عشق رغم الانتقام

39

الحلقه

بعد اسبوع كامل

((وسيم))

وسيم قلبه يدق لسوزان ومشاعر جديده بعد هاديكه الليله وكل تفكيره معا سوزان يشتغل يفكر فيها ويروح للحوش كل ما لقي فرصه باش يشوفها بدت في عيونه غير يبي يعترفلها بحبه ليها لكن ماعنداش جرئه ويفكر كيف لو تخدعه في مشاعرها وحبها بس باش تنتقم منه متردد هلبا لكن معاش يقدر يتحمل اكتر يبي يعترفلها ويشد في يدها لحياة جديده

((سوزان))

سوزان حبها لوسيم يوم بعد يوم يكبر ويزيد تعلقت فيه بزيادة وتستنا كل يوم امتا يجيها كان فضي مش شغله وكل تفكيرها معه وخايفه عليه من بعد ماشافت الفيديو وهي مرعوبه اي حاجه تخوفها اي حركه ترعبها مش عارفه شن ادير للفلاس لكن قررت ماتعطيشي لوسيم ح تمشي لشرطه بروحها وتسلمه بيدها ووجود اسمهان يرعبها رعب

((اسمهان ومحمد))

محمد كان هادي هدوء ماقبل العاصفه ويفكر في سوزان وفي الفلاش

اسمهان تراقب في سوزان وديما مرعوبه من فكرة الفلاش وحاسه ان سوزان ح ترفعه لشرطه

((هيثم))

تعلق في اروى اكتر واكتشف قديش هوا يحبها مهما كان لاعب على روحه انه يكرهها زاد المرض عنده ومزال مستمر على الادويه وحاس ان الفشل قرب من 90% ووقتها ح يحتاج ياغسيل يا عمليه وماقالش لحد انه مريض وزادت علاقته بس عمر ومروان

((اروى))

طايره من الفرح قلبها يدق لهيثم وبس بدت تحس بالحياة والحب معا هيثم ومتعلقه فيه هلبا هلبا احيانا تحسه فيه حاجه غريبه لكن تتعوذ من الشيطان وتقنع روحها ان كل حاجه كويسه وهي وهيثم في خير مدلعها هيثم اخر حاجه

((سامي واميره))

كل واحد يفكر في الثاني سامي مستغرب من روحه ليش ديما اميره في تفكيره على طول حب ولا لفتت انتباهه بمشاعرها من بعد هاديكه الليله وهوا مايفكرش غير فيها

اميره ميته فيه وكل تفكيرها معه والبرفان معها ديما ترقد وتنوض وهوا في يدها وتبكي كان يتزوج غيرها كيف ح تعيش

_________

وسيم في شغله واسمهان في دارها وسوزان في دارها حطت الفلاش في شنطتها واخدت نفس الخطوه عده لازم اديرها مافيش وقت نزلت خشت للمطبخ تشرب الخدامه في دارها ترتاح شربت الميه وتجمدت وانصدمت لالا انشلت

طاحت الطاسه من يدها وبدت ترعش هوووووا صوته صوت الراجل لفي الفيديو تلفتت بشويه قريب جتها الجلطه هوا

محمد متقي على باب المطبخ ويمسحها بعيونه مسح

اسمهان جت تجري