هذه الاثناء واذا تدخل جهاد تحمل حليب طازج..وهي تنادي على سناء
جهاد:سناء وينج تعاي اخذي هذا وانطيني جبن من عدكم
سناء:هلة بهالصباح..المن الجبن''
فليحة وهي تحمل الخبز الحار:اكيد علمود دلف مو
جهاد:اي..اكلجن صدك مصطفى جاي؟
سناء بمكر:اي ليش
جهاد:شبيج تتغامزين ..جا هو غير ابن عمي واسلم عليه
سناء وفليحة قامو بترديد كلمات بشكل اهزوجة
(بت عمنه واختنه تصير جنتنه..)
جهاد(اول مرة بحياتي اكون بهيج موقف وخجلت جدا وخرجت مسرعة)
تمر الايام وها هو اسبوع والاب ينتظر رد مصطفى اما الخالة وجنات فبعد ان سمعوا بالامر عادوا ثاني يوم لبغداد)
نهاية الاسبوع وها هو يوم الخميس ..
الاب:بلا كلمة بسرعة كمل لبس وتعال ..انه انطرك (انتظرك )بالمضيف
مصطفى:عمري مافكرت اتزوج بهيج وضع ..وابوية مصر على جهاد..افكاري مادية وخفت ان يحرمني ابوية من ان يساعدني في المشرع ..لهذا اعتبرت جهاد مجرد وسيلة.."كيف لا والغاية تبرر الوسيلة"
♥نقطة ضوء♥
من قال ان الغاية تبرر؟ واي تبرير..ان تهدم لتبني ماتريد..ان تتزوج وانت غير مقتنع؟ هل فكرت ان هذه الانسانه ستكون امانه لديك..هل ستسطيع ان تقدم لها السعادة ..لامانع من الزواج فيما لو كان الزوجان في سنين متقاربة لكن كلاهما يحتاجان الى نوع من التقارب والتوافق المزاجي والثقافي ..لان الاختلاف الشاسع سيسبب قلق وخلخلة في الحياة الزوجية..لان احدهما غير مقتنع وهذا سيؤدي الى نفور مستقبلي♥
