أم البنات

كم هو صعب

#أم البنات

الجزء 6

بقلمي السيدة العلوية

♡جهاد♡

تمر الايام واني جاي استغرب من طباع مصطفى..اغلب الوقت برة ومن اسأل يكول مشغول بالمشروع..

فعلا هو سوى مشروع مع صديقة كريم..واقترب يوم السبعة مالتي(سابع يوم للعرس تحضر به النساء من العائلتين للاحتفال وتقديم الهدايا نوع من التقاليد )

فليحة:الو جهاد شلونج خية

جهاد:طاكة روحي (متلهفة)على شوفتكم شوكت تجون..

فليحة :اي احنه هسة بالطريق..

عند الظهيرة اشوف اهلي واحبابي كلهم ..ركضت حظنت امي وكل البنات والتهيت وياهم وسولي حفلة وبدن النسوان الكبار يسألوني..

ام محسن (عمتي'اخت والدي):جهاد يمة بشري شخبارج

جهاد:بخير عمة ..لو تدرين شكثر (كم)مشتاقة للكعدة على الساجية(الساقية'اشبه بالنهر الصغير جدا)

العمة:ماكو شي منا منا

جهاد بخجل:دخيلتج عمة استحي لاتسولفين هيج

سناء:عمة شنهي بساع خوما بساع ..كومي خية وعوفي النسوان يسولفن تعالي اشوفج اني وفليحة شجبنالج..

دخلنا للغرفة ..

فليحة:شوفي هاي الكلابية (ثوب بيت من النوع الراقي)وصيت عليهن ام بسام الدلالة

سناء:تعالي اكعدي..شو لا مسوية شعرج ولامتحضرة ..بس لاهيج تكعدين يم رجلج يومية

جهاد بنظرات عتب:لا والله البس احسن الملابس ..

مر اليوم..بسلام ..كانت الحياة روتينية..وانا لم اطمح باكثر من هذا ..انا بيتوتية 'عالمي يدور حول زوجي وبيتي وبس ..هيج تعلمت وهيج نشأت ماعدنه بنية تطلع او تروح ..اذا نحتاج تسوق او احتياجات ملابس او غيرها تأخذنا امي او احد اخوتي ونعود بسرعة..وبالمناسبات ياخذوننا للزيارة ال البيت..مصطفى كان مشغول بالمكتب يروح ويرجع من يرجع يضل يشتغل ومرات يروح عند خالته ..صح اني كمت نوعا ماااغار..حقي ..ليش هالوقت مايكضي وياي ..كلت مااعاتبة هو هسة يفتهم..بعد شهرين عرفت انه اني حامل..

خبرت اهلي وكلهم فرحوا

حتى مصطفى..

مصطفى:راح اخلي خالة تاخذج الصبح للمستوصف حتى تبدأين وية دكتورة..

جهاد:حاضر..ربي يحفظك الية..

وفعلا لبست وانتضرت خالة مصطفى ..وشافتني الدكتورة وانطتني توصيات وفهمتني..وعادية الامور..

اسعد اللحضات كنت امر بيها من احس بداخلي روح..بيوم من الايام ..ماكلتلكم اني متعودة اخبز..ومرة جنت اخبز وملابسة حجاب وفجأة اسمع جنات واخوها دخلو للبيت ..انه ساعتها فار دمي ..شنهي يدخل وانه بوحدي وحتى لو اخته وياه ماتصح ..

جنات:هلاووو جهاد ..شخباركم..اكولج شوكت يجي صوفي

جهاد:يتاخر خية..بلازحمه خوية اطلع برة..انه بوحدي ومالابسة حجاب

سرمد:اوك ..سوري

جنات:شدعوة جهاد ..شصار

جهاد:خية ماصار ..انتي تدخلين على عيني وراسي لكن اخوج يدخل هيج وانه مفرعة (بلاحجاب)مامقبول

جنات:هو احنه صوجنا

جهاد:ليش خية صوجكم ماصار شي ..لاتزعلين ..ماكلت غير الحق..

عند المغرب وصار شيء كسرني وجرحني ..دخل مصطفى وراه خالته وعيونه تطك شرار(غاضب)..

الخالة:خالة جهاد مو عيب تطردين جنات وسرمد لويش خالة احنه مو اهل

جهاد:لا خالة اهل ونص بس الموضوع بي سوء فهم..

مصطفى:يافهم؟ولج انتي غبية !تعرفين سرمد منو هذا بمثابة ستار ليش تطردينه.

جهاد:دخل بدون مايدك الباب وانه مفرعة شاسوي يعني

الخالة:ايي يابنتي هو مثل اخوج ومايباوع على احد..

جهاد:هذا الشي مامتربية عليه انه ..عدنا المرة اي غريب تلبس حجاب من عنده وحتى لو انه بيتي غير يدك الباب..

واشوف خالة مصطفى كامت تمثل البكاء ليحظنها مصطفى وخرجو..

لكن من عاد مصطفى ..

مصطفى:هسة ترحين تعتذرين..

جهاد:مستحيل انه ماغلطت ليش اعتذر

مصطفى :تعتذرين وغصبا عنج..وضربني بقوة على وجهي..

رحت واني كل كياني مجروح..لكن ردت احافظ على زوجي ..واعتذرتلهم

♥نقطة ضوء♥

اياك ثم اياك..ان تظلم ..فكل العيون تنام وعين الله تراقب..واياك ان تحكم بما لايرضى عليه الله عزوجل..

الكثير منا يستهين بامور وهي اساسية ومهمة بالدين..مثلا عندما قالت الخالة ..هو مثل اخوج'هو مثل ابني '...لا مهلا مهلا..الامور لاتقاس هكذا ..ليس هناك لون رمادي اما ابيض او اسود..هو ابن عمي 'جاري'زوج اختي'ابن اخ زوجي'ابن خالي والى اخره لديهم صفتهم فلماذا الغي صفاتهم واقول ان الامر عادي خصوصا بالحجاب والستر..لنتبه ونفكر ونتأمل