الحلقه 2⃣9⃣
اميره: واني نحبك ❤️
سامي تلفت مصدوم لالا اكيد سمعت غلط ايه اكيد طنشها 😶
اميره مقهوره وقلبها يوجع فيها تحبه وتعشقه وبصوت باكي
اميره: علاش مش اني 😢
سامي مصدوم ومتوتر مايعرفش شن الموضوع تلفتلها وهوا يشوفها
سامي: شنوو اللي ليش مش انتي 😥
اميره قربت منه وبصوت عالي
اميره: ليش اااني نحبكك ونبيكك مانبيش غيرك ليش تبي تتزوجهاا ليش 😭
سامي كأنه حد صب عليه اميه مصقعه 😱
سامي يعني هي تحبّني مصدوم مش عارف شن يدير
اميره مقهوره منه ومن بروده وبدون شعور بدت تضرب في صدره بكل قوتها وتعيط
اميره: نكرهكك انت واحد اناني انت وأمك نكرهك نكرهك شن ذنبي تعلقني فيك شن ندير توا 😭
سامي مصدوم شد ايديها ويكتم في غضبه
سامي: اهدي عيب الحركات هده
اميره. اللي كانت تقوم فيه تجمدت رفعت عيونها ليه وجت في عيونه 😢
سامي قعد مركز في عيونها توا كيف ركز في وجهها كبرت وبدت حلوه لكن منحبهاش نحبها زي اروى ولبنى بس وبهدوء فك ايديها
سامي: امشي خشي داخل راه ح...
قطع كلامه كف قوي من اميره وجعتها ايدها من قوته 😡
سامي ورأسه ملفوف وشعره طاح على وجهه غمض عيونه وشد يده بقوه وبهدوء
سامي: استغفرالله
اميره بكت: سامي اسفه اني نحبك والله نحبك ارجوك ماتتزوجش غيري منقدرش نعيش بدونك والله نعشقكك 😭
(الروايه بلا كرامه المفروض اسهمها )
سامي رفع راسه: اني عمري مافكرت فيك غير زي اروى نحبك زيها وبس غير هكي لا الاحسن تنسيني ومعاش تفكري فيا بهالطريقه فكري فيا زي هيثم واحمد زي مانفكر فيك زي اروى ولبنى وربي بيرزقك بولد الحلال اللي بيسعدك 😶
اميره تحس بكل كلامه اماس تضربها في قلبها لهدرجه مشاعرها ولاشي في قلبه مسحت دموعها بقوه وشافتله كان يشوف عند رجليه ويتجنب يشوفها اخدت نفس وبصوت تتصنع ألقوه
اميره: نكرهكك 😠
سامي ابتسم شافلها: احسن ليك وليا
اميره قهرها بروده تلفتت ومشت بسرعه كانت بتطلع لكن جي هواء قوي وضرب الباب في وجهها
اميره ماحستش الا بهواء قوي وكل شي صار بسرعه وضربه قويه على وجهها طيحتها لالتالي وكل حاجه بدت ظلام 😲
