Marry Me (completed w/ Special Chapter)

Chapter 11 (e) : Shane

Uminom lang ako ng juice, busog pa naman kasi ako.

"Nakausap ko na ang inaanak kong Mayor. Siya ang magkakasal sa inyong dalawa. Si Mayor Aguirre, kilala niyo naman siya diba?"

"Opo", sabay naming sagot.

"Umaasa ako na magwowork ang relasyon ninyo, Gian, Shane. Alam kong mahirap ang fixed marriage pero sa simula lang naman yun, kapag natutunan ninyo ng mahalin ang isat isa ay madali na. At sa tingin ko naman ay hindi kayo mahihirapan. Basta Gian, wag na wag mong sasaktan at paiiyakin si Shane ha. Sige ka, mumultuhin ka ng bestfriend ko."

Nagbiro pa si Lolo. Matutunang mahalin ang isat isa? Mangyari nga kaya yun? Eh ang suplado naman nitong si Gian.

"Opo Lo. Hindi ko po siya sasaktan", sabi ni Gian tapos tumingin pa siya sakin. Kinikilig ba ako? O dapat nga ba akong kiligin?

Hanggang ngayon nagtataka pa din ako kung paano siya napapapayag?

"Kung magkakaproblema kayo, ayusin nyo muna, pag-usapan. Lahat naman nadadaan sa usapan, basta wag kayong maghihiwalay. Naniniwala ako na hindi kayo aabot sa puntong yun."

Hiwalayan? Eh diba gusto nga ni Gian ng annulment na kaagad. Hay Lolo, mukhang mali ang mga predictions mo.

"At isa pang dahilan kung bakit gusto ko na kayong ipakasal ay gusto ko ng magkaroon ng apo", dugtong pa ni Lolo.

Huwwaaattt???? Apo? Apo agad? Tiningnan ko si Gian, nagulat din siya.

"Apo?!" sabay ulit naming tanong ni Gian.

"Oo. Apo. O? Anong kagulat-gulat doon? Magiging mag-asawa naman kayo kaya normal lang na bigyan ninyo ako ng mga apo."