Destiny's Game

DG 5

-------------

"Secrets and lies kills relationships.
No matter how careful you are,
You will get caught."

~Unknown

--------------

AIRPORT, Terminal 3.

Binabagabag pa rin ako ng mga binitawang salita ni Carlitos. Ano ba talaga ang ibig niyang sabihin? Ano ang ibig niyang palabasin sa sinabi niyang halos labing isang taon? Wala akong ipinakiusap sa kanyang bagay. Wala akong iniwan sa kanya. Wala akong ipinagawa sa kanya dahil wala akong tiwala sa kanya.

"Prof, parating na po sila Emma. Ihahatid daw po sila ng driver ni Dean Catigbac." Pagbasag ni Henry sa aming katahimikan.

"Ilang minuto pa ang layo nila?" Tanong ko kay Henry. Ayokong maiwan ng eroplano. Ayokong masundan ako nila Kate. Magiging magulo lang dahil kasama ko si Sarah. Kilala ko si Kate. Alam kong pagbubuntunan din niya si Sarah dahil sa pagkakahawig nito kay Gale.

"Prof, papasok pa lang daw po sila sa vicinity ng airport. Nasabit lang sa haba ng drop off." Sabi naman ni Henry. Napansin siguro ni Henry na balisa na ako kaya tumayo siya.

"Susunduin ko na lang sila sa labas, prof, para hindi na sila maghanap sa atin." Tumango ako sa kanya habang nas kandungan ko si Ella at umalis na ito.

"Blue, ikaw na muna diyan." Sabi niya sa kapatid. Tumango naman ito.

"Okay Kuya, no problem." Sagot naman nito sa nakatatandang kapatid. "Prof, ako na po ang kakandong kay Ella." Alok ng dalagita sa akin. Ipinasa ko sa kanya ang tulog kong anak.

Tumayo ako para maglakad-lakad ng konti. Naiinip ako ng sobra. Parang ang bagal ng segund, ng minuto, ng oras. Parang pakiramdam ko naka-slow motion ang lahat.

"Prof, do you want some hot cocoa?" Narinig kong tanong ni Blue sa akin. Umiling lang ako sa kanya. "Eh, prof, awake na po si Ella, baka gusto po niya ng hot chocolate?" Doon ko lang napansin na nakaupo na si Ella sa kandungan ni Blue.

"Princess, do you want some hot cocoa or hot milk?" Tanong ko sa anak ko. Ngumiti lang siya sa akin.

"No, Daddy. I'm fine. I just want a hug from you. You look sad." Sabi sa akin ni Ella. Para namang natunaw ang puso ko. Napaisip tuloy ako. Oo nga't gusto ko nang umalis si Kate at palayain niya ako, pero kakayanin ko bang malayo sa batang ito? Ang batang minahal ko ng limang taon?

"Oh, my princess. Did you miss me that fast?" Nakangiti kong tanong sa kanya. Idadaan ko na lang sa biro.

"Yes, Daddy. I closed my eyes last night and I went to sleep. You were there but when I opened it, right now, you are gone." Malungkot nitong sabi na nakatibi pa. Napahagikhik si Blue sa tinuran ni Ella. Nangunot naman ang noo ng aking munting prinsesa. "Why is she laughing at me, Daddy?" Inosenteng tanong ni Ella sa akin.

"I am not making tawa at you baby. I am just happy kasi you are too cute." Si Blue na ang sumagot, ingglisera itong kapatid ni Henry kaya ipagpaumanhin n'yo na.

"Really? I am cute? I knew it." Parang nagwagi na sabi ni Ella kay Blue at inakap ito sa leeg at kumalas naman kaagad. "Daddy, did you hear what she said? She said, I am too cute. Well, Daddy, she's not lying about that." Malaki ang ngiti niyang sabi sa akin na parang naninigurong hindi nagsisinungaling si Blue.

"Yes, princess. She's not lying. She's telling the truth." Sagot ko naman sa kanya. Napangiti niya ako kahit papaano. "Her name is Blue, Ella. She's Kuya Henry's sister. You call her Ate Blue, okay?" Pagpapakilala ko sa kanya sa dalaga.