️
الحلقه 1⃣
كانت راقده متندريش على الدنيا من وين زارقه لين خشت عليها امها
ع فرح: اروى اروى هيا نوضي
اروى: ماما شويه بس 😣
ع فرح وهي تحول في الورغان من على وجها: هيا نوضي بوك اتصل بيا يبيك ترفعيله الملف هدا عنده اجتماع يستنا فيك
اروى: قولي لسامي يرفعه
ع فرح: سامي حتى هوا في شركه هيا نوضي سقديني اني بننزل اهو نركب مره تانيه نلقاك راقده 😡
اروى: اهو نايضه
ناضت اروى خشت لحمام ( حشاكم) دارت دوش على السريع وطلعت لبست (سروال جينز وسوريه طويله ازرق ملكي وكندره سوده شدت شعرها ديل الحصان وبخت برفان ❤️) ونزلت
اروى: صباح الخير😘
ع فرح: صباح النور
اروى: وينه الملف 😕
ع فرح: اوينه فوق الطاوله بري افطري قبل ماتطلعي
اروى: ماخطريش تو ناخد حاجه على الطريق
طلعت ركبت سيارتها 🚗 وامشت لشركه 🏢 وهي ماشيه في الممر بدون ماتنتبه خبطت بشخص طاحت
اروى بألم: اااااااه قامت راسها انصدمت 😳
وكملت بعصبيه😡: انت اعمى ماتشوفش
هيثم شافها من فوق للوطه وتكتف بتكبر: 😒اوووه الانسه اروى بشحمها ولحمها طايحه على الارض ويرفع صوته: لالا مش معقوله
اروى بعصبيه تتلفت تشوف في حد شافها ولا لا ناضت بسرعه قامت شنطتها وقربت منه وبعصبيه دفته😠: انت انسان وقح المفروض من باب الادب تعتذر مني وتمد ايدك وتساعدني واشرت على الارض بغرور: وتقيم الاوراق وتمدهم ليا
هيثم رفع حواجبه وبسرعه كان عند وجه اروى قريب منها هلبا وبسخريه: شكلك متاثره بالمسلسلات والافلام وحرك حواجبه 😄
اروى ووجها احمر من العصبيه: انت واحد تافه وحقير كان مش ولد عمي راه ناديت الحراس لوحوك من باب الشركه زي الكلاب ياواطي ودافته: حول من عليا 😤
هيثم عصب شدها من ايدها ودخلها لمكتبه وسكر الباب بمفتاح وهوا شاد ايدها لفها ورا ظهرها وضغط عليها بالقوه بدت اروى ملاصقه ظهرها في صدر هيثم 😥
هيثم قرب عند ودانها: انتي التافها والحقيره وكل شي مش هيثم اللي تقوليله هكي وعيط عند ودانها: فاااهمه ؟؟ 😠
اروى تحرك في ايدها تبي تفكها وهيثم يزيد يرص عليها
اروى بعصبيه: وخرر من عليا ياتافه يا حيوان هيثم بعد عليا يا مختل
هيثم على نفس الواضع فك شعرها وهي مزال ظهرها لصق في هيثم
اروى فتحت عيونها ماتوقعتاش يدير هكي وخصوصا من هيثم 😮
هيثم وانفاسه على ودان اروى: ريحة شعرك ويشم بالقوه عذااااب 😈
اروى عفست على رجله هيثم فكها وقعد شاد رجله
هيثم بعصبيه: هييييه هبلتي انتي
اروى طبست تقيم في شنطتها: انت واحد مش متربي وحقير وحيوان مش انسان
هيثم سحب شنطتها بالقوة لدرجه اروى قريب طاحت حذفها على الارض واروى فاتحه عيونها على وسعهم وبغضب هجمت عليه وبدت تضرب في اي مكان تجي ايديها فيه: ياحيوان يا حقير نكرهك نكرهك 😭
هيثم يتفادها مره الضرب تجي فيه ومره يتفداها لين في الاخير قدر يشد ايديها وبصوت عالي: خلاااااص اهدي خلاص 😖
( هيثم كان يحب اروى من هما صغار ومن قبل تلاته سنين اعترفلها هيثم بحبه هي رفضاته ومن هداكه اليوم هيثم بدي متع بنات ) نرجعو ليهم توا 😁
اروى معصبه: الله ياخدك الله ياخدك يا حقير
هيثم شد ايديها ودفها لين جت لصقه على الحيط واروى تقاوم فيه وهوا يقرب منها...
......يتبع ✨
