أم البنات

اه اه

#أم البنات

بقلمي السيدة العلوية

الجزء9

♡جنات♡

عمركم ماسألتم عني..اوك اني راح اسولفلكم ..اني مرحلة اخيرة هندسة معماري..جنت وية مصطفى بنفس الجامعة لهذا اصدقاء..بس بداخلي مو بس هيج..خصوصا هو متمكن يعني زوج مناسب يكدر يحقق لي احلامي..جنت اتمنى يخطبني بس اهله خطبولة بنت عمة وحدة عربية وكلشي ماتفهم..اني بصراحة كمت ماافكر بي لكن بقت صداقتنا مستمرة وطلعاتنا..اني اشوف العلاقة اللي بيناتنه عادية ومابيها خلل..يعني هواي نتخابر ويسولفلي كلشي عن حياته..واني هم..

♥نقطة ضوء♥

اما زوج او اخ..صديق ليس هناك صداقة بين رجل وأمرأءة الا وكانت محط ومجلب للشبهة والحرام..♥

اقتربت ايام ولادتي ومرهقة جدا ومتعبة..يجوز لان اني مااخذت فترة راحة لان بمجرد ماشوية كبرت رحمة اصبحت حامل..

الدكتورة:بنتي وضعج مو مال ولادة طبيعية..

جهاد:يااا..جاشلون دكتورة انه خايفة

الدكتورة:منو اللي وياج ..خلي يوقع على عملية قيصرية..

فعلا انجبت بعملية جراحية..لكن..الصدمة هي بنت ثانية..اني من سمعت بنت خفت والرعب تسلل بداخلي..اعرف اهلنا شلون راح يفكرون..غوركت عيوني بالدمع..مرهق جسدي ومتعبة حد الموت..وملامحي الصفراء..واحس بخطر بس كلت لا مو معقول..

اول الواصلين من اهلنا كانت سناء..

جهاد:سناء خية احضنيني 'محتاجتك..لاتتركيني

سناء: شنهي جهاد شبيج شيوجعج اصيح للدكتورة تجي تكشف عليج خاف اكو شي..

جهاد:الوجع بقلبي ياخية..وبهذه الاثناء دخل عمي وعمتي واهلنا ..عرفو انه اني انجبت بنت وكانما غربان سود وحطت على ملامحهم..طيب انكول الزلمة مايحس بوجع المرأءة ..زين انتي ياامي وياعمتي ليش ماتحسن مو انه مثلجن بنت وتعرفن الوحدة شبيدها ..شني تخلق هي لو ربنا اللي يخلق...

الكاتبة:الله يساعدك جهاد

جهاد:اوجعو قلبي ..تصوري حتى ماكلفو نفسهم يشوفون الطفلة.