفضلي جنات..هاي القطعة الج.. جنات:اوك... فليحة:اكول خوية شنهي شو ضعفان مامش(لايوجد) اكل بغداد ★الكاتبة:اكول ست جهاد وتالي وياكم جهاد:شكو علوية شبيج الكاتبة:اي هسة كمتي تكولين شكو ''قبل شنهي" جهاد:اي يابعد اختج مو غير تعلمت عليكم وصرت بغدادية..بس لاتخافين ماانسى جذوري.. الكاتبة:اي افتهمنه بس تعبت من الترجمة يعني ليش الاعضاء بس يقرأون واني اترجم الج؟ جهاد:لان اني البطلة مالتج ولازم تدلليني هههه وبعدين ترى يزعلون المتابعين ويعوفون قصتنا كملي عليج السيدة زينب الكاتبة:دخيلتج مولاتي زينب روحي لك الفداء ..خلص لعد امشي نكمل ★ مصطفى:لااا ام حسين اكو بس اني مو كلش وية الاكل الام:يمة جنات شو ماتاكلين..يمة فليحة حطي (ضعي)كدامها فليحة:تفضلي خية..خوش تشريب (نوع من الطعام العراقي عبارة عن حساء يعمل من ماء الدجاج او قطع اللحم ممزوج بنوعيات معينة من التوابل والمنكهات ثم يقطع الخبز ويوضع فوقه هذا الحساء""تاليتي اصبحت شيف مطبخ بسبب السيدة جهاد) جنات:اوووي لااا هذا يخربط الرجيم مالتي ..وبي كميات دهون لا خالة لا.. ستار:جربي خوية كلش(جدا) راح يعجبك الخالة:ماما ..جربي لاتضلين جوعانه مو زين عليج سناء:خلوها على راحتها جنات:اوي هذا كولة دهن حر ماااحبه.. سناء:اصلا طيب جنات:ماتشوفين كلكم سمينات ومامحافظات على رشاقتكم.. سناء:هههههه اصلا الاكل متعة (حاولت اتجنب كلامها السام جدا)عمي الرشاقة لجهاد ..تكول غصن بان مصطفى:صدوك وينها ماشفتها ستار:اجت الصبح وراحت ..تجي العصر تتعلل يمنه فليحة تهمس لسناء(همزين جاي تسكتينها لان راح اخبزها خبز العباس بس تطيح بيدي 'ساقوم بضرب جنات ')
المغرب 'مضيف الرجال' الاب:بوية ماكلتلنا راح تستقر يمنه لو تبقى بغداد مصطفى:والله بوية ماادري بس ع الاغلب راح ابقى بغداد لان مفكر اسوي مشروع وية(مع) صديقي ستار :بوية شمنتضر ماتفاتح مصطفى مصطفى:خير بشنو ..كول بوية..تحت امرك الاب:بوية اني خطبتلك بت عمك شنهي رايك مصطفى:شنوو..صدوك بوية تحجي منو اني اتزوج ومن منو ؟ ستار:بت عمنا جهاد خوش مرة ومزيونة (جميلة المضهر والتصرفات) مصطفى:جهاد!! الزلمة ؟ الاب بغضب:شبيهة شنو عيبها مصطفى:متخلفة!أمية تعرف يادوب تكتب اسمها وفوك هذا هي رجل مو مرأءة تذكرون يوم التركتر لو لا؟ ★الكاتبة:جهاد شنو هذا الموقف احكيلنا جهاد:شوفي علوية فد يوم الزلم كلها راحو يشتلون وماضل ولا زلمة بالبيت واني بدون مايدرون اهلي متعلمة على قيادة التركتر(سيارة زراعية لحرث الارض) وشفت كاعنا محتاجة لان لازم العصر يجون يشتلون بيها صعدت السيارة وحرثت الكاع(الارض)وسناء وفليحة يصفكن(يصفقون لي) الي لان سباعية وخلصتهم من هم ومااحس الا و دلف ومصطفى ورانه مصطفى:عمري مانسيت هالتصرف مثل الرجل كاعدة على السيارة ★
الاب:اني كلت كلمتي جهاد الك وانتة الها وانتهت السالفة ويوم الخميس نمشي عليها مصطفى:مستحيل ..مستحيل لو اخر انسانه ماارتبط بهيج متخلفة ؟
