الحلقه 2⃣6⃣
موعد المزرعه
كلهم تجهزو وطلعوا للمزرعه وصلوا وكملوا نومهم الشباب والبنات اما الأهالي مستحيل يرقدوا
في دار البنات البنات يرقدو في دار وحده وطبعا الدار معبيه
اروى ماقدرتش ترقد كل المزرعه عمر عمر
( عمر خو اروى ميت دار حادث بسياره مات قبل سنتين عمره 23 )
قعمزت مسحت دموعها وطلعت بهدوء ألقت الأمهات مقعمزين يشربوا قهوه امشت بهدوء لجهة الإسطبل وقفت قدام البوابه وطول نزلوا دموعها عشق خوتها للخيول عمر عمر وحطت يدها على فمها ومشت بخطوات ثقيله تدور فيها بعيونها بين الاحصنه واخيرا لقتها تحرك في ديلها ولونها الأبيض وعيونه الكحله وقفت عندها وهي طلعت راسها اروى مدت يدها ولمستها وكأنها تلمس في عمر وضمتها وبكت حتى بدي صوتها يعلى وبدت تبكي وتشهق 😭
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حست بحاجة دافيه تحضنها من وراها عرفته وعرفت ريحته لتعشقها وبدت تبكي أقوى من قبل 😭
هيثم واقف حاضنها من ورا وحاط وجهه في شعرها وساكت حاس قلبه يتقطع هوا فأهمها كيف مايفهمهاش وهي الانسانه اللي عشقها ومات في حبها وبكل حاجه 💔
اروى فكت الحصان وتلفتتله وحضنته وتعلقت فيه بقوتها دفنت وجهها في صدره
هيثم غمض عيونه وحضنها بقوته يبي يدخلها بضلوعه ويسكر عليها حتى مايجيها شي ولا تبكيها حاجه ❤️
اروى تبكي وتشهق: هيثم استحشته ااااه ياربي قلبي يوجع فيا ااااه عمر 😭
هيثم غمض عيونه: اششش قولي الله يرحمه كلنا استحشنه لكن هده حكمة ربي
اروى تبكي: والله واعره آآآه
هيثم خلها تبكي
سامي وراهم تسند على الحيط وغمض عيونه نزلوا دموعه: يالله عمر استحشتك كان موجود توا راه نتسابق اني وانت ❤️
قام عيونه لفوق: ربي يرحمك عليك رحمات الله وبركاته ربي يجمعنا بيك في جناته آآآه ياعمر
ومشي خش داخل
اروى هدت حست انها في حضنه ☺️
هيثم لاحظ هدوئها
