الأرمل

جزء بلا عنوان 5

بعد سنة واني بالمحل مالتي الاول..

ابوسيف:حجي عبد عندي سالفة وياك

عبدالخالق:كول بس خلي اوصيهم على جاي راسي راح يطك ..

ابوسيف:اكلك اكو مرية (أمراءة)تشتغل دلالة وترجتني تساعدها لان عدها ايتام ..

عبدالخالق:اي خل تجي وانطيها المقسوم

ابوسيف:لااا يمعود..مو كتلك تشتغل دلالة وتريدك تنطيها اقمشة على التصريف..

عبدالخالق:اي ليش لااا مدام بيها وجه الله ليش لا..

ثاني يوم واني العصرية اكعد بالمحل الثاني..وجاي اسولف واضحك وية اصحابي والعمال يشتغلون واشوف مرية تقترب وترجع..

هي وحجابها الاسود وعباءتها ومبينة تريد شي وتخاف تقترب..أشرت لمحمود العامل ..شوفها شتريد ..بعد شوية واجة يكول..

محمود:حجي تريدك الك

عبدالخالق:مستغرب وكمت كلت اكيد هاي زبونة وواحد من العمال ضوجها..عندي رشيد عامل عصبي واكيد طول لسانه عليها..

عبدالخالق:تفضلي خيتي..امر خدمة اني عبدالخالق..

المرأءة:حجي اني اللي وصاك عني ابو سيف..

عبدالخالق:اهاا..شوفي خيتي ..هذا محمود..روحي خلي يفتحلج ورقة وتعاملي وياه واي شي تحتاجين اني موجود بس هااا الله الله بالمعاملة الزينة ..

المرأءة:الله يوفقك ..الله يخليك..والله اول باول اسدد ..

راحت واتفقت وية محمود يتعامل وياها..وخطية جانت فرصة بفرصة تسدد ماتتأخر..بس مرة متأخرة ورشيد ضال يصيح عليها..

المرأءة:والله ياوليدي جنت مريضة وتوني كمت وجبتهن الفلوس

رشيد:باعي هاي دروب النصب مو علينا اخر مرة تتأخرين وبعد مااكدر انطيج الا تسددين يلة..

محمود:رشيد عوف السالفة الحجي موصيني

رشيد:اي شموصيك تتأخر بالتسديد هاي وحدة تريد تنصب.

محمود:المرية انطتني وراحت بس اكيد انغثت من كلام رشيد.. رحت للحجي وبلغته..

عبدالخالق:هذا الولد شوكت يبطل هاللسان الموحلو..