تحوم روحي مثل طير جريح..ليس لي ملاذ وليس لي ملجأ اهوي اليه..مجزء الاحاسيس فنصف مني تعلق بالماضي وربع مني يغفو ويحلم ويتمنى كما لو كنت ابن العشرين..ومن قال انهم فقط هم من لهم حق الاحلام..اتمنى ان تذوب روحي بسكينة وهدوء واني اغفو وانا ارى حلمي البسيط...
شفت اختي وابن خالتي ..ماكتلكم اني يمكن طبيت لل50سنة''هههه عجوز صرت ..ارتاحيت وتونست وشبعت من اكل البيت ..وفرحت باطفال اختي فؤاد ومروة وشفت طفل عدهم سألت
انتصار:شبيك حجي هاي ابن فجر
عبدالخالق:يايابة ..هي طفلة ..وينها
انتصار:طفلة شنو يمعود مو ذيج الي تذكرها ..هسة عمرها 28وهذا ابنها سيف
عبدالخالق :ديلة صبي الجاي بينما اخذ الاطفال اشتريلهم ..وتعلقت بسيف لان مايمشي بعده واه من حظنته..كانما اني اريد الحظن هذا مو هو..احس بشي غريب وراحة ..سبحانك
ربي الطفل ببرائته يفرحك..رحت اشتريتلهم وسيف ضل متعلق بية ويرفض يروح من حظني
من رجعنا ..شفت فجر..
فجر:السلام عليكم..شلونك حجي
عبدالخالق:مية هلة بفجر شلونج شخبارج..ولج شوكت كبرتي وتزوجتي وجبتي هالكمر ..والله لو ما الفشلة اخذه وانهزم لبغداد ههههه
فجر(بحزن):اي هو بسرعة يتعلق بالناس ..يلة ماما تعال وسحبت الطفل من ايد عبدالخالق بقوة ودخلت للغرفة وكعدت..حاول سيف يطلع واني ماارضى وهواي كان يبكي لان منعته من الخروج..
عبدالخالق:خوية شبيها..كلت شي اني
انتصار:لاتاخذ على خاطرك بس هاي هيج ضروفها وسولفتله كلشي..
عبدالخالق:اسمع واني اغلي وافور ..خدامة ..وسكير وبنت مثل الورد اوف لو بيدي جان امرده بيدي ..خوية هاج هاي الفلوس العصر روحن للسوك اشترن اي شي
انتصار:لا خوية لا..مستورة
عبدالخالق:اخذي ولاتلحين وماوصيج لاتكولين اني نطيتج كوليلها من اخوها واني هم اخوها ماكذبتي
بعدين غفيت العصرية بالصالة واسمع صراخ الطفل ويدك بالباب يريد يطلع ..
