الحلقه 2⃣5⃣
ع محمد: هههههههههههه بنقوللكم غدوا شن رأيكم نمشوا لمزرعه
اميره طول نقزت على بوها
اميره: ايييه ارجوك بابا
هيثم: عادي مافيش مشكله 😁
ام هيثم: والله ياريت نغيرو جو
ع محمد: خلاص غدوا الصبح طالعين وبيمشو معنا حتى اعمامك وعماتكم
اميره: ايييييييييييه بنديرو جو 😂
ام اروى ناضت
ام اروى: هى تاخر الوقت بروح
اروى: وين ماما مزال بكري
ام هيثم: ايه مزال الوقت علاش طالعه
ام اروى: هدا هوا خلاص ليل
ع محمد: رآك تنسي تقولي للبنى وايمن
ام اروى: ان شاء الله
هيثم: عمتي خليني نوصلك اني بدال ماتسوقي بروحك
ام اروى: لا ياولدي ارتاح شن اول مره نسوق
ع محمد: لالا خلي هيثم يوصلك الدنيا ليل ومتعرفيش شن يصير
ام اروى: باهي على راحتكم
امشت سلمت على ام هيثم واروى
اميره: مزال ماشبعناش من شوفتك عمتو 😔
ام اروى غمزتلها: غدوا تقعدي عندنا في حوشنا ومنوره الحوش وتملي من شوفتي 😉
اميره تحشمت لانه فهمت قصدها ☺️
ام اروى ضحكت عليها وطلعت
ع محمد: هى نوضو جهزو حاجتكم غدوا بنوضوا الصبح بكري راه
اميره: اني في خمسه دقائق موتيه حاجاتي مش زي ناس تانيه سرحانه من اول ماطلع الحبيب 😁
اروى كانت سرحانه تفكر كيف بتهزم هيثم ناضت من سرحانها على كلام اميره
اروى: وانتي شن دخلك مدخله روحك في كل حاجه 😒
اميره:احسن حاجه نمشي نوتي حاجاتي
اروى وقفت: هادي احسن حاجه اديريها
اروى امشت ركبت لجناح متعها خشت دوشت
هيثم خش لحوش هادي والضي طافي مافيش غير زينة الصاله والعه استغرب بعدين اذكر غدوا الصبح بيمشو للمزرعه ابتسم هدا ليش كلهم راقدين بكري اركب خش لجناح مش موجودة انتبه لصوت اللي في الدار تانيه طنش وخش لحمام بياخد شاور
اروى بعد مكملت حمامها طلعت لبست قميص ابيض لنص الفخذه ومفتوح للخصر توترت كيف بتطلع فيه هكي ح يقول تبي تغريه ويجرحها زي العاده لكن هي بينها وبينه تحدي هي تتحداه ح تخليه يحبها من جديد ويدق قلبه مش جديد ليها وهوا متحديها ادير اللي تبيه مش ح تاثر فيه والدليل نومهم في نفس الدار تحداها مش ح تغريه وهي مصممه تفوز وتكسر راسه اخدت نفس
