الحلقه 1⃣5⃣
الساعه 6 ناض هيثم وهوا راسه يوجع فيه مارقدش غير ساعتين وحاس انه اي شي قدّامه بيفجره طلع لقاها مقعمزه في صاله وشاده موبايلها قعمز بالقوه بملل
اروى انتبهت عليه انه مالل وببتسامه: صباح الخير ياعريس ☺️
هيثم رفع حاجب بدت ترمي في حبالها وببتسامه: صباح النور بالحق عريس امس رقدت في حضنها احلى نومه 😈
اروى انقبض قلبها حست بغيره: الله يلعنها 😠
هيثم فرحان والله لنموت قلبك من الغيره: تعرفي وووه فيها جمال وبشره جسمها يهبل مش طبيعيه
اروى وقفت بعصبيه: امتا الرحله بنمشي نوتي روحي قبل ما تفوتنا
هيثم ابتسم فرحان: مزال بكري رحلتنا الساعه9 مزال ساعتين ورانا 😋
اروى بقهر: حتى كان بنمشي نجهر حاجاتي 😖
هيثم يضحك: ههههههههههه اصلا حاجاتك بالشنطة ماطلعتيش شي منها ههههههه
اروى مشت بعصبيه وقهر وقلبها ودمها يغلي خشت لدار وسكَّرت الباب بقوه وبكت حدفت روحها على السرير وبكت وجعتها ايدها: والله لما نوريه 😭
ناضت وطلعت قعمزت بقهر في مكانها 😡
هيثم فرحان وهوا يشوفها واضح انها بكت وهدا اللي يبيه 😁
اروى بقهر: جعانه اطلب فطور
هيثم: اوكي حتى اني جعان بالذات رنو مش في جنبي
واخدي السماعه يكلم
اروى قلبها ينعصر بقوه لكن قاعده تتصبر
هيثم طلب الفطور وناض قعمز في جنبها واخدي الجريدة باش يقهرها
هيثم: اني بجنبك لكن قلبي ومشاعري مش معاك بكل
اروى مقهوره وتحس بالغيرة وهي تتخيله بحضنها ويحضنها ويبوسها و و و وقفت بسرعه ومشت لكن وقفها صوته
هيثم شافها ناضت عرف علاش: اروى جيبيلي اميه عطشان
اروى بدون ماتتكلم امشت صبت الميه في الكأس وهي تتذكر الكاس اللي امس وكيف صوته وكيف كان كلامه لما طيح الكاس حطت الكاس ع الدرج وقعمزت على رجليها وحطت ايديها ع اودانها غمضت عيونها وهي تبكي لالا اروى اهدي اهدي اشششش مافيش شي هيثم ليك ايه ليك ليك بروحك مسحت دموعها واخدت نفس طلعت ومدتله الطاسه انتبه ليدها المجروحه شافها ملفوفة لكن معدلش
هيثم: شن لفيتي ايدك بالمطبخ باش ننهبل ونقول سلامتك وبسم الله عليك
اروى منحرجه منه ومن سخريته عليها: ايه معقول مآثر فيك أنى يمكن انجرحت
هيثم شرب اميه: هههههههههه لا والله كان نشوفك تموتي قدامي ماهتميتش ونزيدها عليك بنقعمز ندعي عليك امتا تطلع روحك ونتفك
